السلام عليكم
الكاتبه
🌹توته المجنونه 🌹
ــــــــــــــــــــــــــــــــــــ
الشيخ.. بويه اهدو اشويه خلونه ندخل للديوان
ونحجي وانتي بيويه ملاك هم تعاي ويانه
شهم.... من كال جدي لملاك تجي ويانه عصبت
كلش شنو تجي ويانه للديوان يم الزلم حجيت واني
معصب....شيخ شنو تجي ويانه للديوان والزلم كلهه هناا
الشيخ...بويه هسه مو وقت هذا الحجي وتعرف هي ضابط وتعرف شلون تصرف
شهم.... بس... ردت احجي بس جدي اخذهه وراح للديوان والزلم كلهه وراه مشيت كعدت يم جدي
وضلينه نحجي وعلية الاصوات وشلون متهميني
واني الشيخ يلي الناس تحلف براسي وكلهه يلي
تعرف اني العادل وما اضلم احد وهسه يجون
يتهموني بخطف حرمه واني معصب كلش وعيوني
حمر ومكور اديه وطالعه الشراين وشراين ركبته
مبينه وضلينه انصيح وصار اعياط واتباوع لملاك
مخليه رجل ع رجل ومتنجيه ع تخم وصافطه اديهه
وتباوع ابرود وما انحس غيررر من صاحت كااافي
ـــــــــــــــــــــــــــــــــــــــــــــــ
ملاك..... جدي كال علمود ندخل للديوان بس هذا
شهم عارض ادخل وياهم بس دخلت ودخلووو كلهم
وضلو يصيحون وصار عركه واني اتباوع الهم
ابرود اريد اعرف وين توصل نهايتهم بس صوتهم صار كلش عالي صحت اني..
ملاك بصوت عالي...... كااااااااااااافي هدوء هسه اريد احجي اني
انته جاسم
جاسم وهو خايف منهه من ضربته... هاا
ملاك... اشدراك اختك خطفهه شهم شنو يجوز
هاربه ويه شخص
جاسم.... لا اختي ما اتسوي هيج واني اعرف اختي كلش زين بس اكو رقم اتصل عليه وكالي المحامي شهم خطف اختك
ملاك..... هاا وانته صدك واجيت كبل هديت وانته متعرف منو المتصل
جاسم.... لا ما اعرفه
ملاك..... زين عدك رقم الاتصل عليك
جاسم... يي عدي
ملاك... انطينياه
جاسم وهو يطلع جهازه ويطيهه الرقم... هذا هو الرقم
ملاك اطاني الرقم طلعت جهازي واتصلت على حسين
ملاك... حسين راح ادزلك رقم واريدك تعرف كلشي عن هذا الرقم والك عشر دقائق فقط
حسين... حاضر
