اظهرت لي برائتي

بارت 17

هلاوو

لمار . خلصنه غده شلنه الاماعين ردت اغسلهن والبنات واكفات يمي اجت سناء كالت شقضيه حبي اني اغسلهن رفضت بس هي أصرت وضلت هيه ورفل يغسلن واني مستغربه الوضع جرتني نور وصعدنه لغرفتهه قفلت الباب وكالت اشتاقييييتلج وشبكتني طبعا اني هم شبكتهه حييل كعدنه على الجربايه وضلينه نسوالف

اي شصار ما صار ببيت خالج

نور . تعالو احجيلكم اللي صار وياي واحجي اللمار

كعدت الصبح على صوت امي تكلي ولج كومي كومي ابن خالج توفه وتبجي اني دكيت على صدري وخفت لا يكون حسوني كتلهه صخاام الصخمني بس لا ابن خالي ياسين كالت لا ابن جاسم كلت بكلبي همزين بس انكسر كلبي علي المهم خلينه لمار ويزن بالبيت لان تعبانين ورحت اني وامي والغثه سناء ورفل وام سناء طول الطريق يبجن بس اني اباوعلهن واهز أيدي اصلا عليمن يبجن هو الله يرحمه واحد سرسري الله يغفرله شلي علاقه المهم اني جنت مشغوله افكر بحسوني بالحب مالتي ومتشوقه اشوفه 😍صارلي شهور مشايفته بعد ما اتحمل عاد وصلنه البغداد شميت ترابها افيييش يا ريحتج يبلادي المهم وصلت البيت خالي جاسم لكيناها خبصه وهوسه مال الفاتحه ونسوان تلطم وتبجي انكسر خاطري على مرت خالي تدك وتلطم خطيه وخواته هم وأخوه يوسف يبجي خطيه مكلوبه كلاب عدهم سلمنه وعازينه وكعدوه بالفاتحه ملل في ملل الملايه تنعي وهنه يبجن انوب كمت رحت للمطبخ اساعد البنات بنات خالي عند بنت خالي ياسين اللي هيه اخت حسوني فديته .. حبابه اني وياهه صديقات سلمت عليهه وعيوني تدور على اخوها سالتهه

لمار . احم اكول رشا منو جاي وياج

رشا . اني وماما و جمانه و سمر خواتي و حسين ليش

لمار. لما كالت حسين رف كلبي متت متت اريد اشوفه وينه خرررب كلتلهه ها لا ماكو شي

رشا . تعالو اعرفكم اني رشا عمري 19 سنه اولى كليه تربيه قسم انكليزي عايشه ببغداد عندي عمام ثنين واحد توفه من زمان اسمه محمد وواحد عايش اسمه جاسم وابويه اسمه ياسين وامي اسمهه رياحين عندي اخوان 2وخوات 2 خواتي جمانه و سمر واخواني حسين وأحمد ماما اول شي جابت اختي سمر متزوجه وبعدين حسين وبعدين احمد وبعدين اني وبعدين جمانه عمرها هسه 17 سنه طبعا اني احب بنت عمي اللي متوفي الله يرحمه هي صديقتي كلش اسمهه نور بس سافرو قبل 5 اشهر الدهوك طبعا اني اعرف اكو علاقه بينهم وبين اخويه حسين دوم هيه وياه يحجون وبيناتهم نظرات العيون فاضحتهم بس كلما اسالهه متعترف بس اليوم مدام سالتني ياهو اللي جاي وياي 😂 عرفت قصدهه حسين أما اني فآني احب ولد اسمه جعفر وياي بالكليه هو يجنن كلش حلو وبنفس الوقت جان صديق يزن ابن عمي محمد أن شاء الله يكون يحبني هو هم دوم يشوفني ويباوعلي بس ميتجرا ابدا ويحجي وياي بيناتنه مثل منكول نظرات وبس وهو سنه اخيره كليه قسم العلوم والتكنولوجيا بس مو بيدي احبه حيل

نور . واني واكفه احجي وي رشا وسمعت صوت حسونتي وراي درت وجهي وانتبهتله يجنن حليان بهوايه بس ضعفان جان يحجي وي ولد من كرايبنه ويخزرني كلساعة اخر شي اشرلي وصعد فوك اجيت وياه صعدت دخلنه الغرفه ما بيهه احد سحبني بسرعه دخلني وقفل الباب وحظني حيييل كلش حيل حسيته حيكسر عظامي اني هم حظنته كلش كلش حيل همسلي وهو حاظني

حسين . مشتاقلج

نور . اني هم كلش مشتاقتلك بس ما بيدي شي بأجر نروح

حسين . وخرت عنهه وكلتلهه فدوه لعيونج صايره تجننين ولج

نور . هههههههه

حسين . اوووووف ضحتج ضحكت كلبي وياهه ورجعت حظنتهه وبستهه

نور . ولك وخر لا يجي احد يشوفنه

حسين . ميخالف ميخالف بعد احسن حتى كبل يزوجوج الي

نور . حسوني يمتى تخطبني من اخوي

حسين . بأقرب وقت أن شاء الله

نور . سمعنه حركه بسرعه سلمت عليه وطلعت

من يومها مشفته منا لمن رحنه تمنيت اشوفه اودعه بس مجان موجود

لمار . يا عيني ع الحب ولك يزن وينك تعال شوف اختك

نور . اشششش بت الكلب اسكتي ولج فضحتيني

لمار. 😂😂😂اني عندي مفاجئه الج

نور . شنو هيه ولج يلا احجي

لمار . سجلي هالرقم

نور. رقم منو هذا

لمار . هسه دسجلي

نور . تمام سجلته بعد

لمار . ادخلي عليه ع الفايبر

نور . تمام لحظه دخلت وكانت صدمممممه لكيت حاط صورة حسين انوب فهمت هاي لمار جابت رقمه عزه عزه عزه ولج منين جبتي

لمار . مالج شغل المهم جبته 😉

نور . كمزت عليهه حظنتهه حيييل كلش انوب انتبهت عدهه تلفون كلاكسي جديد حجتلي سالفته وكالتلي كل شي سوو هيه ويزن لما جانو هنا بس وهيه تحجي عرفتهه حبته لان تحجي بهييياااام 😂😂😂

ولج انتي تحبينه😶

لمار . ما تاكلين خرا حبي

نور . اكلي خرا انتي امداج والامام علي بن ابي طالب تحبينه بعد

لمار . لطمتهه على حلكه ضلت تضحك 😂😂بس فعلا اني احبه حيل حيل حيل حيل حيل واتمنى بس نظره منه تذوبني بحبه

نور . مو كتلج تحبينه 😂😂 جاي تصفنين 😂😂

لمار . عوفينه من اخوج اختج وبت عمج شمالهن شغيرهن 😕

نور . اييي صدك نسيت انبهج ديري بالج منهن مدام هيج تغيرن معناها ديحوكن الج لعبه جديده انتبهي ولتصدكين اي شي يحجنه ادري بيج فاهيه

لمار . لا خيولن ميلعبنهه عليه اكلج اني نعسانه خل انام اني وياج انتي هم تعبانه توج اجيتي

نور . اي صح يلا نمنه ثنيناتنه واحنه كل وحده تفكر بحبيبه خخخخخخ😂😂

يتباااااع 😛😌.........