اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#منو_بيكم_عاش_هاي_الطفولة👇😍❤️ . . .
هذا المنشور يضحك و يبجي ع ايام الطفوله الحلوة الي عاشه حمام الطفوله.يكتب تم ✌✌✌✌✌✌✌✌✌ . . 😂😂😂طبعا حبيت اذكركم جنا نخاف يوم الخميس الحمام والبوخه والماي الحار وصابون الركي يحرك العيون والليفه الخشنه ومشط خشب يزرف الراس واو واو . . .
امهاتنا جانن يعذبنا تعذيب لما يسبحونا والله لما تكول لي گوم للحمام يركبني جني😈 من الخوف تكول بزونه😨محصوره بغرفه . . . 🍃🍃🍃🍃🍃🍃🍃 تبدأ رحلة العذاب من نزع الملابس تنزعني البلوزه عبالك تنتف ريش دجاجه واذاني كل اذن👂 بجهه😨😲👂 طول وقت الحمام يرادلك تبقئ گاعد قرفصاء علی التخته😱 زين يا يمه والله رجليه توجعني ... . . .
بسرعه تناوشني راشدي طيار وتكول ... انچب..😳😱😨 بالنسبه للمي لازم یکون تحت درجة الغليان♨😈 بشویه يا يما لحمي ذاب (انهریت) همینه الطراك الثاني😳✋ . . .
لما تفرك راسي تكول تفرك بمصباح علاء الدين علمود يطلع الجني🏆😨 وراسي يطوطح يمين ويسار تكول هندي👺 . .
والمشكله لما ينزل الصابون علئ وجهك وتريد تشيله تتشوه ملامح وجهك هاي غير حركة العيون👀 المشكله انه الصابونه غار مال (رگي)💆 طبعا هاي الصابونه اقسى من حجر الحمام الخاص بفرك الرجلين👣 . . .
فقرة التلييف💀💪 تلزم الليفه وتفركها بالصابونه وهي تباوع عليك تقول گصاب يحد سچاچینه للذبح😠😠😠 . .
طبعا ربنا حامينا والا على هذا الفرك للجسم تسوي شلل كامل✊✊✊ . .
طبعا الحمام بالسرا والجبير👦 قبل الصغير👶 . .
ولما اسمع اخويه الجبير يبچي وهي تسبحه واني بثاني غرفه اصير ابچي تلقائيا ًمن الخوف😭😭😭😭 . . . بعد الحمام تباوع بالمرايه والبخار يطلع من جسمك وكانك جدر ضغط مفتوح😤😤😤 . .
الاصابع مجعلكه ولون جسمك ابيض واحمر من الفرك بالنسبه لتلبيس الهدوم راسك اكبر من فتحة البلوزه بخمس مرات وتريد يدخل راسك خاوه وتلبس اول بلوزه والثانيه والطركاعه لما تكول ألزم الردن حتى تلبس البلوزه الثانيه ويا ويلك اذا تفلتها😲😱😱😱😱😱😱 . . .
مع حمام الغاليه حتى لو انت صومالي تصير ابيض احلى ايام والله.والله ايام الطفوله حلو ه 😂😍💋 . . . . منو بيكم جان يقره ويضحك ويتذكر هاي الايام ؟ 😍❤️😹 . . .
