⛵ سلسلة اركب معنا ⛵
🌅 إصلاحات قبل شهر الرحمات 🌅
🔅الحلقة الثامنة 🔅
* دى تخينة عجلة مبتبطلش أكل يا عمـ 😮
ده رفيع عامل زى عود القصب شكله مسخرة😂
شوفت البت رنت حتة ضحكة باينلها #شمال🤔
شوفت الواد السماعات مش بيشيلها من ودنه على طول #أغانى مسلمـ بالآسمـ يلا ربنا يهدي😶
البت دى بووومة وعانس العريس بيجيلها #يطفش ميرجعش تانى
الراجل ده بخيل جلدة اعوذ بالله على ده راجل
رغي رغي رغي كتييييييييييير جداََ بنتكلمـ عن الناس وبس😑
التخينة دى بتعانى من نظرة الناس ليها وعندها مشكلة فـ #الهرمونات مش كتر أكل على فكرة ..
الرفيع ده مجهود من الشغل علشان متحمل مسئولية بيته ..
أبو سماعات ده لعله بيسمع #قرآن ..
البنت العانس دي لسه مجاش نصيبها العيب مش فيها لسه #ربنآا مأذنش ..
البخيل ده من كتر ما تعب فـ الدنيا لحد ما بنى نفسه بقي #حريص مش بخيل لآنه تعب كتير فـ حياته
⏪عزيزى النّمَّامـ ممكن سؤال ؟!
هو أنت #مــــــــــالكـ أصلاََ ؟ ليه متبقاش في حالكـ وتسيب الملكـ #للمالكـ
ايه هدفك ؟ #بتتسلي مثلاََ !!
وآآه على فكرة مفيش حاجة اسمها نيتي خير مش قصدى حاجه ^_^
ربنا قال ( يا أيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون )
ده #نهى صريح من ربنا سبحانه وتعالى عن الاستهزاء والسخرية بالناس علشان كده الرسول صلي الله عليه وسلمـ قال " الكبر بطر الحق و #غمط الناس " يعنى احتقارهمـ واستصغارهمـ والتقليل من شأنهمـ لآن اللى أنت بتتكلمـ عنه ده ممكن يكون أحسن منك عند ربنا وده المهمـ
عارف يعنى ايه كلمة " لا تلمزوا أنفسكمـ " يعنى تتكلموا عن الناس وتقللوا منهمـ وتطعنوا بعضكمـ بعض واللماز هو الهماز وده ملعون من ربنا سبحانه وتعالى زى ما قال فى كتابه الكريمـ " ويل لكل همزة لمزة " #الهمز يعنى التقليل منهمـ بالقول و #اللمز بالفعل
" ولا تنابزوا بالآلقاب " سبب نزولها
حدثني أبو جبيرة بن الضحاك قال : فينا نزلت في بني سلمة قدم رسول الله - صلى الله عليه وسلم - المدينة وليس فينا رجل إلا وله اسمان أو ثلاثة ، فكان إذا دعي أحد منهم باسم من تلك الأسماء قالوا : يا رسول الله ، إنه #يغضب من هذا . فنزلت : ( ولا تنابزوا بالألقاب )
ربك نزل الأية دى من القرآن علشان كان في ناس بتغضب من اسمـ بيتقالها ومكانوش بيحبوه .. شوف أحنا بقي بنتعمد نضايق الناس بألقاب وأسامى وصفات هما مش بيحبوها .. تفتكروا ده له معنى غير أنه #معارضة لكلامـ ربنا سبحانه وتعالى ؟!
أخر حاجة هاتكلمـ فيها لو حد عمل #غلطة فـ حياته وكان بعيد عن ربنا أو عمل ذنب معين ليه أنت تفضل فاكرله الذنب ده وتفكره بيه كل شوية ؟ وتقلل منه وتحسسه قد ايه هو وحش وأنك وااو أحسن منه بكتير ؟!
الرسول صلي الله عليه وسلمـ قال " من عير أخاه بذنب لمـ يمت حتى يفعله "
يعنى كل ذنب أنت عايرت حد مسلمـ بيه مش هتموت إلا لما تعمل نفس الذنب ده ؟!
أوعى تكون نقطة #سودا بين كل اللى حواليك حاول تخليك عبد #ذكي فهمـ مراد ربنا من وجوده فـ الدنيا وبيتبع كل اللى ربنا ورسوله أمروه بيه علشان لما يقابلهمـ يقولهمـ أنا كنت عبد #ربانى ذكي قدوتى الرسول صلى الله عليه وسلم
_ لو في موضوع معين حابين يتمـ عرضه في سلسلة اركب معنا اتفضلوا اطرحوه ^_^
🍥🍥🍥🍥🍥
#اركب_معنا
أنت تقرأ
⛵ سلسلة اركب معنا ⛵( إصلاحات قبل شهر الرحمات) (مكتملة)
Pertualangan( مكتملة ) كُن ليناً🤍 عامل الناس برفق ولين ،اسمع منهم ،ساعدهم لو قدرت،لكن ماتحكمش على حد إنه غلط،انت متعرفش هو عايش ازاى وبيعمل اى🌻 افهم اللى حواليك،احسن الظن بالناس ،والتمسلهم أعذار مش عذر واحد🤍 *إرتقي*
