البارت ٢٩ ( للحب أسرااار) 💕💕💕💕
.
.
ميرال مشت بضيق
الا يمسكها سيف ويضمها:
وين رايحه
ميرال بضيق: تكلم سلوى
سيف: هي دقت
ميرال: وش تبي
سيف بسخريه: تعابط بس
ميرال: ليه
سيف: ابد خصمت من راتبها
ميرال: لييييييه
سيف: ترى هي سبب الحادث
الي كنت فيه اكيد باطلع عيونها
ميرال: مع انك قبل فتره طلعت
معاها صح ولا لا
سيف: متى طلعت معاها لا
ابد مستحيل اطلع معاها اصلان
من بعدك ماتوا الحريم بعيوني
ميرال انحرجت بس غيرانه
من سلوى: لاعاد ترد عليها
سيف باس خدها: ابشري
تدرين انك حلوه ااخ بس غلطه
عمري جيت لجدي قلت بيفزع
لي ويزوجني ع طول لطعني
لاخر السنه بس والله يخسون
اذا مازوجوني بعد اسبوع اكثر
شي والله لاهج واخطفك
ميرال بحياء: سيف
سيف: عيونه
ميرال: اصلان احنا متزوجين
سيف: بس قدامهم لا تدرين ليه
جيت هنا
ميرال: ليه
سيف: ابي اتباهى بك ابي اعلم
الكل اني لقيت الي احبها وتحبني
ميرال استحت وماتكلمت
سيف باس يدها: عشت حول ثلاثين
سنه لاكن ماشفت بنت مثلك
ميرال توترت وتبي تبعد الاحراج:
عمرك ثلاثييييين
سيف: ايه مو عاجبك
ميرال بضحكه: شايب
سيف: شنوووو
ميرال: امزززح
سيف همس باذنها: انتي تموتين
عشق في الشايب الي قدامك
ميرال ابتعدت: خلاص سيف
عيب بيشوفونا كذا
سيف: طززززز والله مايهموني
بترجعين معي اوك ياحلوه
ميرال: بس جدك رفض
سيف ناظرها: انا سيف ياميمي
محد يمشي كلامه عليه قررت
خلاص بحجز انا كل شي وهم
بكيفهم اصلان غلطان الي يجي
هنا ويطلبهم
ميرال ضحكت: وشبك كذا
سيف تخرفن: .
.
.
.
.
سيف تخرفن: ياقلبي
انتي والله كملي من
يوم خذيتك وانا صابر
ميرال: وش قصدك
سيف: ابد غلاتي المهم
روحي البسي وبس
ميرال: ااءء احس عيب
سيف: ميمي انا زوجك
اوك تسمعين كلامي
ميرال: اوك
مشت ولبست وطلعت
انتبهت لهم دانه انقهرت
منهم: على وين
سيف ناظرها: مايخصك
دانه بقهر قربت منهم
كان بتضرب ميرال الا
يمسكها سيف: يدك بتنكسر
دانه بقهر: ايه خليك معه
ياميرال ذا الي قدامك يستغلك
تدرين ماجابك هنا الا عشان
يقهر وسيم بس وانتي بكل
برود توافقينه على مسرحياته
درسك عندي عشان تتجسسين
على اخباري وانتي تطاوعينه
وسرقتم كتابي ورميتوه
ميرال انصدمت: يستغلني
سيف مسك دانه من زغدها:
لسانك ابلعيه قبل مااقصه
دانه بالم: فكني
سيف ضغط بقوه: ميرال
مو لحد ثاني فاهمه ويخسى
اخوك ياخذ وحده مثلها
دفها بقوه وهو معصب
وسيم لحق عليهم وعصب
مسك دانه وناظر سيف
بقهر: خير خير
سيف كشر بوجيههم: امشي
وسيم بقهر مسكه من كتفه:
بدري ياسيف
سيف: شكرا مابي جاني
كتمه من خشتك
وسيم بيقهره: اوه شكل
خطيبتك مغريه ماقدرت تصبر
سيف انقهر من كلامه لاكن كتم
قهره وناظر فيه بسخريه وهو
يحاوط ميرال: حبيبتي لي
وسيم تنرفز على الاخر
سيف مشى وهو شايل ميرال
وهي مصدوووومه منه ومقهوره
(( يستغلني معقووول))
.
