«سجينة قلبي»

الجزء السابع

نرجعو لحفلة
نسيم غمز كريم بعينيه (زعما يلاه نمشيو)
سهام شافتو : نسي نسيم ماتمشيش عفاااك
نسيم ماتسوقش ومشا هو وكريم كل ركب لوطو ديالهم وتاجهو لكلية
اما سهام بقات كاتغلي فبلاصتها وكاتحلف :هادي ندمهم اندمهم على نهار فاش تزادو
البنات اولا نقدرو نگولو   لصقات حيت ديما لاصقين فيها ⁦🤦🏻‍♀️⁩
البنت 1: اش اديري باقي مع مروة 👀
سهام(معصبة): مابقاتش كاتهمني مروة الهدف ديالي دابا هو ديك لكانت معاها
البنت2: كاتقصدي ملااك؟ 😮
سهاد: ادن سميتها ملاك
البنت 1: اه سميتها ملاك وكاتقرا فسنة تالتة
سهام(بابتسامة مكر) : اوا هير توجد راسها لداكشي لكايتسناها
البنات لمعاها عجبمهم لحال جاهم لفضول ايشوفو اي اشوقع
#######
فبلاصة خرا وصلات ملاك وسعاد ومروة لكلية
ملاك :تصبحي على خير تالغدا ونشوفك
مروة:تصبحي على خير..(وحنات راسها)سمحي ليا ليوم بسبابي طحتي فلمشاكل
ملاك: لا بلعكس ماتگوليش هكا..انا درت هاكا بارادتي سو مكاين لاش تقلقي ^^
سعاد بقات هير حالا فمها وهي تجر ملاك من ايديها
سعاد : اوووف من صباح وانا ضارني راسي بيت نعرف اش وقع
ملاك : مالك فضولية هكا
سعاد: كفاش فضولية ..كنت ناشطة مابيا ماعليا حتا ناض صداع وسالات لحفلة اوا راه من حقي نعرف شنو وقع باش سالات الحفلة
ملاك : فضولية وصافي تانطلعو لبيت ونعاود ليك
طلعات ملاك وسعاد لغرفة ديالهم وعاودات ليها ملاك كلشي من داكشي لشافت فلعشية فاش نسيم رفض لاعتراف ديال مروة وفاش جات سهام عند مروة وخوات عليها لعصير عاودات ليها داكشي بديتاي..سعاد بقات هير حالا فمها ومصدومة
سعاد: نااري هادشيي كولو وقع ومافراسيش
ملاك (صمت)
سعاد: واش عرفتي اش درتي جبدتي على راسك نحل
ملاك : انا مادرت والو ولكن ماقدرتش نبقا نشوف فلبنت كاتهان بديك طريقة ونبقا ساكتة
سعاد: سهام دابا مهاتعقلش عليك اتلقايها محلفة عليك ونسيم تلقاي تاهو ماحاملكش حيت علا ماسمعت بيناتهم شيحاجة
ملاك: بفف مكايهمونيش وبلاخص  داك نفيخة  ماعرت اش كايحساب ليه راسو
سعاد: كادوي على نسيم !اويلي من نيتك شو شحال زوين
ملاك: مكايهمش لمضهر لخارجي لمهم هو لداخل اش كاين ..ويلاه نوضي خليني نعس راه فايقين بكري
سعاد: فيقني معاك صباح الا فقتي
ملاك: اوك تصبحي علا خير