«سجينة قلبي»

الجزء الخامس

بقات ملاك گالسة بوحدها :

فبلاصة خرا وصل كريم ونسيم لبار وتمو داخلين ومنين دخلو ولبنات هير كايشوفو فيهم ماحيدوش عينيهم عليهم احح الاناقة والوسامة كلشي تجمع فيهم ..شافت سهام نسيم دخل وهي تمشي كاتجري عندو وبدات كاتحلون عليه :شكرا حيت جيتي (وهي تغمز كريم حيت عارفاه هو لقنعو) ملاحضة: سهام وكريم صحاب وكريم عارف بلي سهام كاتبغي نسيم داكشي علاش كايحاول اجمع بيناتهم
نسيم : happy birthday
سهام:شكرا الحبيب ديالي (هما مابيناتهم والو ولكن هي كاتبقا تگوليه هكا قدام كلشي باش ايحسابهم بلي كاينة شيحاجة بيناتهم)
نسيم مجاوبهاش ودخل هو وكريم لداخل وكلسو فطبلة ودومونداو شراب
رجعات سهام عند لبنات لدغيا تجمعو عليها
البنت1:باينة نسيم كايبغيك بزاف
البنت2: وي بصح حيت ماعمرو جا لعيد ميلاد شيحد ودابا جا لديالك
سهام (بابتسامة مكر): وي كايبغيني وتانا  كانبغيه هي هو مكايبغيش ابين قدام ناس
البنت 1: اوا هير حضي راسك راه كاينين لعينيهم عليك
سهام(معصبة): شكون هدووو؟ هاا ؟؟؟
البنت 2: ليوم فلعشية مشات وحدة عتارفات ليه وهو يقمعها ههه مسكينة ماعارفاش بلي ديالك ههه
سهام: وريوها ليا
البنت2: ماعرفتش واش جات لحفلة ولا لا
سهام: الا لقيتوها ليا ليا انكافأكم 😉
البنت 1 و2 (فرحانين): واخا هي لولة ومشاوكايقلبو
ملاك كانت گالسة بوحدها وحسات بلملال كانت كاتسنا هير سعاد تجي باش ايمشيو ساعة منين مشات ماباقي رجعات⁦🤦🏻‍♀️⁩ شافت ملاك  فساعة وهي تبان ليها 9:00 تليل وغدا لتنين قارين يعني خاصهم ايفيقو بكري وتعصبات وبدات كاتحرك فيديها بتوتر وكاتقلب بعينيها علاه تبان ليها سعاد شوية وهي توقف عليها واحد لبنت
البنت (بابتسامة):عفاك نجلس حداك؟
ملاك:اه اه بطبيعة لحال (ملاك جاها بحالا ديجا شايفاها فشي بلاصة ولكن ماعقلاتش فين)
البنت :شكرا ...انا سميتي مروة
ملاك : وانا ملاك ⁦☺️⁩
مروة:متشرفين واش حتا نتي من الكلية تطب
ملاك : اه
مروة :ماعمري شفتك
ملاك:تانا ماعمري شتك ههه اش تشربي ؟
مروة :بغيت هير عصير فريز
ملاك(عيطات لگارسون): گارسون
گارسون: وي مادموزيل
ملاك :واحد عصير تلفريز لانسة مروة
وجابو ليها ديك ساع ..بقات مروة وملاك كايدويو ومايضحكو ورتاحو لبعضياتهم فلهدرة
#####
فبلاصة خرا مشاو لبنات كايجريو عند سهام
سهام:لقيتوها؟
لبنت1: وي كاينة
البنت 2: اه كاينة وگالسة مع واحد لبنت خرا ماعرفتهاش
سهام(كاضحك ): هاهاهاها ليوم نفرجكم فيها نعلمها تحط عينيها على الحب ديالي ومشات متاجهة لبلاصة فين نعتو ليها
لبنات فرحو  وتبعوها بغاو ايشوفو اش ايوقع (راكم عارفين بحال هاد نوع كايعجبهم ايشريو صداع ومكارتاحو تاكايشوفو بنادم مضارب)
###
گالسة ملاك كادوي وكاضحك مع مروة حتا بلا ماشعرو شيحد خوا شراب على مروة لماعرفات باش تبلات تانزل عليها هادشي
سهام: اووبس ماقصدتش
مروة بقات هير حادرة راسها وساكتة (مروة كانت واحد لبنت لخجولة بزااف وهادشي لخلا ديما كلشي يحگر عليها )
سهام: ههه شتك حدرتي راسك ودربتي طم
ملاك تعصبات وعرفات بلي هدي دارت هادشي بلعاني ولكن ماعرفاتش علاش
مروة(حادرة راسها):كنت متوقعة هادشي
سهام: مزيان مزيان منين عرفتي وهادشي لدرت دابا راه والو مقارنة بداكشي لجاي لقدام... حيدات سهام كاس تلعصير لوحدة من دوك لبنات لكانو معاها وهي تخويه على مروة صافي هنا ملاك مابقاتش قادرة تصبر وهي تهز كاسها وهي تخويه على سهام
ولات حالتها كاضحك كلشي ضحك عليها
سهام (كاتغوت): واش حماقتي نتي هااااا
ملاك(معصبة):اه حماقيت عندك شي مشكيل؟
#######
فبلاصة خرا ولهي طبلة لكانت حدا ملاك كان گالس كريم ونسيم وسمعو لغوات
كريم: هههه هدا صوت سهام
نسيم:(صمت)
كريم:واسمع سمع هادو كايتخاصمو عليك 🤣🤣سعداتك كون هير لقا تانا ليتخاصم على قبلي هكا
نسيم(مبرد وگالس بلاتو):  وكايسمع اش كايگولو
سهام(ضحكة باستهزاء): واقيلا ماعرفتيش بنت من انا هاهاها ؟؟
ملاك:مكايهمنيش بنت من لكايهم هو شكون نتي واش من انجازات درتي  ماعرفتش علاش ناس بحالكم  ديما كايبقاو ايتخباو مورا عائلاتهم ويفرضو راسهم هير بسلطة ديال عائلتهم بففف صراحة كاتبقاو فيا
نسيم فاجؤو رد ديال ملاك وهو يهز راسو بايشوف شكون لدوا هاكا حيت لعارف ديما ناس هير كاتجبد ليهم سلطة تعائلتهم كايخافو وهدي بكل جرأة جاوبات هكا
كريم:سمع سمع عطاتها القاسح هههه صراحة ضرني راسي بيت نعرف شكون هاد لبنت لدوات هكا
سهاممن بعد ماجاوباتها ملاك مارضاتش وهي تهز ايديها تصرفقهاوهو يشدها ليها....
################################
البنات كانتمنى الا عجبكم لبارت تخليو تعليق باش تشجعوني نزيد نكمل ليكم لبارت لخرين وشكرا ^^