لمار . وكعدت على صياح ماما نزلت بسرعه لكيت بابا واكع وكاعد بالكاع
وماما تصرخ وتبجي وتلطم وما حسيت الا ايد جرتني من شعري وهي ايد جعفر وكام يصيح ويغلط
جعفر. ولج كلبببه شلون تجرأتي وسويتي علاقه غير شرعيه وي هذاك الكلببب حقييره... لج .. لج شلون خليتيه يمس شرفج يا عااااار
لمار. اني هنا انصدمت اكبر صدمه بحياتي اكيد حازم كايل الهم انو اني مو بنيه وانو اني مسويه علاقه جسديه وي هذاك الحقير بس ليش سوا هيج .. ليش يا الله ليش جذب... لزمني جعفر واخذني ضرب و دفرات بحيث صرت جسد بلا روح وكام حبسني بالمخزن
ضليت ابجي وحدي والطم إلى أن صارت الساعه 3 ونص الفجر سمعت بابا وجعفر يحجون يم باب المخزن وجان الحديث
جعفر . بويه أحنه لازم نقتل لمار بس يمته
ابو لمار. اااه يا بويه مصيبه ووكعت فوك راسنه أحنه لازم نغسل عارنه منهه بس مااريد اظلمهه يا ابني خلينه بأجر الصبح ناخذهه للدكتوره ونفحصهه وانشوف
جعفر . على راحتك بويه بأجر من الصبح ناخذهه اني وامي
لمار. اني اول شي خفت من كالو نقتلهه بس بعدين ارتاحيت لمن كالو ناخذهه للدكتوره
على الاقل تنكشف الحقيقيه ... كعدت بالكاع ضليت اضحك وابجي بنفس الوقت
في اليوم الثاني
لمار . كعدت الصبح ضهري مكسر من الدگ مال جعفر ومن نومه الكاع مال المخزن اجتني ماما
الام . يلا كومي
لمار . ماما ...
الام . لتكليلي ماما الا نثبت برائتج
لمار . اوكي اصلا اليوم راح تظهر الحقيقه
كما بدلت ومشطت ورحت اني وياهم للدكتوره .. وصلنه الدكتوره دخلتني العياده تفحصني واني ميته خجل المهم ... خلصت طلعت حاجت اهلي وكالت
الدكتوره . بتكم مو بنيه للاسف
لمار . فتحت عيوني على وسعهن هنا لو يذبحوني ميبقى بيه قطره دم
انصدمت وحسيت روحي وحدي بلا سند محد مصدكني امي تصرخ وابويه وكع وشالوه واخوي لزمني دك كطعني تكطع كدام الناس والناس متدخل
صدوك لو كالو يا فرحه ما تمت هذاك اليوم اجيت اكلهم بنجاحي انوب طلعتلي هالسالفه مدري منين اولاد الحرام ماخلو اولاد الحلال شي
يتبع ...
للكاتبه : سناريا
أنت تقرأ
اظهرت لي برائتي
Romanceالقصه تتحدث عن فتاة يحاولون اهلها قتلها بسبب غسل العار الكاذب نتيجة مؤامره ابن عمها حيث قال لأهلها انها في علاقه مع شاب فتنهزم من اهلها لتنقذ نفسها منهم فتتعرف على ذلك الشاب الذي سيكون منقذها وظاهر برائتها والأهم من ذلك سيكون حبيبها 💗 الحب يصنع الم...
