ثمن الغربة

لا حول ولاقوة الابالله العلي العظيم
اللهم اتنا في الدنيا حسنه وفي الاخر حسنه وقنا عذاب النار
استغفر الله العظيم واتوب اليه
اللهم صلِّ وسلم وبارك على سيدنا محمد
~~~~~~~~
نوفيلا
ثمن الغربة 💔
البارت3
_____________
"روان قاعده في اوضيتها ومشغله اغاني وعماله ترقص وتغني ومعليه الصوت"
الجده: روان بت ياروان
روان: نعم ياتيتا في ايه
الجده: تعالي افتحي الباب ياروان انتي معليه الصوت كدا ليه ياحبيبتي احنا في فرح ولا ايه
روان: عادي بفرح نفسي شويه حاضر نناه جايه اهوه
شهد: بخ انا جيت
روان: يامه يامه اتخضيت ههههه ادخلي اومال فين آيه
شهد: هقؤلك بس اصبري ارتاح ههههههه
الجده: مين ياروان
شهد: هيا جدتك هنا
روان: ايوه يااختي اومال هتعزل
شهد: كنت نطيت بقي من شباك اوضتك
روان: اخرصي دي شهد صحبتي يانناه
شهد: اذيك يانناه عامله ايه
الجده: بخير حبيبتي ماما عامله ايه
شهد: الحمد لله تسلمي يانناه
روان: عن اذنك نناه هندخل الاوضه
الجده: ماشي حبيبتي اتفضلي
روان: تعالي ياشوشو ندخل الاوضه ونتكلم براحتنا
شهد: ايوه ناس ليها تتكلم في الاوضه وناس تتفسح
روان: ومين الي بيتفسح يابت وبعدين فين آيه
شهد: بتتفسح مع زيزو مش زينا وش فقر صحيح زي ماهيا بتقول علينا
روان: ماقلتش يعني انها خارجه
شهد: مااعرفش بقي بس انتي ايه رأيك
روان: في ايه عن كلام آيه يعني وخروجها وكلامها
شهد: اه بتخرج وتضحك وتهزر وعايشه حياتها مش زينا في كأبه علطول
روان: مش هيا صحيح قالت هتدخلنا جروب
شهد: قالت لما ترجع هدخلنا فيه ونسهر سوا
روان: ايه ده دي آيه بترن
شهد: ردي كدا شوفي عاوزه ايه
روان: الو يانداله كدا تخرجي من غيرنا
آيه: ماكنتش اعرف دا زيزو قالي اني وحشته وعاوز يشوفني عشان كدا خرجت بقؤلكم ايه
روان: ها قولي
آيه: انا داخله دلوقتي السيما
شهد: اوووبا من غيرنا وربنا انتي ندله
آيه: المهم لو اتأخرت وماما رنت عليكم قؤلولها اني لسه في المجموعه وعشان كدا وفوني مافيهوش شبكه
روان: ماشي بس بشرط الخروجه تكون قريب لاني زهقانه وقرفانه من القاعده
آيه: تمام هتفق مع ذياد وبليل نتفق انا معاكم
روان: ماشي سلام
شهد: شوفتي اخدها وراح السيما واحنا قاعدين
روان: خلاص بقي يابت كفايه قر عليها وتعالي نحط ميكب ونشغل اغاني ونرقص
شهد: ياله بينا وهوووبا💃🏻
روان: مجنونه وربنا ههههههه
~~~~~~~~~~
"بعد وقت كبير آيه ماشيه هيا وذياد"
ذياد: ايه رأيك ياحبيبتي الفيلم عجبك
آيه: جدا حلو اووي وفيه رومانسيه كتير
ذياد: مبسوط انه عجبك ياقلبي
آيه: حبيبي ربنا يخليك ليا مبسوطه اكتر اني معاك
ذياد: قلبي ياناس علي حبيبي
آيه: ياخبر اتأخرت هطير انا هههههه سلام
ذياد: هههههه سلام ياشقيه وابقي كلميني طمنين
آيه: حاضر سلام....
