لا اله الا انت سبحانك اني كنت من الظالمين
استغفر الله العظيم واتوب اليه
لا حول ولاقوة الابالله العلي العظيم
اللهم صلِّ وسلم وبارك علي سيدنا محمد وعلى آله وأصحابه وسلم تسليما كثيرا
~~~~~~~~~~
نوفيلا
ثمن الغربة 💔
البارت 2
~~~~~~~~~~
"روان طول ماهيا ماشيه فضلت تفكر في كلام آيه ياتري بتحسي بي إيه وانتي بتكلميه ياآيه طيب ليه انا كمان مااحبش واتحب دا انا جميله وموزه وقمر روحت ودخلت علي الاوضه بتاعتها غيرت هدومها وجابت الميك اب وبدات تحط لنفسها ولبست لبس ديق ووقفت قدام المرايه اووووه قمر ياسلام عليا بقي القمر ده ماحدش يعاكسه ولا يحبه وفضلت كدا وقت كتير لغايه ما باب الاوضه خبط"
روان: ايوه ياتيتا في حاجه
الجده: مالك ياروان قافله الباب عليكي ليه كدا ومن ساعت ماجيتي دخلتي اوضتك ماخرجتيش منها
روان: مافيش ياتيتا جيت تعبانه شويه وقلت اريح
الجده: طيب حبيبتي افتحي
روان: غيرت في ثانيه وبتمسح الميك اب بسرعه ايوه حاضر ياتيتا جايه اهوه لبست بجامتها وخرجت نعم ياتيتا انا اهوه كنتي بتقولي ايه بقي
الجده: تعالي اتغدي حبيبتي انتي علي فطارك
روان: تسلمي ياتيتا وقاعدت تاكل وهيا سرحانه في خروجت آيه مع الشاب وكلام آيه
الجده: مالك سرحانه في ايه ياروان
روان: ها لا ياتيتا مافيش بس ماما وبابا وحشوني
الجده: ربنا يهديهم ويرجعو يستقرو هنا
غرام: مااظنش ياتيتا هما حبو الغربه واتعودو عليها
الجده: انتي زهقتي مننا ولا ايه ياروان
روان: لاابدا ياتيتا بس بيجي عليا اوقات نفسي اكون في حضنهم واتكلم معاهم ويسمعوني
الجده: انا معاكي ياقلب تيتا
روان: ربنا يخليكي ليا يانناه
"روان شويه وقامت دخلت الاوضه نامت علي السرير وبرضه بتفكر في كلام صاحبتها لغاية مافونها رن"
روان: ماما اذيك حبيبتي
نورا: روان حبيبتي وحشتيني عامله ايه
روان: الحمد لله ياماما اذيك انتي وبابا
نورا: الحمد لله حبيبتي انا بعتلك فلوس كتير خديهم واصرفي براحتك ولو عاوزه تاني كلميني
روان: انتو هتيجو امتي ياماما انا عوزاكم انتو
نورا: مش عارفه لسه ياقلبي مش انتي كويسه
روان: لا ياماما مش كويسه وانتو بعيد
نورا: ايه ياروان هو انتي صغيره للكلام ده حبيبتي ده شغل مش لعب عيال وبعدين مش احنا بنبعتلك كل حاجه انتي عوزاها
روان: ايوه ياماما بتبعتو كل حاجه بس والله محتاجه حضنكم انتو ومحتاجه اتكلم معاكم واحس بي الامان
نورا: سلام دلوقتي عشان الشغل حبيبتي وهبقي اكلمك تاني ماشي وقفلت.
"روان قفلت وقاعدت تعيط انا مش عاوزه فلوس ولا عاوزه حاجه عوزاكم جمبي بس حضنكم ليا امان حبكم ليا حياة ليه سبتوني ليه. فضلت علي الوضع ده كتير لغاية ماتعبت وقامت راحت لجدتها"
روان: تيتا هيا ماما بعتت فلوس انهارده
الجده: مالك ياروان انتي كنتي بتعيطي
روان: عادي ياتيتا مش مهم
الجده: مش مهم ازاي طمنيني مالك ياروحي
روان: خلاص ياتيتا قلت مافيش ماما قالت انها بعتت فلوس لو سمحتي هتيهم
الجده: ايوه ياروان خديهم اهوه ولا تحبي اخليهم معايا وكل ماتعوزي اديكي
روان: لا ياتيتا خليهم معايا انا
"كل الي كان بين روان ومامتها وباباها الفلوس انهم كانو بيبعتو فلوس كتير جدا ليها كل ماتعوز حاجه يبعتوها من غير حساب ولا سؤال كان سهل جدااا انها تضيع" "روان اخدت الفلوس ودخلت اوضتها رمت نفسها علي السرير وبدأت تكلم نفسها"
بقي انتو سايبني ومسافرين عشان شوية الورق دول انتو عندي اهم منهم كان نفسي أعيش في وسطكم نضحك نهزر نلعب نخرج مع بعض.
