للحب اسرار

البارت 26

للحب أسرااار 💕💕💕 البارت ٢٦
.
سيف نزل لما وصل البيت
ولا رد عليها انقهرت بقوه
دخلت غرفتها: اصلان انا
خدامه مستحيل يجاوبني
ضمت نفسها وبكت بقهر
كل الي سويته مايحس
فيني الله ياخذني ليه
لييه حبيييته ليه
نامت من كثر البكي اما
سيف باله مشغول مع دانه
واهله نفض راسه: يخسون
افكر فيهم دانه مرح تسكت
وراح تقول اني مع بنت اوف
ذيك الساعه وش يسكت جدي
لا يارب ماتقول شي ميرال الي
بتروح فيها والله دانه الحقيره
مرح تعطيها وجه في المدرسه
غريبه اصلان تدرس في مدرستي
ضحك بسخريه: لو تدري تفصل
على طوووووول
زفر بضيق ويحاول ينام
.
.
.
دانه بعد مادخلت رمت عبايتها
ع الارض معصبه: وسيم اعصابك
دانه: مالي خلقك
دخل ابوها: دااانه
دانه وقفت بخوف: سم يبه
ابو وسيم: وين كنتي
دانه: في المستشفى كنت تعبانه
شوي من رجلي
ابو وسيم: وليه رجعتي معه
ام وسيم: مع مين
دانه بقهر: اسفه بابا
ام وسيم: وش السالفه
ابو وسيم: رجعت مع سيف
ام وسيم فزت: شنو مع سيف
ليه وين السوااااق
وسيم كشر من طاري خاله
دانه: اسفه ماما السواق راح
وخلاني وطولت انتظره وهو
كان في المستشفى ورجعني
طلعت غرفتها وهي مقهوره
من سيف: حقيييير اكرهه
اليوم الثاني طلعت ميرال ووجهها
مورم من البكي فز سيف: بسم
الله وشبه وجهك كذا
ميرال بهدوء: ولا شي اسفه
ماجهزت فطور
سيف: عادي امشي للدوام
راحت معه وهي منفسه ع الاخر
دخلت الفصل وجلست مكانها
دخلت دانه متاخر ناظروا بعض
لمده طويله وكأن دانه تستحقرها
على قربها من سيف اما ميرال
تناظرها وفي عيونها نظرات اعتذار
وكأنها تقول مالي شغل بينكم انا
دانه سحب نفس وجلس على
كرسي وحده غايبه تضايقت
ميرال منها ومن حركتها حز بخاطرها
بشكل كبير بالقوه مسكت دمعتها
.
.
.
ميرال خذت موقف من
سيف وصارت بارده معه
وتحاول ماتقرب منه ابدا
وماعاد كلمت دانه والكل
مستغرب منهم في المدرسه
سحر: ميرال
ميرال بهدوء: نعم
سحر: بينكم شي انتي ودانه
ميرال: لا
سحر: غريبه ليه طيب كذا
كنتم زي العسل
ميرال نزلت راسها: مافيه شي
سحر شكت في الموضوع:
اكيد مابينكم شي مو معقول
ميرال: ايه مابيننا
سحر بعدم تصديق: اوك طيب
ميرال رجعت البيت رمت نفسها
بتعب وماكلمت سيف في شي
سيف تنرفز لها فتره ماتناقشه
او تساله: وشبك ميرال
ميرال نزلت راسها: ولا شي امرني
سيف مسكها حدها ع الجدار:
تكلمي وشبك ليه تتهربين مني
ميرال بغصه: مافيني شي
ممكن تبعد
سيف لاصق راسه براسها:
واذا قلت مو ممكن
ميرال بهمس: ذا شي ماتسويه
مع خدامتك
سيف سكت شوي: ايش قلتي
ميرال: ولا شي
ابتعد عنها وهي بسرعه راحت
سيف يفكر في كلامها: خدامه
وش الطاري لايكون سلوى
قايله لها شي ولا دانه اوووف
منهم انا لازم انقلها احسن لي
.
