⛵ سلسلة اركب معنا ⛵( إصلاحات قبل شهر الرحمات) (مكتملة)

16⛵

⛵ سلسلة اركب معنا ⛵

🌅 إصلاحات قبل شهر الرحمات 🌅

          🔅الحلقة ١٦🔅

❗ هسألك سؤال وجاوب بينك وبين نفسك لما بتعمل #ذنب بيبقي ايه احساسك يا تري ؟! ولو مداومـ على ذنب معين تكراره بيعمل ايه فيك ؟ بيأنبك ولا بتتعود عليه وبيبقي عادي ؟!😢

👈احنا عندنا #حالتين ..
الآولى / أن قلبك أول بأول بيتوجع على كل ذنب أنت بتعمله مش بتكون مرتاح أبداََ ونفسك تبتعد عن الذنب ده شوية بتقوى على نفسك وشوية #بتضعف
أحب أبشرك أنت كده قلبك لسه شغال وبخيره.💪

لسه مفقدتش احساسك بالذنب اللى هيساعدك أنك تقرب من ربنا تانى
حط دايماََ قدامـ عينيك أن " التائب من #الذنب كمن لا ذنب له " اوعى تفقد الآمل ف نفسك عارف لو عملت الذنب وجيت توبت منه بالليل وجيت تانى يوم كررته برده لسه فيك أمل بس خد بالك أوعى تتمادى عشان التمادى هيموت #احساسك وتروح بقي
👈 للحالة التانية /
يعنى اتفرجت على حاجات حرام عادى قولت كلمة حرام عادى تصرفاتك غلط ف غلط مش فارق معاك عمال تكرر فـ الذنب ومش زعلان من نفسك ولا على نفسك حصل #بروووود كده يبقي البقاء لله على قلبك لآنك وصلت للمرحلة اللى ربنا قال عليهمـ
" كلا بل #ران على قلوبهمـ ما كانوا يكسبون " يعنى ذنوبك عمت قلبك خلاص مبقتش بتحس ولا بتتوجع لما بتغلط 👈بس #استنى أوعى تفقد الآمل برده لآننا بنعبد ربنا #الكريمـ..

👈الشيطان هيدخلك من مدخل #اليأس لآنه عاوزك تستمر فـ الذنوب وتتمادى فـ غلطك وتيأس من التوبة اهزمـ شيطانك بالثقه فـ الله..

🔆عاوزين نمشي على الخطوات دى سواء كنا الحالة الآولى أو التانية ..
1) يا أيها الذين أمنوا لا تتبعوا خطوات الشيطان
يعنى متفتحش علي نفسك الباب وترجع تندمـ حاول أى باب من أبواب الشيطان هيوصلك للغلط اقفله بايديك..

2) الثقة واليقين فـ الله أن ربنا غفور رحيمـ ومهما بلغت ذنوبك لو استغفرته هيغفرلك ويرحمك..

3) من شروط النوبة الإقـلاع من الذنب، والندم والعزم على عدم العودة إلى المعصية..

4) ابعد عن كل الآجواء المحيطة بالذنب اللى بتشجعك عليه لو ذنبك مرتبط بالليل حاول متسهرش على قد ما تقدر لو مربوط بقعدتك مع أصحابك بلاش منهمـ لفترة لو بسبب الفيس اقفله لو من الموب اقفله وشيله..

5) خليك #صريح مع نفسك مهما ضحكت على الناس أوعى تضحك على نفسك عشان متصدقش الكذبه فتتمادى فـ غلطك وتصدق فعلاََ أنك كويس مبتغلطش زى ما الناس شايفاك..

6) استــــــــــــــــــــــــــــــــــر نفسك يعنى متروحش تفضح نفسك عشان ربنا بيسامح الناس لا بتنسي ولابتسامح..

اقولى بـ#ربنا على نفسك :)
📌📌📌📌
#اركب_معنا