البارت ٣٠ ( للحب أسراااار ) 💕💕💕💕
.
.
ميرال بضيق: مافيني شي
سحر تنهدت: اوك طيب
عموما ارتاحي هنا لين
تخلص حصه سلوى وارجعي
ميرال: مرح تعاقبيني
سحر بسخريه: مابي سيف
يعاقبني اوك
ميرال بنفس سخريتها: عساس
يهمه امري يعني
سحر ابتسمت: اها
ميرال: وشبك
سحر: من بين الجميع سيف
ماحبك الا انتي
ميرال بهدوء: بس هو يستغلني
انا ماحب حد يستغلني كذا
مهما سوا الشخص وضرني
عادي بس لايستغلني
سحر: بشنو استغلك
ميرال: وداني عند اهله عساس
اني خطيبته في البدايه فرحت
قال لي انه عشان نتزوج رسمي
والكل يعرف عن زواجنا بس
اكتشفت العكس مقصده يقهر
اهله فيني اخذني عشان يقهرهم
سحر: بس ذا مايعتبر استغلال
ميرال: ليه
سحر ربتت على راسها: سيف
يحبك انتي صدقيني
ميرال بوزت: مدري صرت اخاف
اصدق حبه ويطلع كذب
سحر: اساليه وصارحيه
تنهدت وطلعت للفصل كانت
دانه في مكانها تجاهلتها وجلست
جمبها وهي تفكر في سيف
دانه بقهر وبهمس: لها وجهه تداوم
ميرال سكتت وماتكلمت معاها
دانه بقهر صفقتها كف قووووي
ميرال انصدمت وحطت يدها
على خدها من الرعب
.
.
.
.
ميرال انصدمت: دانه
دانه بقهر: ليه تخبين عني
ميرال مدمعه: وشبك
دانه بكره: ليه ماقلتي انك
مع سيف من البدايه ليييه
استغليتيني وصادقتيني
وكله كذب في كذب
ليه ميرال بعد ماعديتك
صديقه لي كذا تطلعين
ميرال: دانه وربي فاهمه
غلط قسم بالله
دانه بصراخ: انتي كذابه
اكرهك اكره صداقتك
قلت ذي الصديقه الي
بتبقى معي بس طلعتي
خاينه تتقربين مني عشان
سييف بس
ميرال ماتحملت وبكت: انتي
وربي فاهمه غلط قسم ماكنت
اعرفك ولا جيتك استغلال
وبهمس: سيف الي استغلني
عشان يشوفكم والله ماكنت
ادري عن شي دانه انتي
غلطانه وفاهمه غلط وربي
دانه بنرفزه: اسكتي اسكتي
لاتتكلمين لاتبررين
ميرال انقهرت منها: دااانه
اسمعي الي يتكلم معك
وش دخلني اذا اعرف سيف
او لا انتي ليه تكرهيني كذا
مالي دخل بينكم
البنات ساكتين وفي بالهم
ان ميرال ودانه متخاصمين
على ولد ويحبونه وكذا
دانه: الا لك دخل ونص
كيف مالك دخل وانتي
اساس البلا كنا مرتاحين
منه ومن شره لين جيتي
انتي وطلعتي قدامنا
ميرال وهي تبكي: دانه
وربي غلطانه انتي
دانه دفتها: انقلعي
دخلت سحر عليهم وهي
معصبه: .
.
.
.
.
