«سجينة قلبي»

الجزء التامن:

اصبحنا واصبح الملك فاققو لابطال ديالنا فاقت ملاك وفيقات سعاد لبزز باش فاقت ليها وفطرو ولبسو حوايجهم وخرجو فاتجاه لقاعة لعندهم فيها درس
لحوايج للبسات ملاك:

#######
فبلاصة خرا فاق نسيم وكريم ل مشاركين بجوجهم غرفة دخل نسيم دوش وخرج فطر ولبس حوايجو لكانو عبارة عن سروال دجين وقميجة اما كريم حيت فاش معطل فكر دغيا وخرج تبع نسيم
كريم: مالك زربان اصاحبي تسناني
نسيم: نتا ديما معطل راك عارفني كانبغي نبدا درس من لول
كريم: وايلي اصاحبي مافيها والو لاتعطلتي دوج دقايق
نسيم : ديك جوج دقايق لحاگر هي كلشي فدرس
كريم :صافي دير ماگلت والو الا فتي حتا دويتي مكاتسكتش ⁦
دار نسيم غوبش فيه
كريم: مالك كاتشوف فيا هكا راه هير ضاحكين معاك ولايني مايضحك معاك حد
مشاو دخلو لقاو راسهم جاو قدهم قد لبروف كن تعطلو شوووية ايلقاوه بدا درس
«بعد مرور ساعتين»
فبلاصة خرا سالات ملاك الحصة ديالها وتمات خارجة هي وسعاد كايدويو
سعاد : هاد لبروف هدرتو كاتجيب نعاس منين دخلت مافهمت عندو تاكلمة وحدة
ملاك: ههه بلا ماتجيبي سبة علا لاستاد راه نتي لفيك نعاس ..ايلا بقيتي هكا بلا ماتعولي تفاليدي
سعاد: ناري ماتگوليهاش
ملاك:اللهم نفيقك من دابا ماشي تالخر تلعام وتخوري
شوية وهو يصوني تل لسعاد
سعاد: الو شكون معايا ؟
الشخص : ههه ماعرفتنيش !
سعاد:اممم لا
الشخص:انا مهدي هير بدلت نيم ديال تل
سعاد: ااه كداير ابب توحشتك
الشخص: تانا توحشتك داكشي علاش بيت نتلاقا بك
سعاد: اممم دابا انا فالجامعة مانقدرش
الشخص : ماشي مشكل انا نجي عند زين ديالي تال تما
سعاد(فرحات): هاني كانتسناك
ملاك بقات كاتشوف فسعاد زعما اش كاين
سعاد: امم هدا صاحبي توحشني وبايجي يشوفني
ملاك: اوا گولي لصاحبك انجحك فلخر تلعام
سعاد يلاه بادوي وهي تقاطعها ملاك : لمهم ايلا بغيتني راك عارفة فين اتلقايني (كاتقصد لمكتبة)
مشات ملاك لمكتبة كاتقرا حدا داتها عينيها ونعسات فوق لكتوب
فنفس لوقت كان كريم ونسيم متاجهين لمكتبة
نسيم : باقي عند الوعد ديالك!
كريم : ماتخافش راجل هو لكلمة
(ايلا نسيتو باش ايمشي نسيم مع كريم لحفلة تسيهام گاليه كريم فلمقابل ايعطيه واحد لكتاب لشحال ونسيم كايقلب عليه نسيم مكانش عارف لعنوان ديالو حيت هو اصلا كان كتاب بلا عنوان وهادشي لخلا رغبة ديال نسيم تزاد باش ايقراه بايعرف اش كاين فهاد لكتاب هو عارف هير شكل ديالو وصفو لكريم وگاليه اقلب ليه عليه ونهار لقاه كريم فلمكتبة شاف ملاك هزاتو كاتقرا فيه و عقل علا بلاصتو فين كاين )
دخلو لمكتبة مشا كريم متاجه لبلاصة فين كان شاف لكتاب ونسيم بقا كايتمشا كانت لمكتبة خااوية مافيها تاحد حتا كاتباليه واحد لبنت ناعسة بحال شي بيبي صغير وخصلات من شعرها لحريري فوق وجها وباينة فيها غارقة فسابع نومة وبدا نسيم كايقرب كايقرب بلا مايشعر لقا راسو كايتمشا لجيهتها شيحاجة كاتجدبو ليها وصل عندها وهو يباتسم بلا مايشعر شي دقيقة وهو هير مبتاسم وكايحقق فلملامح ديالها مافاق من سهوة ديالو تاسمع صوت كريم