رجاء: كل ده ياآيه في المجموعه كنت لسه هرن عليكي
آيه: ايوه ياماما مراجعه كتير اوووي تعبت دماغي باظت
رجاء: سلامتك ياقلب ماما قومي حبيبتي غيري وانا هعملك الاكل كلي ونامي براحتك
آيه: لا ياماما هذاكر شويه عشان اجيب مجموع كويس وبعدين اراجع مع اصحابي علي الفون
رجاء: حبيبتي بتتعبي اووي ربنا يعينك ياروحي
آيه: يارب ياماما
~~~~~~~~~~~~
ذياد: ها ايه رأيكم ياشباب في الرحله دي
وائل: انا عن نفسي موافق اصل مش هنخسر حاجه لا بالعكس هنخرج ونهيص ونتسلي
اشرف: وانا معاكم حد يطول بينا يامعلم
ذياد: تمام هبلغ البنات علي بكره ماشي
وائل: بس الاول اصحابها حلوين
ذياد: علي اساس انك هتتجوزهم وبعدين يعني لو وحشين مش هتخرج خلينا نتسلي شويه
اشرف: علي رأيك واهو كدا كدا هما الي هيصرفو
وائل: ماشي قؤلهم وخليهم يدخلو الجروب
ذياد: تم ياباشا ودي حاجه تفوتني برضه
وائل: بس خليها تبعت صور اصحابها نشوفهم الاول عشان نختار
اشرف: تختار هيا فاكهه ههههههه
ذياد: ياابني انت محسسني انها اول بنت تكلمها عادي ياعم قلب عيشك البنات دي باباهم مسافر وعلي قلبهم قد كدا وبيصرفو بالهبل اهو يصرفو علينا بدل مانروح ندور علي شغل ونتعب
اشرف: عندك حق بلا شغل بلا قرف
~~~~~~~~~~~
آيه: الو يابت ياروان انا هدخلك اهوه الجروب ونتكلم سوا فيه ماشي ادخلي ومسي علي الموجود
روان: ماشي وهكلم شهد اقؤلها
آيه: تمام كدا وهقؤلك الخروجه هتبقي امتي
روان: خلاص ماشي....
آيه: ايوه ياحبيبي عامل ايه
ذياد: كويس ياقلب حبيبك انتي عامله ايه ماما قالتلك حاجه علي التأخير
آيه: لا طبعاا ههههه عملت ايه في الخروجه
ذياد: بكره ماشي اتفقت معاهم يكونو جاهزين الصبح
آيه: تمام وانا هكلم اصحابي دلوقتي اقؤلهم وادخلهم الجروب نسهر سوا
ذياد: تمام حبيبتي هستني رسالتك.....
آيه: الجروب نور ياموزه رحبو ياشباب بروان
وائل: اهلا بالقمر عامله ايه
روان: بخير عاملين ايه
ذياد: بخير ياروان فين صحبتك التانيه
روان: شهد جايه اهيه
شهد: انا جيت حد بيسأل عليا
اشرف: ايوه انا انا بسأل
آيه: نصاب هههههه لا يابت ذياد كان بيطمن اتأخرتي ليه
شهد: عادي يعني منورين يابشر
اشرف: دا نورك انتي ياقمرايه عامله ايه
شهد: انا كويسه اخبارك
اشرف: الحمد لله شكلك مكسوفه
شهد: يعني اول مره اتكلم مع حد
وائل: وانتي ساكته ليه ياروان في حاجه مديقاكي
روان: لا ابدا بس بسمعكم
وائل: لا شاركي معانا عاوزين نتعرف
روان: اقول ايه يعني انا روان بابا وماما مسافرين وقاعده عند جدتي وانا في الثانويه بس كدا
وائل: ياااه قصه قصيره اوووي ههههه
روان: ده سطر من القصه وانت صادق
وائل: احب اقرأ القصه من أولها عندك مانع
روان: هههه لا طبعا مافيش مانع
آيه: ايه ايه نحن هنا ياشباب
وائل: ايه ياعم ذياد آيه هتقطع علينا
ذياد: بت ياآيه تعالي سيبي الناس تتكلم
آيه: حاضر ياباشا سكت اهوه
اشرف: واحنا هنتكلم امتي ياشوشو
آيه: الله الله وبقيتي بتدلعي ياشهد
ذياد: آيه قولنا ايه اسكتي
آيه: اه ياولاد اللظينه بصوت محمد انور عرفينه ياولاد بتاع المسرحيه جبتولي الكلام