سحر كنت تمشي في
الاسياب سمعت هوشه
في الفصل دخلت معصبه
الا تنصدم ميرال ودانه
مخاصمه صاحت عليهم
وهي تقرب منهم: بناااات
دانه ميراال خلاص هدوء
وش السالفه وش بينكم
البنات بلقافه: متخاصمين
عشان سيف
سحر انصدمت وناظرت
ميرال: وش السالفه ميرال
ميرال ويدها على خدها
باقي يالمها من الكف وظهرها
يالمها لان دانه دفتها على
الطاوله كانت تبكي: ولا شي
سحر: امشوا معي يالله
البنات بسخريه: توك ياميرال
كنتي في الاداره اتوقع بيفصلونك
ميرال طنشتهم ومشت وهي
مقهوره وتتالم من دانه اما
دانه معصبه من ميرال
سحر دخلتهم غرفتها وزفرت:
ممكن افهم وش السالفه
دانه: معليش سالفه شخصيه
سحر: اذا شخصيه تفاهموا
فيها برى المدرسه اوك مو
في الفصل اتوقع المدرسه
لتعلم مو لتصفيه الحسابات
الشخصيه وانتي يادانه وش
غيرك كنتي اطيب بنت في
المدرسه واعقل وحده ماقد
شفت حد يشتكي منك
دانه بقهر: ولا شي
ميرال منزله راسها وساكته
سحر خذت نفس: مهما كان
بينكم ماله داعي تظرينها
شوفي كيف تتالم البنت
دانه عصبت: دافعوا عنها
كلكم وانا بالطقاق احسن
تستاااهل والله
سحر عصبت: داانه انطمي
قلت لك المدرسه مو محل
مصارعه تصفين حسابك
فيها عندكم مشكله برى
المدرسه مو ناقصه مشاكل
فاهمين
دانه وميرال هزوا روسهم
وسكتوا
سحر قامت: الله يهديكم
عقاب لكم بتجلسون هنا
دانه: احبسيني في مكان بعيد
عنها مابي اجلس جمبها كتتتمه
ميرال انقهرت وماعرفت ايش
ترد عليها ليتها غابت احسن لها
فوق همها من سيف طلعت لها
سلوى وبعدها دانه زفرت بضيق
سحر: اجلسوا هنا
سكرت عليهم الباب وطلعت
دانه: اوف قرف
ميرال ماردت عليها
دانه بسخريه: لا اوصيك روحي
تدلعي عند خطيبك وقوليله
دانه ضربتني لاتنسين اوك
ميرال بقهر:
.
.
.
.
ميرال بقهر: ليه عنيده
انتي اذا انتي وسيف
بينكم مشاكل والله انا
مالي دخل قسم بالله
ماكنت ادري انك تقربين
له والله العظييييم
دانه بعدم تصديق: تحسبين
باصدقك يعني
ميرال: وش اسوي لك طيب
حرام تنتهي صداقتنا عشان
سيف والله مو مستاهله كذا
دانه بقرف: يكفي انك خطيبته
وجاي بكل تبجح عندنا يستعرض
بك عشان يقهر وسيم تدرين
انه سمع وسيم يقول بياخذك
بس الحقير خطبك قبل وكذبتي
عليه وقالتم انك خدامه له
ميرال: مو انا كذبت
دانه: ياشيخه طيري بس كلكم
واحد قررف قسم
ميرال: داانه خلاااص استحي
على وجهك ترى سيف خالك
مايصير تقولين له كذا اوف
اتمنى عندي خال اتمنى عندي
احد من اهلي ولا ابقى كذا
ليه ليه ماتقدرون الاهل انتي
وسيف ليه ماتهتمون ببعض لين
متى قاطعين وكارهين كل ذا
الكرهه سيف ماجاء برضاه
اصلان انا طلبت منه يجي
كنت ابي اجدد علاقته فيكم
كم لكم سنين كذا كله عشان
امه غير عن جدتك وش ذا
السبب الغبي وش ذنبه اذا
اابوه تزوج امه هو وش دخله
بالله هو راح وطق ابوه يتزوج
لين متى عقولكم صغيره كذا
اوف قسم تقهروووون كلكم
لا انتم ولا سيف كل واحد اخس
من الثاااني اوووووف بس
دانه انصدمت منها: قد كلامك
ميرال طنشتها وهدفي قلبها
خوف ان تكبر المشكله بينهم
دانه قربت منها: قد كلامك
ميرال توترت: ايه عندك شي
دانه بنظرات: نشووووف
جت سحر وفتحت لهم وطلعوا
.
.
.
أنت تقرأ
للحب اسرار
Romanceعندما تيأس من الحياة وتنغلق الابواب امامك تحاول جاهدا ان تفعل المستحيل لحصل على ما تريده دون جدوى حينها تنغمس في الظلام ولا تجد يد تمد اليك لتنقذك من عنائك تسير في الظلام لأعوام وسنين لاتعلم كم هي حين ترى بصيص امل تهرع لهو ملبياً ولو كان على حساب ال...
