السلام عليكم ورحمة الله وبركاته
اسفه على التاخير
الكاتبه..
توته المجنونه
ــــــــــــــــــــــــــــــــــــــــــــــــــ
شهم.... مرت الايام بسرعه وملاك اعترفتلي بحبهه الي وجنت فرحان كلش وطلبت ايدهه من عمي وجدي وافقو والعرس بعد شهر واليوم حنه اشهم وعلي وكرار وهوسه البيت مكلوب كلاب من الناس والمزعطه خلصنه عشه سوينه حنة الولد جانت كلش حلووه وركصنه الجوبي جنه حيل فرحانيلهم كملنه والناس كلهه راحت بقت بس الكرايب صعدت للغرفه سبحت وغيرت ملابسي لبست اتراك اسود وبيه اخطوط بيض من الجوانب المهم رحت لغرفة ملاك اريد اشوفهه مشتاقلهه لان اليوم ماشفتهه التهينه بل ناس والحنه فتحت باب الغرفه شفت ملاك ونازل من السماء واكفه كدامي ومصدومه اووف باعي شلابسه بنت..... راح ارتكب جريمه بيهه..اقتربت منهه سحلتهه من ايدهه لحضني واني الف ايدي على خصرهه ودافن راسي بركبتهه اشم ريحتهه الخلتني مدمن عليهه حسيته ارتجفت بيدي كتلهه ......
شهم... مشتاقلج موت
ملاك... اني هم
شهم.... وخرت راسي من ركبتهه واني اتباوعلهه واخذت شفايفهه ابين شفايفي ابوسه رقيقه وكلهه احاسيس ماوخرت لمن شفتهه راح تختنك وخرت وخليت اجبيني علي اجبينهه واني اكللهه بصوت يلهث...
شهم... اووف هسه يله رده روحي
ملاك بخجل.... شهم وخر لايجي واحد واريد انام لان تعبانه
شهم: ويجو شنو يعني اني مامسوي شي حرام مرتي وحلالي وبكيفي
ملاك بخجل :شهم امشي حباب
شهم: وهوه لازال يحتضنه بين ذراعيه ماشي امشي بشرط تبوسيني
ملاك بخجل. مستحيل
شهم. ماشي بكيفج اصلا اني مرتاح هيج وهو يحشر راسه بركبته
ملاك: شهم شبيك لايجي واحد
شهم: اني كتلج ما اوخر اذا ماتبوسيني
ملاك بخجل: ماشي بس وخر وغمض عيونك
شهم: ماشي وغمض عيونه
ملاك بخجل اتقربه منه وباسته بخده
شهم: هيه هاي هم تعتبر بوسه ماشي اني اعلمج من اتصيرين يمي
ملاك بصدمه وخجل: شهم
شهم... يلا حبيبتي تصبحي على خير....وهو يبوسهه بخدهه
ملاك وهيه لازالت مصدومه من كلامه : ونته من اهل الخير
ملاك.... راح شهم واني كبل نمت واذكر بوستهة الي اووف شكد احبه يربي وماحسيت على روحي من نمت........
الصبح.....
الراويه.....الكل كعد الصبح والبيت هوسه كلش لان اليوم العرس ملاك وغزل وملك وعشق وزهراء راحن للصالون والولد راحوو للحلاق وشهم بل ديوان يم جده وعمامه وباقي الولد يجهزون الاكل والنواقص للعصر اجت سيارات الزفه للصالون نزل علي اخذ عشق وانبهر من جمالهه عبالك حوريه اخذهه لسياره واشهم وكرار نفس الشي وملاك وزهراء صعدن ويه شهم وجانت سيارات هواي والولد يركصون وكل ساع ينزلون بشارع يركصون وجان يوم مليئ بل الافراح وصلو نزلو من السيارات وذبحو خروف على رجل ملك وعشق وغزل وجانن خايفات دخلن لجوه وصوت الهلاهل والنسوان يطشن جكليت والولد دخلوو للديوان والناس اتباركلهم ...جوه يم النسوان البنات يركصن كملوو ركص صبو عشه طبعن همه جابو طباخين لان عزيمه جبيره والنسوان ما ادبرهه والبنات ملتهيات بل عرس لهيج جابو طباخين...كملوو عشه بدت الناس اتروح اما العروسات كل وحده صعدت الغرفته اشويه وسمعن صوت الزلم بره عرفن زفت الولد كل واحد دخل لعروسته ووووو...........
