همس الحياه

البااارت15

الفصل الخامس عشر :-
***************

‏"عندما يتراكم علي قلبك كل شئ، وتجد أنك لا تقوي علي فعل شئ، إعتزل الناس، وأجعل حضور قلبك مع اللّه، وسيصلح اللّه لك كل شئ"
‏- الشعراوي🌹🌷

********

في بيت نعمه
هاشم : قولي لي ياعمتي اللي حصل زمااان وفعلا عمي ابراهيم هو اللي موت ابويا عامر
نعمه : لا يابني مش عمك لا عمك إبراهيم كان اطيب الناس واحسنهم بس ابوك بقي الله يرحمه اخد كل جينات جدك وحط اخوه في دماغه
هاشم : احكي ياعمتي ارجوكي
حاضر يابني وشرعت تحكي له عن حياتها وما حدث في الماضي
نعمه : من اول لما اتولدت وانا معرفش ان عند اخ غير عامر وكان اكبر مني بسنتين بس كان طول عمره بيحب الشر كان شره باين من ساعه لما اتولدت في المدرسه كان دايما مشاكل ومصاحب اسوء ناس ولما كبر شويه ودخل الثانويه بقي شرب وسهر وجدك كان مشجعه علي كده وشويه شويه دخل معاه في شغله اها انا كنت صغيره وكنت بعيده عنهم بس عارفه طبيعه شغل ابويا وامي المهم بعد كده بدا جبروت جدك وابوك يزيد وفي يوم سمعتهم بيتكلمو عن عمك ابراهيم وهنا عرفت اني عندي اخ تاني فرحت ومن كلامهم عرفت انه ظابط كبير ومش زايهم فضلت ادور عليه لحد مالقيته روحت له وكان مغير اسمه لابراهيم الاسيوطي اسم عائله امه الله يرحمها واللي كان السبب في موتها جدك او اللي امر بقتلها المهم روحت له مكان شغله

(فلاش باك)

في مديرية الامن
نعمه : لو سمحت فين مكتب الرائد ابراهيم الاسيوطي
العسكري : الدور الثاني علي ايدك الشمال يافندم
نعمه: تمام شكرا بس هو موجود الوقتي
العسكري: ايوه يافندم لسه داخل من ساعه
نعمه : شكرا جدا
تدخل نعمه لداخل وتتوجه اللي مكتب ابراهيم وهي تكاد تسمع دقات قلبها من فرحتها انها سوف تري اخيها الاكبر
نعمه للعسكري: الرائد ابراهيم موجود
العسكري : ايوه موجود اقول له مين يافندم
نعمه: قوله واحده معرفه 
العسكري : تمام
يدخل العسكري وما هي الا دقيقة ويخرج ويسمح لها بدخول تدخل نعمه وتري ذلك الشاب يجلس علي مكتبه ولكنه لما يلاحظ دخولها
نعمه: السلام عليكم ازيك ياابراهيم عامل ايه
ابراهيم وهو يرفع راسه لها ويرد السلام ولكنه ينصدم عندما يراها اخته نعمه فنعم هو يعرفها ولكن خوفا عليها لم يحاول ان يراها
ابراهيم : وعليكم السلام ثم بصدمه نعمه انتي بتعملي ايه انتي كويسه فيكي حاجه ويقترب منها بلهفه ردي عليا انتي كويسه
نعمه وعنيها مليئه بالدموع : انا كويسه بس انت عارفني ياابراهيم
ابراهيم : طبعا ياروح اخوكي وعلي طول تحت عنيا وفي حمايتي دايما
نعمه : طب ليه مقولتش ليه سبتني ليهم ياابراهيم
ابراهيم بحزن وياخذها في احضانه : قلب اخوكي انا خوفت ابوكي هددني بيكي وخوفت عليكي ياقلبي معلش انا اسف
نعمه : يااااه ياابراهيم انت طيب اووي ثم تقول بسعاده يلا احكي لي عنك
ابراهيم : حاضر ياقلب اخوكي بس مش هنا تعالي معايا هنروح عندي البيت واعرفك علي مراتي هتحبيها اوووووي
نعمه :يلا........

( باك )

نعمه وهي تمسح دموعها : ومن هنا قربت من اخويا ابراهيم بس طبعا من وراه ناصر بيه وفي يوم عمك كان ماسك قضيه مخدرات كبيره ويصادف انها تبع عمك وجدك وفي يوم التسليم حصل ضرب نار بينهم وبين الشرطه وابوك اتصاب فيها وقبل مايروح المستشفي كان ميت وعمك عرف انه اخوه بعدها بيوم وهنا زادت العداوه بين جدك وعمك وانا خوفت علي ابراهيم وروحت له وحذرته لكن جدك عرف وبعت رجالته يخلصوا علينا وفي اخر لحظه هربنا منهم وجينا هنا اها دي القريه بتاعته بس اخر مكان ممكن انه يدور علينا وعيشنا انا وهو ومراته لحد مااتعرفت علي جوزي واتجوزنا ومن سنتين تلاته جدك عرف طريقنا وانتقم وقتل مرات ابراهيم والنهارده اهو خطف بنتي ثم تبكي بكاء مرير
هاشم بحزن: طب ياعمتي انتي متعرفيش ان عندك بنتين
نعمه : ايوه يابني انا عندي بنتين واحده اتولدت ميته والتانيه روجينا وربنا يرجعها بسلامه بس انت عرفت منين
هاشم بدموع : لان بنتك التانيه كانت عايشه ومش بس كده كانت خطيبتي مكتوب كتبنا
نعمه بصدمه : انت بتقول ايه طب هي فين
هاشم ببكاء : ماتت او الصح اتقتلت
نعمه بحزن وبكاء : ايه اتقتلت ربنا يرحمك يابنتي احكي لي يابني ازاي ده حصل
هاشم  : مش عارف بس هعرف وقريب جدا جدا وده دليل كبير ان جدي عارف مكانك من زمان
نعمه : طب هنعمل ايه انا مش عاوزه اخسر بنتي التانيه
هاشم : متخفيش سيبيها عليا ياعمتو وانا هعرف اتصرف..........

*********
في المخزن اللي فيه روجينا يدخل فتحي ومعه مجموعه الفتيات ومن بينهم همس التي كانت فاقده للوعي وعندما تراها روجينا تصرخ باسمها
روجينا : اصحي ياهمس عملوا ايه فيكي الشياطين دول بس فوقي ياهمس
فتحي : اخرصي يابت احسنلك
روجينا بخوف: حاضر حاضر
يخرج فتحي هو ورجاله ويبقي روجينا مع همس ......

**********
استوووووووب
وبكده يبقي فاضل حلقات قليله في الروايه
ايه اللي هيحصل وغيث هيعرف اللي حصل لهمس
هاشم هيتصرف ازاي
تابعوني الحلقات اللي جايه
باي ياحلوين 💓💙💚🌹🌷