السلام عليكم ورحمة الله وبركاته
البارت العشرون
من
سيرين وعيون الصگر
للكاتبه
توته المجنونه
ــــــــــــــــــــــــــــــــــــــــــــــــــــ
العصر في بغداد
ملاك... طلعت من مستشفى اني وعلي رحت للبيت بدلت ملابسي لبست بنطرون اسود وتيشيرت احمر وحذاء حمره وجاكيت اسود ورفعت شعري كعكه....... نزلت لجوه لكيت علي مبدل ومتانيني
علي: ملاك حبيبتي انتي بخير
ملاك: يي لاتخاف ابخير
علي: ملاك انتي استوج طالعه من مستشفى لهيج راح نمشي اني وياج بسيارتي لان ماتكدرين اسوقين وسيارتج انوصلهه
ملاك: تمام
( طبعا ملاك لافين ايدهه ومعلكيهه بركبتهه اتمنا كون افتهمتو...)
طلعو علي وملاك صعد علي مكان السايق وملاك بصفه وطول الطريق وملاك اتفكر....
ملاك.... راح نرجع للعماره وراح اشوف شهم شكد مشتاقتله واريد اشوفه طول الشهرين واني احجي وياه على جهاز بس مشتاقه لشوفته... وطلنه للعماره بليل وشفتهم واكفين بل باب لان علي خابر بابا وكاله وصلنه... كلهم واكفين وشفت شهم شكد متغير صاير حلوو نزل علي ونزلت وياه سلمنه بابا حضني وسلمت على جدوو وعمامي واخير شهم ضليت صافنه عليه وهوا هم صفن عليه المهم دخلنه جوه واتلكتنه امي حضنتني وكامت تبجي واني اهدي بيهه.....
شهم..... بعد ماعرفت ملاك هي سيرين افتخرت بيهه كلش ورفعت راسنه بس اكو سوال براسي هو شنو يلي خلاهه هيج قاسيه واتعذب المجرمين هي بنت المفروض اتكون رقيقه حساسه بريئه مو اتكون قاسيه قلب ماعدهه لازم اعرف السبب يلي خلاهه هيج..... صار الليل وصلو علي وملاكي واخيرا راح اشوفهه واشبع عيوني بشوفتهه نزل علي سلم علينه ونزلت ملاكي وره اووف شلون صايره ايدهه ملفوفه و وجهه اصفر من تعب حقهه هي تشتغل شغلين ضابط وسيرين واكيد جاي تتعب هواي سلمت على ابوي وجدي و وابوهه بس من حضنت ابوهه حسيت بل غيره كلش اتمنى لو اني ابمكانه اريد اضمهه بحضني واخفيهه عن العالم اجت سلمت عليه واني صافن عليهه ومشتاقلهه بكد رحمت الله المهم دخلنه جوه وعلي وملاك سلمو علي الكل كعدنه انسولف كلنا...........
ام ملاك: يمه ارتاحو اشويه على ما اسويلكم عشه
علي: لاماما ماكو داعي لان اتعشينه بل طريق
ملاك: يي صح...يلا اتصبحون على خير
الكل: وانتي من اهل الخير
صعدت ملاك لفوك بغرفتهه سبحت وبدلت ونامت طبعا واجهت صعوبه اشويه لان ايدهه اتاذيهه....
جوه.......
شهم: علي احنه عرفنه انو ملاك نفسهه سيرين
علي: يي مو بس انتو عرفتو العالم كلهه عرفت
الشيخ: يي بويه والله والصراحه واني افتخر لان عدي حفيده مثلهه
شهم: بس شنو السبب الخلاهه اتصير هيج..
علي: اووف صار الوقت يلي اتعرفون الحقيقه
شهم: شنو ياحقيقه
الشيخ: شكو بويه صاير شي
علي: كول شنو الماصاير.........( حجالهم عن خطف ملاك من هي وصغيره وعن انتقامهه وعن حالتهه النفسيه وعن مرض قلبهه وبل الاختصار عن كلشي 💔....)