.
.
ميرال في الحوش جالسه
ع مرجيحه وتفكيرها بعيد
ليه مايبي يقول اني زوجته
وش فيها اذا قال مو حرام
هو مو معتبرني زوجه اصلان
انا الغبيه من البدايه قال لي
انتي تسليه وخدامه لاكن
انجريت ورى مشاعري له
وحبيته مع انه مايستاهل
لاكن مازلت احبه وش ذا
الشعور المؤلم ليه كذا
سيف كان يراقبها من الشباك
حق مكتبه استغرب منها
تبكي طنشها وكمل شغله
.
.
.
ميرال طفشانه وتهز رجلها
جلس سيف جمبها: وشبك
ميرال: فقدت دانه
سيف كشر: اوف بس
ميرال تربعت: ليه تكرههم
سيف: مايخصك
ميرال انقهرت: ايه صح انا
خدامه هنا
قامت الا يسحبها طاحت
عليه وانحرجت منه
سيف خق وباس خدها
ميرال ماتبي تنسجم معه
لفت وجهها بضيق ماحب
حركتها: وشبك تصديني
ميرال دمعت: انت تقول اني
خدامه لك ليه تسوي كذا
دامي خدامتك
سيف: لا ماقلت متى قلت
ميرال: الا قلت لدانه
سيف: الله يسقي باقي في
بالك كلامي معاها
ميرال بكت: ايه انت ماتحبني
ولا تبيني وابوي باعني وامي
ماتت حتى ام محمد الي كنت
احسها امي الثانيه تكرهني
وصديقتي الي اعتبرتها اختي
تركتني وش اسوي
سيف شدها لصدره: مين قال
ماابيك انتي اكثر وحده مابي
اخسرها قلت لدانه كذا عشان
ماتفتن عليه وعليك
ميرال ناظرته ببرائه: يعني تحبني
سيف تلخبطت ابو ام مشاعره
عطاها بوسه قويه: انا مااحبك
بس انا اعشقك انا هيمان فيك
ميرال انحرجت منه دفنت راسها
بحضنه عشان مايشوفها همس
باذنها: لا تجننيني بالله
ماتحركت وهو مستمتع عليها:
بيني وبين اهلي مشاكل كثير
ابو متزوج ثنتين انا من وحده
واختي ام دانه من وحده بحكم
عيشتنا وان عمتي زوجه ابوي
الاولى امي وانا كنا مكروهين
في العايله كلها الا جدي الي كان
يحبنا ويرعانا حتى ابوي مع انه
كان يحبني بحكم اني ولد الا انه
قدام عمتي كان يكرهني ويخاصمني
عشان ماتزعل منه بعد موت امي
كنت احاول ااذيهم صراحه لاني
اكرههم ولا اطيقهم لين طردني
ابوي من العايله وبس لي سنين
مااروح لهم ولا يجوني حتى جدي
الي كان يحبني قطع علاقته فيني
ميرال حزنت عليه: ياقلبي انت
ذول اهلك ومهما كان بين امك
وعمتك انت واختك مايصير
تقطعون بعض انا بنت اتمنى
يكون لي اخ سند يوقف معي
دايم اكيد اختك تبيك وانت
تبيهم بس تكابر مهما كان شعور
الاسره مع بعض حلو
سيف ناظرها وهي بحضنه:
يكفيني انتي اسرتي وعايلتي
وامي وزوجتي وحبيبتي
ميرال استحت منه ونزلت راسها
حاولت تقوم بس رفض يتركها:
خليك مستمتع كذا والله
ميرال بخجل: باقوم اصلي
سيف اشر على خده: عطيني
بوسه يالله مااستاهل بالله
ميرال بحراج باسته بسرعه
وانحاشت وهي مفهي مكانه
.
يُتبع ...