روان: بدات تصرف بهبل تخرج وتعزم اصحابها كل يوم
شهد: بت ياروان انتي معاكي الفلوس دي كلها وجدتك بتسيبك تصرفي براحتك
روان: يعني جدتي الي مدياهملي
شهد: بس برضه وبعدين مامتك مش بتسألك صرفتي ايه ولا عملتي ايه سيباكي كدا
روان: لأ كل الي بتعمله ترن عليا بعتلك فلوس مع جدتك خديهم ولو عوزتي حاجه اتصلي بيا وخلاص علي كدا
شهد: مايمكن تكون مشغوله
روان: مشغوله علي بنتها ياستي كبري ماعدتش تفرق
آيه: اعوزو بالله قاعدين مكتأبين كدا ليه في ايه
روان: هنعمل ايه يعني تيجو نخرج
شهد: ياريت انا بقيت مخنوقه علي الاخر
آيه: ايه رأيكم اكلم ذياد يقابلنا ويجيب اصحابه
شهد: بت انتي اهدي كدا احنا بنقول هنخرج لوحدنا
آيه: يابت خلينا نفرفش ونلعب ونجري دي هتبقي خروحه حلوه اووي صدقيني ايه رايك ياروان
روان: وماله انا موافقه خلينا نغير جو
شهد: انتي هتسمعي كلامها ياروان
روان: وايه يعني الي هيحصل خلينا نجرب
آيه: ايوه كدا ونبقي مع بعض مش هتندمو ابدا وانتي ياشهد هتيجي ولا لا هتندمي صدقيني
شهد: هو انا اقدر اسيبكم ياله بينا بس بشرط
آيه: شرط ايه ياختي
شهد: يكون من الصبح يعني نروح في معاد المدرسه ونرجع في معاد المرواح عشان ماما في البيت ماتقؤلش لبابا اني بتأخر ويدور ورايا
روان: طبيعي هنروح في معاد المدرسه
آيه: خلاص اتفقنا هقؤل لذياد وارد عليكم بقؤلكم ايه
روان: ها ايه تاني ارغي في ايه
آيه: انا في جروب جميل اووي ادخلكم فيه
شهد: جروب ايه ده كمان بتاع ايه يعني
آيه: جروب واتس شباب وبنات بنتكلم ونهزر فيه وساعات بيبعتو فديوهات وصور حالات يعني
روان: دخليني فيه يابت ياآيه واهو اتسلي بدل مابروح اقعد لوحدي في الاوضه لغاية ما انام
آيه: اوكي وانتي ياشهد
شهد: وافرض يااختي حد دخلي وكلمني
آيه: اعمليله بلوك ياسلام سهله اوووي
شهد: ماشي دخليني معاكم
~~~~~~~~~~~~~~~
آيه: اهلا اهلا زيزو مارنتش عليا ليه انهارده
ذياد: معلش حبيبتي كنت مشغول عاوز اشوفك ينفع اصلك وحشاني اوووي
آيه: انت كمان وحشتني اووي بس مش عارفه ماما هتوافق تخليني اخرج ولا لأ
ذياد: قوليها انك رايحه مراجعه مهمه واصحابك رايحين
آيه: تصدق فكرة خلاص هقؤلها وعندي ليك خبر حلو
ذياد: خبر ايه ياقمر انت
آيه: لا لما اشوفك سلام دلوقتي عشان اظبط الدنيا واقؤل لماما ويارب توافق
ذياد: خلاص ماشي وابقي رني عليا عرفيني هتعملي ايه
آيه: حاضر ياقلبي سلام
~~~~~~~~~~
ايه: ماما ماما انتي فين
رجاء: انا هنا ياآيه عاوزه ايه
آيه: انا هلبس ورايحه المجموعه
رجاء: مجموعة ايه يابنتي
آيه: المسيو بعت علي الجروب ان في مجموعه دلوقتي
رجاء: يعني ضروري
آيه: جدا ياماما وهاتي فلوس عشان المسيو مش كل شويه يطلبها مني
رجاء: ماشي حبيبتي البسي علي مااجبلك الفلوس
آيه: الو ايوه يازيزو انا بجهز اهوه هنتقابل فين
ذياد: اشطا ياحبي هستناكي في الكافيه
آيه: ماشي ياقلبي
ذياد: اوعي تتأخري اصلك وحشاني اوووي
آيه: عيوني ياعيوني
~~~~~~~~~~
شهد: فينك ياروان برن عليكي من بدري
روان: هكون فين يعني قاعده زهقانه اهوه
شهد: ماتيجي نتمشي ولا حتي نروح للبت آيه
روان: لا كلميها وتعالو عندي مش عاوزه اقوم من مكاني
شهد: ماشي هكلمها واشوف كدا
روان: خلاص وانا مستنياكو
~~~~~~~
رجاء: خدي ياآيه الفلوس اهيه ودول كمان عشان يكونو معاكي ومالكيش دعوة بالبنات الوحشه خليكي انتي محترمه حبيبتي ربنا يحفظك
آيه: انا اصلا في حالي ياماما من البيت للدرس وهكذا من البيت للمدرسه وماليش دعوه بحد
رجاء: جدعه ياقلب امك عشان ابوكي دايما بيسألي عليكي وانا بقؤله انك كويسه وبتسمعي الكلام
آيه: انا همشي بقي عشان مااتأخرش
رجاء: ماشي حبيبتي وركزي كويس مع المسيو
آيه: حاضر سلام. الو ايه يابت ياشهد في ايه نازله رن رن اهدي شويه
شهد: ماتيجي نتمشي شويه او نروح لروان
آيه: لا يااوختي انا نازله اتمشي مع زيزو
شهد: زيزو ماشي يااختي وابقي شوفي الخروجه بتاعتنا
آيه: عامله حسابي لما تروحي لروان سلميلي عليها ولما ارجع هدخلكم في الجروب نسهر سوا
شهد: ماشي سلام..
