«سجينة قلبي»

الجزء التاسع:

                      وصلات   7:00 تلعشية
خرجات ملاك وسعاد غادين لكافي سعاد لبسات سروال عريض فلبلو مارين وقميجة كارويات  مزيرة كاتبين صدرها كامل خشاتها فسروال وصباط حادر فللكحل وزيف وساك فلكحل اما ملاك لبسات:

قررو ايمشيو اگلسو فواحد لكافي حدا لبحر وهي تقتارح عليها سعاد كافي مرينا بحكم ديما كاتمشي ليها هي وصاحبها وكاترتاح فيها ملاك گالت ليها واخا
وصلو دخلو لكافي گلسو جا عندهم سرباي كاليهم اش تشربو سعاد خدات بناشي اما ملاك خدات سبرايت وبداو كايدويو وكايضحكو ضاربين دنيا بركلة
سعاد: ااه نسيت ماگلت ليك فاش كنا جايين فطاكسي سيفط ليا مهدي(صاحبها) مساج كاليا بغا نتلاقاو وگلت ليه راه كاينة مع ملاك گاليا هانيا لمهم شوية وايجي
ملاك(ماعجبهاش لحال): ديك ساع گوليها ليا نبقا فدار 😒 كاتعرفني مكانرتاحش لبنادم دغيا
سعاد: ههه عادي عادي هدا هير صاحبي تصرفي معاه بحال كتاتصرفي معايا + هادي فرصة نيت باش يلاه تلاقاي به ونعرفك عليك
ملاك: اووك اوووك 😒 وامتا ايجي
سعاد :گاليا نص ساعة ونكون عندكم
ملاك: اوا راه 8:30  راه دازت ساعة ونص ماشي هير نص ساعة واخا يكون جاي كايحبو مهايتعطل هكا
سعاد: اه تعطل بزااف انخرج على برا نصوني عليه حيت هنا مكاينش ريزو 
ملاك: واخا هير متعطليش
ومن بعيد كان واحد شخص مراقب ملاك وكايشوف فيها بنضرات كلها شهوة عجباتو وسحراتو كلها
نرجعو عند نسيم وكريم لتلاقاو فكافي مارينا  مع 8:00 وبداو كايدويو
كريم: شفت راشقة ليك ليوم
نسيم : احم لا عادي
كريم : هممم راك مكاتعرفش تكدب هههههه
نسيم : واش مكاتعرفش تدوي فشيحاجة خرا ونتا وليتي هير حاضيني ⁦😐
كريم : اجي واش ماشي هديك ملاك !
وهو يضور نسيم لقاها بلفعل هيا وگالسة بوحدها
كريم يلاه بايعيط ليها وهو يحبسو نسيم: واش بعقلك ! لاش اتعيط ليها شوف طبلة فيها كاس تزايد يعني شيحد گالس معاها 
كريم : اه عندك لحق اقدر تكون كمع صاحبها
نسيم مجاوبوش وغوبش    وبقا كايشوف فملاك بنص عين كايتسنا يشوف شكون هدا لكانت كالسة معاه اقدر مشا هير لطواليط وايرجع مابغاش اتقبل لفكرة ديال انها مصاحبة بقا كايشوف فيها وكايفكر حتا كايبان ليه واحد شخص گالس فطبلة لجنبها وكايشوف فيها شي شوفات ماشي تالهيه نسيم تعصب
داك شخص ماصبرش وهو يمشي قاصد ملاك
الشخص: سمحي ليا ازوينة نجلس معاك
ملاك: كانعرفك ؟
الشخص : لا ولكن نتعارفو لابغيتي 😉
ملاك(ضورات وجها ) : مابغيتش
الشخص(تعصب وماقدرش يقاوم راسو ) وهو يشدها من ايديها: اتمشي معايا
ملاك بغات تنطر منو وماقدراتش كان مزير عليها :طلق منييي😡
بلاما شعرات حتا حسات بشيحد جرها حتا تلاصقات معاه ولكان هو نسيم لماقدرش اصبر ويكبح لغضب ديالو
نسيم(كايشوف فيه شوفات تلقتيلة ) : اش بغيتي من صاحبتي كايدوي وهو معنقا من جنب
ملاك تصدمات بقات هير كاتشوف فيه
الشخص شاف فعينيه وشاف بلي ناوي علا خزيت وهو يتراجع
الشخص (بضحكة صفرة ): اااه صاحبتك سمحليها مكنتش عارف ههه
نسيم: اش قدا مكنتيش عارف ودوك شوفات لكنتي كاتشوف فيها هااا؟
الشخص: س سمحليا سمحليا ولكن هي هي  زوي..
يلاه بايكمل هضرتو وهو يدفعو نسيم برجليه تاتلاح فوق طبلة
ملاك تدهشرات الشخص ناض كايجري بايهرب بعضامو ماحدهم صحاح
ملاك بقات هير حالا فمها وكاتشوف فنسيم
نسيم طلق منها وتم غادي فحالو وهي توقفو ملاك
ملاك :اش كايسحاب ليك لراسك 😡