كريم : نسيييم مالقيتش لكتاب ⁦☹️⁩
نسيم ضار عندو معصب : كفاش مالقيتيهش
كريم : كان هنا انا متاكد شيحد هزو
وبدا كريم كايدوي معاه وهو متاجه لجيهتو تاكاتبان ليه ملاك ناعسة
كريم(مصدوم) : ملاك !!
نسيم مافهم والو
نسيم : واش كاتعرفها؟
كريم : وي وي كانعرفها عقلتي فاش مشيت نجيب لكتاب وگلت ليك لقيت واحد لبنت سبقات ليه راه كانت هي هدي اااه وهي نيت لضاربات لبارح مع سهام هههه
نسيم عااد تفكر بلي هي لكانت مضاربة مع سيهام فلحفلة
كريم: اه اقدر تكون هي عارفة لكتاب فين كاين
وتم غادي بايفقها يلا بايحبسو نسيم وهو يغوت كريم
كريم (بلغوات): ملاااك
ملاك فاقت مخلوعة تدهشرات ماعرفات باش تبلات
كريم شافها هكاك بقا هير كايضحك وهي تشوفيه ملاك وخنزرات
كريم :ههه بلا ماتقلقي هكانضحك معاك
ملاك (مكاوباتوش) شافت ساعة لقات بلي سااعة وهي ناعسة فلمكتبة وهي تنوض غادية بغات تمشي وهو يشدها كريم من مرفقها
كريم : فين غادية بلاتي بيت نسولك
تنطرات منو ملاك
ملاك :اشنو بغيتي
كريم: عقلتي علا لكتاب لكنت عاونتك باش تهزيه
ملاك(بدات كاترجع سيناريو وكاتفكر) :مالو
كريم (شير لجيهت نسيم ودوا): صاحبي شحال هدي وهو كايقلب عليه بغاه وفاش جينا دابا مالقيناهش گلت لاتكوني عارفة فين كاين :/
ملاك هير شافت نسيم وهي تخنزر تفكرات داكشي لدار مع مروة
اما نسيم بقا هير كايشوف ف ملاك لدغيا تبدلو ملامحها فاش شافتو وخنزرات فيه ماعرفش سبب
ملاك : لكتاب كان عندي يلاه ساليتو (يلاه حلات صاكها باتجبدو )
نسيم : مابقيتش بغيتو (گال هاد جوج كلمات وخرج)
ملاك زادت تعصبات كتر من هاد تصرف حيت جاها تكبر اما واحد كريم مافهم والو كفاش لكتاب لشحال ونسيم كايقلب عليه تخلى عليه دابا بسهولة ومشا كايجري لعندو
كريم (كايلهت حيت كان كايجري ) : شرح ليا شنو وقع
نسيم(ببرود):ماوقع والو
كريم: كفاش ماوقع والو ونتا لكتاب شحال ونتا مصدعني لقاه وفاش لقيتيه دابا مابقيتيش بغيتيه
نسيم(ببرود) :اه صافي بدلت راي ديالي مابقيتش بغيت نقراه
كريم بقا ساكت معرف مايگول باقي
نسيم : اش باليك نخرجو لعشية نديرو شي قهيوة
كريم(مصدوم حيت نسيم من داك نوع لقليييل فين كايخرج) :لا لا نتا بيك شيحاجة هاد نهار
نسيم:صافي انمشي بوحدي
كريم: والا لا صافي انمشي معاك
نسيم :لمهم مع ديك 8:00 فكافي "marina"
كريم : اوك
######
خرجات ملاك معصبة وكاتهضر مع راسها :اش كايحساب ليه راسو ها حمار مكايسواش
شوية وهي تم جاية عندها سعاد تاشافتها كادوي مع راسها
سعاد:اويلييي على لبنت تشيرات ياك كانگوليك كترت لقراية كاتسطي ونتي مكاتسمعيش ليا
ملاك(معصبة): ياكما شفتني كانزف بلحجر
سعاد: ههه مالكي معصبة تاني
ملاك : والو هير مع راسي
سعاد: ماعلينا.. اش باليك نخرجو فلعشية نشربو شي قهيوة 👀
ملاك: واخا تانا نيت بغيت نبدل لجو قنطت
سعاد(فرحانة) : صافي مزيان 7:00 نخرجو دابا انمشي نوجد راسي
ملاك : سيري سيري باش يلاه نخرجو فلوقت نتي خاصك عام هير باش تقادي هير راسك ⁦🤦🏻‍♀️⁩