~~~~~~~~
الجده: القمر قاعد لوحده ليه
روان: هعمل ايه بس ياتيتا
الجده: تقعدي معايا نتكلم سوا في اي حاجه
روان: وهنتكلم في ايه بقي
الجده: يسلام في اي حاجه حبيبتي قوليلي مثلا بتروحي تعملي ايه في المدرسه وبتتكلمي في ايه مع اصحابك كدا دايما سرحانه ليه
روان: عادي ياتيتا بنروح نحضر الحصص
الجده: ماشي حبيبتي انا موجوده في اي وقت لما تحبي تتكلمي معايا
روان: تيتا معلش ممكن سؤال
الجده: اتفضلي حبيبتي
روان: اشمعنه بابا وماما سافرو وسابوني ما كان ممكن يشتغلو هنا ويفضلو معايا زي بقيت اصحابي
الجده: حبيبتي مافيش حاجه اسمها اشمعنه ده نصيب صوابعك مش زي بعضها وبعدين هما متغربين عشان تعيشي في مستوي كويس ومايكنش نفسك في حاجه
روان: وبرضه كانو عاشو هنا واشتغلو هنا وعشنا علي قدنا وخدوني في حضنهم
الجده: هبقي اكلم مامتك واحاول اقنعها تنزل حبيبتي
روان: ياريت ياتيتا ياريت
الجده: اسيبك انا بقي واروح اشوف جدو
روان: ربنا يخليكي ليا ياتيتا انا بحبك اوووي
الجده: وانا كمان ياروح تيتا
~~~~~~~~~~~
ذياد: ايه القمر ده انتي كل يوم بتحلوي اكتر من اليوم الي قبله كدا انا هتجنن
آيه: بعد الشر عليك ياروحي من الجنان دا انت الي عينيك حلوه عشان دايما شايفني حلوه
ذياد: الله الله علي الكلام الجميل وبقينا بنقول كلام جميل ياجميل انت
آيه: هو انا اجي جمبك حاجه يازيزو
ذياد: خبر ايه الي كنتي بتقولي عليه في الفون
آيه: اصحابي كانو عاوزين يخرجو وانا قؤلتلهم هقؤلك وانت تجيب اصحابك وننزل كلنا سوا
ذياد: اووبا بجد وانا موافق بس للاسف
آيه: في ايه
ذياد: خروجه يعني محتاجه فلوس وانتي عارفه اني ماعيش خالص خلاص مش مهم خروج المرادي
آيه: عيب عليك تقول كدا خد ياعم ٣٠٠جنيه اهم ويوم الخروجه اجبلك زيهم ولا يهمك
ذياد: لا ياآيه انتي بتقولي ايه لايمكن ابدا اخد فلوس منك انتي كدا بتشتميني
آيه: انا زعلانه منك اوووي
ذياد: ليه بس ياقلبي وهو انا اقدر علي زعلك برضه
آيه: ايوه قدرت عشان بتعمل فرق بينا يعني لو انا عاوزه مش هتديني
ذياد: ايوه طبعا هديكي ما انتي مسؤله مني
آيه: خلاص تاخدهم وماتعملش فرق بينا
ذياد: مااتحرمش منك ياقمرايه ياله بينا بقي نتمشي سوا ولا ايه رأيك اوديكي السينما
آيه: ياريت نفسي اروحها اوووي
ذياد: ياله بينا ياقطتي
آيه: حلوه قطتي ياله بينا ياقلب قطتك
~~~~~~~~~~~
دمتم بخير منتظرة رأيكم
