⛵ سلسلة اركب معنا ⛵
🌅 إصلاحات قبل شهر الرحمات 🌅
🔅الحلقة 11 🔅
هنتكلم عن نية جميييلة وكلنا محتاجينها جدااا الفترة دي 😉
هى خُلق جميل المفروض نتخلق بيه كلنا ونعيش بيه والله هنرتاح كتيير 😍الزمن اللي أحنا فيه دلوقتي فيه كلام كتيير اووووي😑
كل مووضوع مش بكلمة واحدة ده ب مية كلمة والجدع اللي يغلب ويكسب ف الكلام 😒✋تلاقي اتنين بيتكلموا ف موضوع والوقت يمتد لنص ساعة وأوقات اكتر كمان كل واحد متمسك بوجهة نظره والكلمة الصغيرة معمول منها موضوع كبيييير
كل كلمة صغيرة بينا بقيت لينا جداال ومناقشاات وحواراات 😕شوفوا كده حديث رسولنا الكريم بيقول ايه
👈عن أبي أمامة قال: قال رسول الله صلى الله عليه وسلم { أنا زعيم ببيت في ربض الجنة لمن ترك المراء وإن كان محقا }متخيل نبيك بيقولك أنه يضمنلك بيت ف الجنة لو تركت المراء وهو ( الجدال ) حتى لو كان معاك حق 😃
يعني بتتكلم مع صديق ليك وهو مُصر أنه صح ولا أي شئ سيب الكلام عشان خاطر تكسب البيت اللي ف الجنة 😉😉
بتتكلمي مع مامتك وهما برده مهما كان تفكيرهم غيرنا من جيل غيرنا والمفروض ليهم علينا الطاعة معلش سيبي النقاش والجدال معاها عشان خاطر ربنا وعشان تسمعي كلام نبيك ✊
والله حياتنا هتبقى احلى بكتييير لو بطلنا كلام شوية حتى القلب بيموت من كتر الكلام ويتعب ويُنهك .. تفكّر ف خلق الله أفضل ولا أشغل نفسك باستغفار 🙂
مش لااازم كل شئ نعلّق عليه وكل حاجة ننتقدها ولااازم نطلع احنا اللي صح👈لو لقيت حد قدامك بيتكلم ف جدال ونقاش أو بيجيب ف سيرة حد انصحهم بعدم الجدال والغيبة ولو محدش سمع نصيحتك قوووم من المكان لحد ما يخلصوا عشان متلوثش قلبك النقي وتكون مشارك معاهم في الذنب..
👈 لو حد استفزك وفضل وراك عشان تتكلم خليك أنت أحسن سيبه يتكلم واسكت 😷
👈 لو مش عارف تقوم وتسيب المكان من جواك استغفر عشان تهدى ومتردش وتمنع عنك سيئات😉
عارفة أنها صعبة خصوصا لو أنت مُحق بس خليك أنت أحسن لله . حاول بس 😉خلينا نعيش بحديث النبي وخلي نيتك أنك تاخد البيت ده من النبي عشان سمعت كلامه
عيش ف الجنة وسيبك من الدنيا بقى كفاية تتعب قلبك بإيدك 💔
جرب هتلاقي الحياة أحلى 😊نوايانا الجميلة زيكم 🌺🌺
⭐ طاعة رسول الله وسماع كلامه..
⭐ كسب بيت ف الجنة كما في الحديث.
⭐ أكون قدوة لغيري ممن لا يملكون نفسهم ف الكلام أو وقت الغضب فيتكلموا كثيرا
⭐ تحسين أخلاقي كمُسلم..جربوها بجد هترتاحوا وتحسوا قلبكم بقى نقي وجميييل كده ومليان صفاااء 😉
✅✅✅✅
#اركب_معنا
#حياتي_دعوة
أنت تقرأ
⛵ سلسلة اركب معنا ⛵( إصلاحات قبل شهر الرحمات) (مكتملة)
Adventure( مكتملة ) كُن ليناً🤍 عامل الناس برفق ولين ،اسمع منهم ،ساعدهم لو قدرت،لكن ماتحكمش على حد إنه غلط،انت متعرفش هو عايش ازاى وبيعمل اى🌻 افهم اللى حواليك،احسن الظن بالناس ،والتمسلهم أعذار مش عذر واحد🤍 *إرتقي*