غريبه الناس غريبه الدنيه هيه
اعز الناس بتتغير عليه
لمار . اجه هو كعد كدامي بالصاله بعدين خطر على بالي انو اساله يمته يجون الاهل
احم .. اكول يزن يمته يجون اهلك
يزن . اليوم العصر أن شاء الله
لمار . اها أن شاء الله يوصلون بالسلامه
يزن . فكرت انو لازم اعترفلها بحبي بس هسه مو الوقت المناسب و اني بعدني ما اعرف شسوي اخاف ترفضني وافشل روحي واحنه كاعدين ساكتين بس بيناتنه نظرات دك الموبايل مالتي لكيت رقم غريب مجاوبت رجع اتصل كالتلي لمار منو كلتلهه رقم غريب كالت اجوز شي مهم رد المهم أخذته ورديت كلت الووو والصدمه جانت اجاني صوت جعفر اخوها و صديق طفولتي ومراهقتي وشبابي وهو يصيح وعصبي ويكول
جعفر .طبعا اني وكلت شخص يدور على لمار وره فتره هالشخص جابلي معلومات انو اكو شخص وي لمار سائل عليه ويريد يساعد لمار وعارف كلشي عني سألته منو هالشخص انصدمت كلش كلش لما كال اسمه يزن محمد اسعد اي نعم تذكرت صديقي العزيز بن محافظتي اللي سافر لدهوك انصدمت اكبر صدمه بحياتي معقوله صديقي واكف وي لمار ضدي ولمار شوصلهه اله وهو بدهوك بسرعه اتصلت بيه واني عندي رقمه القديم بس مجنت اعرف راح يرد لو لا لانو صارله هواي متفاركين اني وياه اتصلت اول شي ما رد عليه بعدين رد اول ما رد نسيت هو صديقي هسه هو عدوي وكف وي العار اللي جانت اسمهه اختي بسرعه عطت بيه
حقييييير ولك ولك اني الجنت مفكرك صديييقي واخووووي هيج تسوي وتروح تصادق اختييي يا عااار وفجاه هو حجه بحزن ولهفه
يزن . ضليت مصدوم ولمار تباوعلي بستغراب كمت بسرعه وكلت بحنيه .. ج ج جعفر 😟
لمار . شنوووووووو 😨جعفر اخوي معقوله اتصل على يزن 😦
يزن . جعفر صديقي مشتاقلك
جعفر . اني هم بس انت خيبت ضني يا صديقي
يزن . لا والله لا .. انت اللي خيبت ضني بيك يا جعفر متوقعت تتهم اختك بهيج شي .. طبعا اني احجي ولمار تبجي وحاطه ايدهه على حلكهه وتباوعلي
يا جعفر اختك بريئه واللي غلطان شخص قريب منك بس متعرف انو هو سبب كلشي وسبب زعلك هو رادك تخرب علاقتك وي اختك لمار وفعلا نجح وسوه اللي يريده وانت جنت ضعيف وتقشمرت للاسف
جعفر . لك احترم نفسك لا اموتك انت ولمار الكلبه والله اني متقشمرت لمار اللي تقشمرت وسوت علاقه .... بعدني ما مكمل قاطعني وهو يصيح
يزن . لما راد يكول هيجي متحملت وصرخت بيه
اشششششش حقييير اسكت ودير بالك تحجيهه فاااهم لمار نزلت راسهه وكملت بجي وهيه تشهك انقهرت عليهه كلش
أنت تقرأ
اظهرت لي برائتي
Romanceالقصه تتحدث عن فتاة يحاولون اهلها قتلها بسبب غسل العار الكاذب نتيجة مؤامره ابن عمها حيث قال لأهلها انها في علاقه مع شاب فتنهزم من اهلها لتنقذ نفسها منهم فتتعرف على ذلك الشاب الذي سيكون منقذها وظاهر برائتها والأهم من ذلك سيكون حبيبها 💗 الحب يصنع الم...
