اظهرت لي برائتي

بارت 22 والاخير

هلووو يلا نبدي

يزن . خابرني صديقي حسان كال اكو مراجعات مهمه بالشركه يريد يناقشهه وياي فسلمت على اهلي وركبت سيارتي واني بالطريق كطعت عليه سيارتين نزلت اشوف شكو وانصدمت .. شفت جعفر ما اعرف افرح لو احزن عرفت جاي مو علمودي جاي يأخذ لمار اول ما ردت احجي وهنا الصدمه التمو عليه وهو من ضمنهم ودججوني بالسجاجين وراح هو وياهم على طريق البيت ردت الحكه بس مكدرت الم ذبحني ضليت بالكاع بدمي واخر كلمه كلتهه لماااااار وبعد ما حسيت بشي

كعدت لكيت روحي بالمشفى باوعت الكل موجود بس عيني تدور عليهه مشفتهه وياهم كلهم التمو عليه

ام يزن . يمه وليدي يمه شلون صرت يبعد كلبي 😢

يزن . بقيت ادور بالغرفه بعيوني على لمار اريد اشوفهه ما هيه ما موجوده

ام سناء . حمدالله على السلامه يا حبيبي

ابو سناء . يزن خربطت حالي يا عمو ليش تدخل نفسك بمتاهة بنيه ماتعرفهه وشنو الصار بالاخير؟ هالعافتك وراحت

يزن . من كال هيج ما ضل عقل براسي ردت اكوم بس الم ببطني كلت اااه ورجعتني امي عالسرير حجيت بتعب

شنو ششنو راحت لا تكلولي خليتو جعفر ياخذهه وياه

سناء . عيني هيه لزمت ايد اخوهه وفلت من البيت وياه 😒

نور تبجي بحرگه وتصرخ . ولج اششششش اسكتيييي واللله راح اكص السانج نذله اهه اهه اهه 😭 انتو معدكم رحمه البنيه هسه حيكتلوهه وهي بريئه بسببكم حسبي الله ونعم الوكيل حسبي الله ونعم الوكيل بيكم رجعت راسي على رجلي وضليت اشهك وابجي اهه اهه اهه اهه اهه 😭 لماااار اهه اهه 😭

يزن . شنوووووووو شتحجن انتن عمي شصار احجيييييي

ابو سناء . ابني أحنه منكدر نتحمل خطيتهه اليوم الدين انطيناها الاخوهه وهو وياها يتفاهمون هالتشوف حالك شصار بسببهه الهالحرمه يا ابني شبيك

يزن . ولكم اسكتوووووووو انت هسه راح تتحمل خطيتهه اليوم الدين اذا ماتت مستحيل اسامحكم طووول حياتتتتيييي وخرت الكانونه أيدي نزفت دم ردت اكوم رغم الالم لازم اروحلهه قبل ليسوولهه شي

ام يزن وهي تلزم يزن . يمه يزن اوكف

يزن . وخرييييي دفعتهه انتي اللي جنتي فدوه الهالجمااال وفدوه لهالبرااائه وجنتي لموره ولموره هسه شلون طاوعج كلبج ولكم شلووووون

ركضت ولزمت نور من أيده كامت وهيه تبجي جريتهه وياي ورحنه لان هي الوحيده اللي حبت لمار من صدك طلعنه لاكاني حسين اعتذر وكال

حسين . يزن شدا تسوي ليش طالع وين رايح بعدك تعبان اني اسف حاولت اخذ لمار بس اجه عمي وانطه لمار الاخوهه ماكدرت اسوي شي