شلون الكحله ما ذابت على جفونج
واني زلمه وذبت من نظرة عيونج
تأليف الشاعره نضال الشافعي
لمار .صعدت ونسيت وين غرفة نور شكيت بوحده فتحتهه والصدمه .. طلعت غرفة يزن اني هنا عقل ما ضل بيه اول ما فتحت الباب لكيت يزن كاع على جربايته ولازم تلفون اول منفتح الباب التفت من شافني استغرب اني اول ما شفته فتحت حلكي وعيوني وسديت الباب وركضت نوب من الصدمه مارحت الغرفه نور ركضت ونزلت ورحت للمطبخ لكيت نور هناك
نور . ياء شبيج ولج تلهثين شمالج
لمار . صخام الصخمج لمار عزه العزاج لمار
نور . ياء اسم الله اسم الله اسم الله شبيج
لمار . ولج نور لو تدرين شصار جا غير صعدت وووو
سولفتله كلشي
نور .😂😂😂😂😂😂😂😂😂 انتي راح تموتيني هههههههه
لمار . وقز القرط ينام بطنج يلا تعالي صعدي وياي استحي بعد شلون اصعد يبووو شكد عيييب
نور . يأبه عليمن اليسمعج يكول طبيتيله مصلخه دتعاي تعاي
لمار . صعدنه نور تمشي كدامي بكل راحه واني امشي وراهه على كولتهه جنج محصوره 😂😂😂
صعدنه ودخلنه الغرفة نور
وكعدت على جربايتهه وهيه كذلك
اكلج نور هسه اخوج ضاج مني اكيد مو
نور . شقصه يأبه ترى ما لزمتي وي صاحبته شمالج
لمار . خايبه شوف هاي ثول .. اكلج صدك وين رفل و سناء ما شفتهن مهد العركه
نور . سناء لتجيبين طاريهه بعد على لسانج اشش اصلا حتى رفل لتحجين بيهه صايره اضرب من سناء خيولن يغارن منج وحبي
لمار . اكلج عود هيه ليش عصبت مني لما كتيلهه صديقة يزن
نور . اها تعاي احجيلج .. سناء قبل جانت تحب يزن بس يزن من قبل ما ينطيهه مجال ومن أحنه بغداد جانت تعلق على صور اخوي كله منور وفديتك ويمه فدوه ابن عمي ومن هالحجي بس هو يطيهه اعجاب وميعلقلهه ويكرهههه بشكل مو طبيعي وهي لاطشه بالولد لطش فمن كلتلهه انتي صديقته انقهرت الثوره اول مره اشوف جربوع يغار على حبيبه هألله صدك لو كالو زواحف
لمار . همممم هيج يعني
نور . ييي اكلج انتي ما جعتي
لمار . اي والله جعت
نور . اني والله رجليه توجعني دنزلي راح تلكين بالثلاجه كيكه مسويه من الضهر جيبيهه وتعالي يلا فدوه والنبي حموت من الجوع
لمار . يااااا استحي يأبه شهالميانه شبساع
نور . حبابه حبابه
أنت تقرأ
اظهرت لي برائتي
Romanceالقصه تتحدث عن فتاة يحاولون اهلها قتلها بسبب غسل العار الكاذب نتيجة مؤامره ابن عمها حيث قال لأهلها انها في علاقه مع شاب فتنهزم من اهلها لتنقذ نفسها منهم فتتعرف على ذلك الشاب الذي سيكون منقذها وظاهر برائتها والأهم من ذلك سيكون حبيبها 💗 الحب يصنع الم...