.
.
جد سيف انصدم: خذها
ابو سيف تنرفز: مايستحي
ذا البنت خطيبته
وسيم بقهر: هي الشرهه عليها
رضيت تمشي معه
جد سيف: خلاص اوووص
بكيفه هو من يوم يومه يسوي
الي يبيه
احمد ضحك: والله مايعرف لكم
الا سيف جاء بطيب تزوجونه
ورفضتم خذها وهج
جد سيف: مارفضنا
احمد: بس ياجدي ترى ذا سيف
جاء بكبره وجايب البنت معه
يعني زين ماجاب المملك مره
وحده
البنات متحلطمين ماجلسوا
مع ميرال زين ودانه مقهوره
وتتالم من فكها الي عصره سيف
.
.
.
ميرال كانت زعلانه في نفسها
كل الي صار يستغلها بس عشان
يقهر وسيم واهله يعني تزوجها
بس عشان يعاندهم نفضت
راسها تحاول تتجاهل الوضع
شافت سيف داخل غرفتها نزلت
راسها استغرب منها: وشبك
ميرال: ولا شي تبي شي اسوي لك
سيف: لا بس حبيت اطمن عليك
وبعدين ليه بدلتي بسرعه
ميرال سحبت البطانيه: بانام
سيف ماعجبه حركتها ابد قام
وتركها وهي معبسه وتشاهق
بصمت (( دايم محد راح يحبني
دايم الكل ياخذني تسليه))
.
.
.
.
.
ميرال قامت بدري جهزت
الفطور وجلست تنتظر
سيف ماتبي تطلع له
سيف استغرب انها ماجت
تصحيه حسبها نايمه مر
غرفتها مالقيها استغرب
ونزل تحت الا هي جالسه
تنتظره ولابسه العبايه
انقهر منها: وشبك ماصحيتيني
ميرال نزلت راسها: مابي
ازعجك وانشغلت بالفطور
سيف مامشت عليه بس كان ماله
خلق شي فطر سريع ومشى
متاخر عن الدوام وصل
ميرال وكان ساكته ولا نطقت
بشي زاد قهره بالعاده تبثره
بالسواليف بس ماش اليوم
هدوء وكل مامسك يدها سحبتها
وذا نرفزه اكثر واكثر
راح للدوام وهو مطرطع منها
ميرال مشت ودخلت الفصل
كانت متاخره الا سلوى في وجهها
كشرت بضيق ((اوف رايقه لها الحين))
سلوى: خير خير على وين
ميرال ببرود: على مكاني
سلوى بتعجب: طلع لك لسان
ميرال: ليه هو فيه حد يولد بدون
لسان يعني
سلوى عصبت: مييراااال برااا اطلعي
بسررعه والا ناديت لك الاداره
ميرال شمقت: ميته على حصتك
سلوى بقهر: اوريك امشي قدامي
على الاداره يالله
طلعت الا تشوف سحر
سحر: وش فيه ابله سلوى
سلوى بعصبيه: ذي الحثاله تراددني
في الحصه جايه متاخر وتتطاول
عليه ذي الي ناقص
ميرال ماردت وسحر استغربت
منها: امشي معي ميرال
سلوى دفتها ومشت للفصل
وميرال ورى سحر تمشي
دخلت غرفتها وجلس
سحر ببرود: وشبك ميرال
ميرال: ولا شي
سحر ناظرتها: اذا متضاربه مع
سيف المدرسه مو مكان تفرغين
غضبك فيه
.
يتبع ... 💕💕💕
أنت تقرأ
للحب اسرار
Romanceعندما تيأس من الحياة وتنغلق الابواب امامك تحاول جاهدا ان تفعل المستحيل لحصل على ما تريده دون جدوى حينها تنغمس في الظلام ولا تجد يد تمد اليك لتنقذك من عنائك تسير في الظلام لأعوام وسنين لاتعلم كم هي حين ترى بصيص امل تهرع لهو ملبياً ولو كان على حساب ال...
