السلام عليكم ورحمة الله وبركاته
شلونكم بنات وشباب ارجو منكم انو لاحد يقتبس من قصتي ارجوكم لان البارحه قريت قصه مثل قصتي تماما او اكول هي قصتي نفسهه بس هي مغيره الاسامي لهيج ارجوكم لحد يقتبس من قصتي ارجوكم واليريد يقتبس خلي يحاجيني واني اكله اذا اقبل او لا..... ولله العظيم ضجت كلش حتى ردت ابطل النشر وامسح القصه بس باخر لحضه غيرت رئيي.........
ــــــــــــــــــــــــــــــــــــــــــــــــــــــ
بقلمي
توته المجنونه
ـــــــــــــــــــ
الصبح الساعه 7
بغرفة ملاك
كعدت ملاك من النوم لكت علي يمهه كامت شافت الغرفه عبالك غرفة عمليات اتباوعت يمهه عمود
تشرب ماي بس شافت ماكو نزلت لجوه شافت امهه والشيخ والشيخه وام شهم وابوهه وعمهه
كاعدين يتريكون لان دائما يكعدون من وكدت اما شهم راح للمحكمه لان عده قضيه مهمه وراح من
وكت عمود يحضر نفسه للجلسه هم شافو ملاك كامت ام ملاك الهه
ام ملاك: ملوكه يمه شلون صرتي
ملاك: الحمدلله
ام شهم: الحمدلله على سلامه عمه
ملاك: الله يسلمج
الكل: الحمدلله على السلامة
ملاك: الله يسلمكم
ام ملاك: حبيبتي محتاجه شي
ملاك: يي كعدت اريد اشرب مي بس ماكو بل غرفه
ام ملاك: اكعدي حبيبتي هناا واني اجيبلج مي
كعدت ملاك يمهم وجابتلهه امهه ماي وشربت
الشيخه: يي ملوكه عمود تتريكين ويانه
ملاك: شكر بيبي بس ما اشتهي بس اريد اسوي قهوه ☕
ابو ملاك؛ لا شنو ما تشتهين عوفي القهوه هسه واتريكي ما اشوفين وجهج اصفر صاير
ملاك: بس....
ام ملاك: راح اسويلج ريوك
سوت ريوك واتريكو كلهم كملو غسلت الماعين ام ملاك والزلم كعدو بل صاله يسولفون كامت ملاك للمطبخ يم امهه وام شهم
ملاك: ماما هو انتو كل خميس اتسوون عزيمه
ام ملاك: يي حبيبتي
ام شهم: يي صح كل خميس يجون عمامج وعماتج وانسوي عزيمه لان جدج هيج يريد
ملاك: هاا وك... واني احجي بكلبي يعني راح تجي الغثه زهراء عابت يي والله
سمعت علي يصيح بسمي طلعت وكفت يم الدرج
هو خطيه اجه يركض ع الدرج ساعه و وكع اجه يمي ولزم وجهي بديه ويحجي بقلق طبعاا الكل
اجه ع صوته
علي: حبيبتي انتي زينه
ملاك: يي
