«سجينة قلبي»

الجزء التاني

من بعد ماعرفتكم على شخصيات الاساسية ديال قصتنا دابا اندوزو لاحدات القصة 😍
################################
فكازا وبضبط فكلية تالطب كانت گالسة ملاك هي وسعاد فالمكتبة و كايدويو...
ملاك : اوووف ناري شحال خاصنا نقراو ومابقا لامتحانات والو 😣
سعاد :وايلي حتا نتي كاتزيدي فيه راه گالينا لبروف ايكون داكشي ساهل ديري هير مراجعة خفيفة وصافي
ملاك: واش من نيتك انا راه ايلا ماحفضت مكانعقل على والو اش بيني انا گاع وبين شي طب
سعاد: هههه وباز ليك لسمعك ايگول سيدة مافاهمة والو ونتي ايلا جينا ندوزو ليك لامتحان دابا انا متاكدة اتجاوبي على كلشي صحيح 😒
ملاك : ولكن..(يلاه بادوي وهي تقاطعها سعاد)
سعاد: الله ارحم باك اما بدلي عليا هاد لموضوع تلقرايا ماشي انا جيت گلست معاك هنا باش تجبديه ليا 😑
ملاك : صافي هاني ساكتة
سعاد ناضت حدا ملاك ووراتها فتلفون تصويرت واحد دري
سعاد وهي فرحانة : كجاك
ملاك: خايب..شكون هدا!
سعاد: هدا صاحبي جديد😒
ملاك :ياك هير ديك سيمانة كنتي مع واحد اخر !!
سعاد : اييه كنت معاه ولكن دغيا طلع ليا فراسي وقلبت عليه وتعرفت علا هدا مرفح وزوين 😘
ملاك :باز ليك اختي كل سيمانة مع واحد بيت نعرف هير كتاديري ليهم 😐
سعاد:هههه سر المهنة هداك ياكما بغيتي نضبر لختي فشيواحد 😉
ملاك: ماعندي ماندير به اصلا گاع دراري كايتصاحبو هير علا قبل مصلاحتهم وصافي ماشي حيت كايبغيو بعضياتهم والحب...
سعاد: كايباليا خرجات عليك دراما لكاضلي  متبعة...گالت ليك لحب 😂
ملاك مجاوباتهاش وتحدرات على كتوبها كاتقرا فيهم  حيت عارفة ايلا مشات حتا جاوبات سعاد ماهاديش تقنعها هي من داك نوع لواخا يكون غالط كايبقا متشبت بلفكرة ديالو
هزات سعاد شافت ساعة وهي تلقا 5 تلعشية
سعاد :يلاه نتحركو من جوج وحنا هنا انا عييت بيت ناكل
ملاك :واخا يلاه
مشاو خرجو من الكلية ومشاو لواحد لكاف قريبة ليها خدات سعاد عصير تليمون  وملاك خدات قهوة كحلة
سعاد:ويلي ويلي على قهوة كحلة مابقيت عارفة راسي واش كالسة مع بنت ولا مع كماي
ملاك: هههه راه ولفتها فليامات ديال لامتحانات كنت كانبقا سهرانة بزااف وانا كانقرا وكنت هي لكانشرب باش مايجينيش نعاس تالقيت دابا راسي ولفتها ايلا ماشربتهاش كانحس بشيحاجة ناقصاني
سعاد : بفف ايلا بقيتي هكا عمر شيحد ايشوفيك اصاحبتي راكي عارفاني ماعنديش مع نفاق كانجي بنادم نيشان ..دابا نتي زوينة وطاي ديالك زوينة كلشي فيك زين ولكن اصاحبتي مكاتهلايش فراسك
ملاك :لماهايبغينيش وانا هكا ماعندي ماندير به ..انا مابغيتش شيحد ايبغيني هير علا قبل لمضهر ديالي..
وهي كادوي وهو يصوني تل ديال سعاد
سعاد : الو وي بب
الشخص : زين ديالي توحشتك
سعاد :تانا احبي
الشخص : منشوفوكش ليوم
سعاد:امممم ماكرهتش ولكن عندي واحد لغرض خاصني نقديه
الشخص :ولكن انا بغيت نشوفك ليوم هي ليوم
سعاد : هه صافي نتا لول احبي
الشخص :نتلاقاو فلبلاصة لمعلومة مع 8:30
سعاد : اوك وقطعات
ملاك بقات هير كاتشوف ومصدومة من  طريقة باش  كادوي
ملاك: اشنو عندك ليوم !!
سعاد : ماعندي والو ..منغير نتلاقا مع حبي هه
ملاك : واشمن غرض لگلتي ليه !
سعاد وهي كاضحك تابانت ليها ضرسة لعقل : هههه ماعندي والو هديك هير استراتيجية تهدرتي ههه...ماخاصكش تبيني لواحد بلي هير هو لعندك ووقتما بغاك ايلقاك حيت دغيا ايمل منك  😉
ملاك مافهات والو حيت اصلا مانولفاش بهادشي
سعاد: مع لوقت ا بب اتعلمي وتعرفي هادشي نهار تلاقاي مع داك لاتبغي هادشي لامابقيتي سينغل حياتك كاملة 😂😂😂
ملاك (دايرة ضحكة صفرة) : هاهاها هادشي مكايضحكش
سعاد : هههه نوضي نوضي نمشيو يلاه فين نوجد راسي نتلاقا بداك خينا
عيطو لسرباي وخلصوه ومشاو خرجو مشات ملاك لحرم لجامعي و سعاد مشات يلاه توجد باش تلاقا بصاحبها...كان ليوم سبت ..سبت هو ليوم لوحيد لكايخيلوهم ادخلو فلوقت لبغاو لمسكن(الحرم الجامعي) عكس لايام لخرا لهير كاتوصل  9 تليل كايمنعو دخول يعني لتعطل برا ايقلب فين ايبات ديك ليلة