استغفر الله العظيم واتوب اليه
لا حول ولاقوة الابالله العلي العظيم
سبحان الله وبحمده سبحان الله العظيم
اللهم صلِّ وسلم وبارك على سيدنا محمد وعلى آله وأصحابه وسلم تسليما كثيرا
~~~~~~~~~~~
نوفيلا
ثمن الغربة 💔
البارت5 والاخير
~~~~~~~~~~
وائل: صباح الورد ايه النوم دا كله
روان: اصل دي اول مره انام مبسوطه وفرحانه
وائل: وياتري ايه السبب الي يخليكي مبسوطه وفرحانه ممكن اعرف ولا ده سر
روان: لا طبعا مش سر ولا حاجه
وائل: ماشي ياقمر وانا مبسوط انك مبسوطه
روان: ميرسي عامل ايه
وائل: الحمد لله انا اسعد انسان في الدنيا عشان بكلمك
روان: انت علطول كدا
وائل: ازاي يعني مش فاهم
روان: يعني بتقول كلام حلو علطول ومهتم بيا
وائل: يعني لو مااهتمتش بالقمر ههتم بمين
روان: عاوزه اسالك سؤال بس جاوبني بصراحه
وائل: اسألي علطول وانا صريح معاكي من يوم مااتعرفت عليكي واول دقيقه كلمتك فيها
روان: انت بتهتم بيا ليه وعاوز ايه
وائل: انا حبيتك من اول ماشوفتك وارتحتلك ودخلتي قلبي وحسيت انك مني ولو مش عوزاني اكلمك خلاص مع السلامه ومش هدايقك تاني
روان: لا لا ماتقفلش مااقصدش كدا انت زعلت مني
وائل: ايوه زعلت انك مش حاسه بيا ولا بحبي ليكي
روان: خلاص بقي ماتبقاش ثقيل وانا عندي ليك سر
وائل: سر مره واحده طيب قوليلي عليه
روان: انا حبيتك وحبيت اهتمامك بيا
وائل: ايوه بقي هو دا الكلام الجميل طيب هشوفك انهارده ومافيش اعزار
روان: واصحابنا هيجو معانا
وائل: لا احنا بس عاوزين نكون لوحدنا واكيد هما كمان بيخرجو سوا من غير مايقولو ليكي
روان: خلاص شويه كدا وهرن عليك ونتقابل
وائل: وانا هستناكي ياقمري
~~~~~~~~~~~
شهد: شكرا بجد كانت خروجه جميله اوووي
اشرف: انتي اجمل ياروحي المهم عندي انك تكوني دايما مبسوطه واوعي تزعلي وانا موجوده
شهد: طبعا مبسوطه كفايه اهتمامك بيا
اشرف: لازم اهتم بيكي ياقلبي انا ماليش غيرك
شهد: بجد ولا بتضحك عليا
اشرف: لا طبعا بجد وبعدين هضحك عليكي ليه هستفاد ايه يعني انا اصلا مش بحب الكدب
شهد: وده الي حببني فيك انك صريح معايا
اشرف: نعم قؤلتي ايه قؤلي تاني كدا
شهد: حببني فيك
اشرف: احلي شهد دي ولا ايه ياناس
شهد: بس بس الناس بتبص علينا
اشرف: مالناش دعوه بحد خليكي معايا انا وبس
شهد: ما انا معاك اهوه
اشرف: الي جاي احلي يااحلي شهد في الدنيا
~~~~~~~~~
ذياد: مالك يايويو
آيه: زعلانه اووي
ذياد: ليه كدا تزعلي وانتي معايا اخس عليكي
آيه: لا طبعا بس ماعتش بشوف اصحابي من ساعت ما اتعرفو علي اصحابك
ذياد: ضحك بصوته كله وانتي زعلانه بقي عشان كدا
آيه: ايوه بقالنا فتره كبير مااتقبلناش وبيسألو عليا علي الجروب بس وماعتش بعرف عنهم حاجه
ذياد: ياقلبي سبيهم يفرحو شويه ويخرجو
آيه: يخرجو مين قالك
ذياد: يابت اصحابي بيقولولي
آيه: اه يااندال ماشي هوريكم
ذياد: لا بقؤلك ايه مالناش دعوه وتعالي نخرج احنا كمان
آيه: نخرج نروح فين
ذياد: اي مكان هيكون حلو طول ما انتي معايا
آيه: حبيبي ياناس ابو كلام عسل
ذياد: بس ماتنسيش تجيبي فلوس معاكي لاني مفلس خالص والراجل بتاع الشغل مش راضي يديني
آيه: ولا تزعل نفسك انا معايا وهجيب من ماما
ذياد: انتي قلبي ربنا يخليكي ليا ياروحي
آيه: ياله شويه وهرن عليك اقؤلك اني نزلت
ذياد: ماشي خدي بالك من نفسك اوعي حد يعاكسك
~~~~~~~~~~
"عدي فتره كبيره علي كدا يخرجو مع الشباب ونسيو مدرستهم ومذاكرتهم ومابقوش حتي يكلمو مع بعض
