همس الحياه

الباااارت2

سبحان الله وبحمده سبحان الله العظيم 💙
اللهم صلي وسلم وبارك على سيدنا محمد وعلى آله وصحبه أجمعين 💛💕

**********
في مبني المخابرات المصرية وخاصه في مكتب مدير المخابرات يقف الجميع امامه في استعداد كامل فيقول موجه كلامه للرائد احمد المنشاوي:ازاي ياحضره الظابط خطوه زي كده تتاخد من غير علمي ومن امتي في قوه بتطلع من غير إذن  الكلام ده اسمه لعب عيال.
الرائد أحمد : يافندم انا باخد الاوامر من الوحش وكان كل المعلومات كامله وكان لازم نتحرك بسرعه عشان ميخدوش خبر وكمان التحرك كان في سريه تامه.
اللواء ممدوح : دي غلطه كبيره كان ممكن في لحظه كل اللي عملناه يتهد في لحظه عشان التسرع.
الرائد أحمد : يافندم دي كانت خطوه سريعه لمنع الكميه دي من المخدرات انها تدخل البلد.
اللواء ممدوح : خلاص ياحضره الظابط والغلطه دي متتكررش تاني مفهوم
الرائد أحمد :مفهوم يافندم
اللواء ممدوح : بلغ الوحش اني عاوزه بعد ساعه في مكتبي اتفضل انت دلوقتي علي مكتبك.
الرائد أحمد : تمام يافندم

***********
في فيلا عائله السيوفي

تدخل سيده يبدو علي ملامح وجهها جمال هادي
وتقول بحنان :غيث يلا اصحي علشان احمد اتصل عليك وقال ان اللواء ممدوح عاوزك في مكتبه بعد ساعه.
يقوم غيث من علي الفراش وهو يقول :صباح الخير ياست الكل ثم يقول بمشاكسه محببه احلي صباح ده ولا ايه ايه الجمال ده كله ياست الكل لا انا كده اخاف عليكي تخرجي لوحدك.
تضحك السيدة حنان وتقول: طول عمرك بكاش ياغيث ثم تتابع بدعاء ربنا يصلح حالك يابني وافرح بيك عن قريب يااااارب عشان ابقي مرتاحه من ناحيتك.
غيث : يااااارب ياامي بس انتي عارفه اني مش بفكر في الموضوع ده الوقتي.
السيدة حنان: لا لازم تفكر انا عاوزه افرح مش كفاية عليا اختك المجنونه وفي اثناء حديثهم تدخل فتاه جمليه تحمل ملامحها براءة طفلة لم تتعدي الخمسه من عمرها وهي تقول : من هنا جايب في سرتي انا سامعه اسمي.
يضحك غيث بسعاده ثم يقول :اهلا اهلا بمجنونه العيله ليكي وحشه يابنتي والله .
صبا:انت عارف ياابيه ان الثانويه العامه دي حاجه استغفر الله العظيم عليها عذاب ربنا يعديها على خير.
السيدة حنان: هي اللي متعبه برضو ولا انتي اللي مجنونه.
صبا بزعل طفولي :كده يانبع الحنان ماشي انا زحلانه اوووووي ثم تقول ببكاء مصطنع اهااا ياني ياغلبانه ياني مفيش حد يجيب حقي اعمل ايه بس ااهي اهي اعااااا
يقول غيث بحده مصطنعه :بس ايه مفيش فاصل كله كده ورا بعضه ارحميني.
صبا بزعل مصطنع : كده ياابيه حتي انتي اهاااا ياغلبانه ياني اعععااااا.
غيث : لالالالالا انا كده هتاخر مش هتفصل انا عارف
ثم يوجه كلامه لمامته بعد اذنك ياست الكل اكله علي السريع كده علي ماادخل اخد شاور ويقوم بتقبيل والدته ويذهب للمرحاض .

***********
في بيت همس كانت تعمل بجد ونشاط في تنظيف المنزل فهي منذ وفات والداتها منذ ثلاث أعوام وهي المسؤولة عن المنزل واثناء عملها يدخل الاب وبيده بعض الأشياء وبعض الطعام ويقول : الله ينور عليكي يابنتي ربنا يديكي الصحه يااااارب ويبعد عنك كل شر.
همس :ياااارب يااحلي بابا في الدنيا يلا يااحلي واجمل هيما غير هدومك عل ما حضر الاكل.
يذهب عم ابراهيم للداخل وهو يدعو لها ثم تتوجه همس الي المطبخ لتحضير الطعام. 
تقوم همس بوضع الطعام وتقول: لابيها يلا ياسي هيما الاكل جهز ياتي الاب ويقول:تسلم ايدك ياروح سي هيما.
يتناولوا الطعام في جو من المرح والالفه واثناء ذلك تاتي روجينا وتطرق علي الباب فيفتح لها عم ابراهيم وتدخل وتجلس علي السفره ويحدث ذلك امام همس وابيها وهما يضحكان عليها.
تبدا روجينا الكلام :عارفه يابت ياسوسو حصل ايه النهارده.
همس :حصل ايه
روجينا : عارفه الست جميله بتاعت المحل اللي جنبنا
همس :ايوه عارفها
روجينا : بنتها اختفت النهارده ساعتين ولما لقوها كانت ميته ومسروق كل اعضاءها والست من ساعتها في المستشفي.
عم ابراهيم /همس : لا حول ولا قوة إلا بالله العلي العظيم
همس ببدايه بكاء :ليه كده البنت كانت صغيره يلا ربنا يرحمها ويصبر اهلها
ابيها/ روجينا :امين يااااارب العالمين .
ثم تتابع روجينا قولها وهي تقول ولسه مش عارفين مين اللي عمل كده.
همس :لا عارفين بس خايفين يتكلموا يلا ربنا يستر
عم ابراهيم ببعض من الخوف علي ابنته:ملناش دعوه يابنتي خلينا في حالنا ويلا كملو اكلكوا وابداو مذكره يلا انتي وهي.
ثم يتركهم ويذهب الي غرفته.
ويتابع الفتاتين طعامهما ويتوجهو للمذاكرة دروسهم.

*********
عوده الي مبني المخابرات يدخل المدعو بالوحش الي مكتب مدير المخابرات ويعطي التحيه العسكريه ثم يجلس امام اللواء ممدوح
فيبدا اللواء كلامه بعد مده من الصمت ايه اللي انت عملته ده ممكن تفهمني.
الوحش:يافندم كان لازم نتحرك بسرعه ونمنع ان الشحنه دي تدخل البلد باي شكل.
اللواء ممدوح : تمام بس الغلط ده ميتكررش تاني ثم يتابع كلامه الموضوع ده طول اوووي ياغيث ولازم ينتهي بقي ولازم يتوضع له حد.
غيث :تمام يافندم وانا في خلال اسبوع هيكون قدام حضرتك كافه المعلومات والخطه اللي هتبعها في المهمه.
اللواء ممدوح : تمام ياوحش ربنا معاكوا يارجاله.
ثم بعد ذلك ينصرف غيث الي مكتبه
وهو يفكر في تلك القضيه..........
وكده نقول استووووب نكمل بكره
## كده عرفنا مين هو الوحش
## عاوزه بقي كله يفكر ازاي الابطال هتتقابل
وياريت تعليق بسيط برايكو في الروايه اكمل ولا لا
سلام مؤقت ياحلوين.