عـــالم حـــواء

مرت اخوها تريد مقادير البيتزا؟

صلي ع محمد وال محمد ❤️

طريقة عمل بيتزا♀️ هاي وحدة طلبت عالفيس طريقة عمل البيتزا دزتلها حماتها أخت زوجها الطريقة بأحد التعليقات، وخلي نشوف شصار 😂

١- حطي طحين بكاسة من الكاسات اللي إجتچ فضل من طلعتيّ أخويه المسكين بيت وحدچ .
٢- حطي خميرة اللي عليها صورة الطباخ اللي حاط فوك راسه طاگيه، الطباخ تذكري مال بيت أهلي اللي أخذتي، وحطي ملح خاشوگتين وكثري ملح بلكت يغزر .

٣- حطي فنجان زيت، الفنجان تعرفي مثل هذا اللي جابته أمچ وكلفت نفسها فضل العرس مالتچ .

٤- حطي شوية حليب باودر مثل اللي چان يجيبه أخويه المگرود لجهالچ علمود تسكتيهم وتتفرغين للفيس والسناب .

٥- اعجني العجينة، وبعدين غطيها بصينية تشبه الصينية اللي چنه نحط بيها القوازي والسمچ گدام أهلچ من يجون علينه .
٦- بعدين إذا شفتيها إختمرت وإنتفخت مثل وجهچ المنفوخ بالبوتكس، أفتحيها للعجينة، شلون من فتحتي عيونچ بيت أهلي على النظافة والأكل الزين، وحطي عليها الصلصة اللي مسويتها، الصلصه اللي تشبه السحور اللي تشربيها لأخويه، وحطي بعدين عليها الجبن والزيتون، تذكرين الجبن والزيتون هذا اللي تحطي عشه من واحد يجي يبات يمچ.
٧- إذا خلصتي حچي ويه أمچ بالتلفون حطيها بعدين بالفرنَ اللي اشتريتي بالأقساط من راتب أخوية عاب حظه، وراها طلعيها وقطعيها واكليها انتي وامج وخواتج المايخافن من الله بالعافية، وحسبي الله ونعم الوكيل 😂