شهد: ايوه عرفاه دمه خفيف اووي
اشرف: هو مين حضرتك مااسمحلكيش علي فكره
روان: ههههههه كلمي ياشهد
شهد: هو ايه ده انا كلمتك
اشرف: ايوه ماتتكلميش علي حد وانا موجود
ذياد: لا حمش ياواد
وائل: عيب عيب اسمعي الكلام ياشهد هههههههه
شهد: هو ايه انتو هتكلوني انا بقول دمه خفيف
اشرف: انا دمي اخف منه
شهد: طيب اعم براحه امت دمك اخف حلو كدا
اشرف: ايوه حلو انت ياحلو
روان: مجانين هههههههه
آيه: المهم هنخرج امتي
وائل: بكره ايه رأيكم يابنات
روان: انا عن نفسي موافقه وانتو يابنات
آيه: معاكي يا قلبي
شهد: طبعا معاكم
ذياد: خلاص بكره نتقابل في الكافيه انتي عرفاه ياآيه
آيه: تمام ياله نوم بقي عشان نعرف نصحي بدري
وائل: تصبحي علي خير ياروان
روان: وانت من اهل الخير
آيه: ههههه ياحنين
وائل: الي غيران مننا يعمل زينا
آيه: ههههههه طيب تصبح علي خير يازيزو
ذياد: جميلة الجميلات وانتي من اهلي
اشرف: تصبحي على خير ياشوشو
شهد: وانت من اهل الخير
~~~~~~~~~~~~~
ذياد: مالك يااشرف انت صدقت الموضوع ولا ايه
وائل: كنت هموت من الضحك عليك يااشرف
اشرف: مالك ياواد انت وهو كنت برسم الدور صح
ذياد: انا كنت قربت اصدقك ههههههههه
وائل: انا قلت الواد خلاص وقع ههههههههه
اشرف: ياواد البنات بتصدق اي كلمه بتتقلها
وائل: حلاوتك يااشرف ياتفتي ههههههه
اشرف: لا يااخويا مش بفتي ولا حاجه بس البنت بتبقي عاوزه الي يغير عليها ويسمعها كلمه حلوه حتي لو بيضحك عليها تلاقيها جابت كل الي في قلبها
ذياد: اه ياابن الايه وانا اليوكنت بقول عليك طيب
وائل: والنبي ماحدش طيب غيري انا كدا عاوز دروس يااشرف علمني عشان خاطري
اشرف: هفكر هفكر هههههههههه
ذياد: اشكروني بقي
وائل: شكرا ياعمو بس شكلهم مدلعين اوووي
ذياد: انت لسه شوفت حاجه ويسلام لما تشوف الفلوس بتاعتهم وهما بيصرفو
اشرف: العب شكلها هتحلو
ذياد: اووي اووي ياله نامو عشان بكره مانتأخرش
وائل: ماشي سلام بكره نتقابل
اشرف: تمام ياله سلام
~~~~~~~~~~~~~
روان: بت ياآيه
آيه: نعم ياقمر علي رأي وائل
روان: ابتسمت وسرحت ياتري هو شكله ايه
آيه: بت فينك انا بكتبلك من ساعتها
روان: هو وائل ده صاحب ذياد من زمان
آيه: ايوه اصحاب من ايام المدرسه اشمعنه
روان: انتي شوفتيه قبل كدا
آيه: لأ بس ذياد بيكلمني عليهم علطول برضه ليه
روان: كنت عاوزه اسألك شكله ايه طويل قصير ابيض اسمر رفيع ولا وسيم ولا لأ
آيه: ياحلاوة وايه كمان انتي وقعتي ولا ايه
روان: بس يابت بقي بت ياشهد مش بتتكلمي معانا ليه
آيه: تلاقيها سرحانه هيا كمان في عمو الغيور
شهد: ايه يابت انتي وهيا عاوزين ايه
روان: دا بجد بقي
شهد: هو ايه الي بجد ياهبله
روان: انك سرحانه في اشرف الغيور
شهد: هو صحيح عمل كدا ليه انا اصلا ماقؤلتش حاجه
آيه: ماقلنا غيور هيا روايه ههههههه
شهد: بس طريقته حلوه في الكلام
روان: ايوه ايوه وايه كمان هههههههه
شهد: يسلام يعني انا لوحدي ما انتي كمان سرحانه
آيه: بااااس ياله كله ينام وبكره نتقابل دا هيبقي يوم يجنن ياولاه
روان: ماشي ياحبي سلام
شهد: سلام ياقمرات
~~~~~~~~~~~
"روان خلصت كلام مع اصحابها وفضلت سرحانه في بكره وشكل الخروجه وهتعمل ايه. هتلبسي ايه يابت ياروان هتلبسي ايه🤔 اووبا الطقم الجديد الي اشتريته من فترة هقوم احطه في الشنطه عشان مش هعرف احطه الصبح ولما اخرج من هنا البسه ياتري شكلك ايه ياوائل مش عارفه قلبي بيدق كدا ليه بس حاسه اني مبسوطه اووي. ايه ده مين هيبعتلي رسايل تاني المفروض اننا قفلنا عشان ننام اه قلبي قلبي ايه ده
وائل: القمر لسه سهران ليه
"روان ارد اقول ايه اقول ايه مش عارفه"
وائل: ايه دا انتي مكسوفه تردي عليا
"روان هو عرف ازاي ياخبر هو انا وشي احمر كدا ليه"
وائل: لا انتي حكايتك حكايه وكمان وشك احمر
روان: انت بقي عرفت ازاي
وائل: ههههههههه اخيرا رضيتي عليا
روان: ايوه برضه عرفت ازاي
وائل: قلبي حاسس بيكي ياقمر سهرانه ليه بقي
روان: كنت بحضر لبسي وهنام علطول
وائل: تعرفي انا مستني بكؤه بفارغ الصبر نفسي اشوفك اوووي واقعد معاكي
روان: والكلام ده بقي قؤلته لكام واحده قبلي
وائل: يالهوي كل بنت اكلمها تقولي نفس الكلمه
رولن: نعم
وائل: بهزر طبعا انتي اول واحده اكلمها والاخيره طبعا
روان: اها بحسب
وائل: انتي شكلك شوريره اووي
روان: دا انا طيوبه خالص خالص
وائل: ماشي ياقمر بكره نشوف القمر ياله بقي نامي
روان: حاضر تصبح علي خير
وائل: وانتي من اهلي ياقمر
~~~~~~~~~~~
روان: صباح الخير يانناه
الجده: صباح الورد والياسمين ايه النشاط والجمال دا كله ياروحي انا
روان: حبيبتي يانناه انا همشي بقي عشان المدرسه
الجده: مش هتفطري ياقمر
روان: قمر انا قمر يانناه
الجده: ايوه طبعا قمر القمرات كمان
روان: حبيبتي يانناه اه صحيح ممكن اتاخر انهارده شويه عشان ورايا مجموعه بعد المدرسه
الجده: ماشي حبيبتي بس خدي بالك من نفسك
روان: حاضر يانناه سلام بقي
الجده: سلام ياروحي ربنا يحفظك
~~~~~~~~~~~
شهد: ماما حبيبتي
ماجده: نعم ياشوشو في ايه
شهد: فين الفلوس الي قولتلك عليها وكمان فلوس المجموعه الي قؤلتلك عليها
ماجده: اهيه ياروحي
شهد: طيب حبيبتي انا ممكن اتأخر انهارده بعد المدرسه
ماجده: ليه ياشوشو اشمعنه انهارده
شهد: عشان ورايا مجموعه نعوض الي فاتنا
ماجده: ماشي ياقلبي ربنا يوفقك
شهد: انا همشي بقي عاوزه حاجه
ماجده: لا ياقلبي خدي بالك من نفسك
شهد: سلام
~~~~~~~~
رجاء: بقالك ساعه بتلبسي في ايه
آيه: يعني انتي تايهه عني ياماما بفضل البس واخلع البس واخلع عادي يعني المفروض تكوني حفظتي
رجاء: لا حفظت يااختي انجزي عشان المدرسه وبعدين شنطتك مالها مليانه كدا
آيه: لا دا الكتب والمذكرات بتاعت المجموعه لاني هخلص مدرسه واروح المجموعه
رجاء: طيب خدي الفلوس دي عشان تجيبي حاجه تاكليها عشان ماتتعبيش
آيه: يااجمل ام في الدنيا انتي
رجاء: ياشيخه كلي بعقلي حلاوه يابت
آيه: وهو انا اقدر برضه ياقمر انت
رجاء: طيب ياله اتأخرتي
آيه: ياله سلام
~~~~~~~~~
دمتم بخير
منتظرة رأيكم وتعليقاتكم