روان: بقت تشتري لبس وميك اب كتير وتهتم بنفسها اكتر وتعزم وائل كل يوم وتديله فلوس كتير من الي مامتها بتبعتها. مره تجبله هديه ومره تجيبله تليفون ومره لبس .وائل طبعا كان مبسوط من كدا كل يوم يكلمها ويضحك عليها عشان الفلوس وعشان يتسلي وهيا ماكنتش بتقؤله لأ علي اي حاجه لغاية مافيوم بدأ يروحلها البيت "
وائل: اذيك حبيبتي عامله ايه
روان: وحشه اووووي
وائل: ليه بس كدا مالك
روان: يوم بحاله مااشوفكش فيه انا زعلانه
وائل: ياقلبي غصب عني ماتزعليش مني بدل ما اروح اموت نفسي انتي تزعلي مني يبقي ماليش حق اعيش
روان: بعد الشر عليك حبيبي ماتقؤلش كدا بس انت واحشني اوي وانا يومي وحش من غيرك
وائل: طيب انتي فين دلوقتي
روان: في الاوضه بتاعتي
وئل: طيب قومي اقفليها كويس عشان ماحدش يعرف يفتحها ومن غير ليه ياله في مفاجئه
روان: حاضر ومن غير ليه قفلتها
وائل: افتحي الشباك كدا
روان: انت عليك كلام غريب اوووي فتحته
وائل: غمضي عيونك
روان: اهوه
وائل: وانتي كمان وحشتيني ياقلبي
روان: ايه ده قلبي دي احلي مفاجئه وحشتني اوي
وائل: وانا ميهونش عليا زعلك ممكن ادخل بقي ولا هفضل بره كدا وحد يشوفنا
روان: بس تيتا وجدو جوه
وائل: لا انتي مش واثقه فيا صح خلاص انا ماشي
روان: لا لا تعالا ادخل بس من غير صوت
وائل: احبك انا
~~~~~~~~~~
شهد: تعرف ان يومي ماينفعش يعدي من غير ما اسمع صوتك ولااكلمك
اشرف: وانا كمان بتعب اووي مابقتش قادر استغني عنك ابدا انتي حياتي كلها
شهد: طيب ماتيجي تخطبني
اشرف: هاه اه اه طبعا اول ما باباكي يجي هاجي علطول بس تعالي نتقابل انهارده
شهد: ماما بقت تقؤلي انتي بتخرجي كل يوم ليه
اشرف: قؤليلها اي حاجه يسلام قؤليلها مجموعه
شهد: ماشي هجرب واشوف واقؤلك
اشرف: ماشي حبيبتي وانا مستنيكي
~~~~~~~~~~~
ذياد: مالك يايويو انتي بقيتي بتزعلي علطول كدا ليه
آيه: خروجتنا زادت يازيزو وانت مش عاوز تيجي تخطبني وكل مره بتتحجج بي اي حاجه
ذياد: حبيبتي كش لازم اشتغل الاول ولا اجي لابوكي واقؤله جوزني بنتك من معاك
آيه: مالك دعوه انا معايا فلوس وحطاها في البنك وعامله فيزا خد انت بس خطوه
ذياد: الله فيزا ومن ورايا ماقولتيش يعني
آيه: واهو انا قلت هتعمل ايه بقي
ذياد: من بكره الصبح هاجي ياروحي بس ادعي مايكنش ورايا شغل اصل صاحب الشغل بيدايقني اووي
ايه: طيب سيبه وانا ابقي اجبلك فلوس بابا بيبعت كتير
ذياد: حبيبتي يايويو بس الفيزه فيها كام
آيه: فيها كتير بس انت شاور
~~~~~~~~~~~
"كل يوم وائل يروح لروان عند بيتها يفضلو يهزرو ويضحكو ويتكلمو بقت علطول تدخل اوضتها وتقول هتنام وتقفل الباب وهو يدخل من الشباك ويسهرو سوا كل يوم لغاية في يوم قرب منها
روان: انت بتعمل ايه كدا غلط ياوائل
وائل: انتي مش بتحبيني
روان: لا بحبك ومااقدرش اعيش من غيرك
وائل: طيب انتي وحشاني اوي
روان: بس كدا غلط وماينفعش
وائل: وايه خلاه ماينفعش انتي حبيبتي وكلها كام يوم واجي اتقدم ليكي يعني مافيهاش حاجه
" وائل فضل وراها يضحك عليها لغاية ماسلمته نفسها وحصل الي حصل ومشي وسابها كل يوم كان يجي يقعد معاها ويضحك عليها بكلمتين وتسلمه نفسها "
~~~~~~~~~
ذياد: تصدقو انكم اندال ماعتوش بتكلموني ليه
وائل: مشغول يازيزو طمني عليك عامل ايه
ذياد: الحمد لله انت عامل ايه ياصاحبي وايه اللبس الجامد ده الله الله وفون جديد انت شكلك مهيص علي الاخر ماشيه معاك ياعم
وائل: انت هتقر ولا ايه مانت كمان شكلك ابن ناس
اشرف: بس بس ايه ياشباب هتقطعو علي بعض ولا ايه
ذياد: وانت كمان ياابن الايه انتو شكلو وقعتو واقفين
اشرف: ما انت واقع واقف ومعاك بالهبل
ذياد: بس قر انت وهو البت شكلها زهق وعوزاني اروح اخطبها وكلويوم اخترع حاجه شكل
اشرف: ايه دا هما متفقين ولا ايه دي شهد كمان طلبت مني اخطبها طيب والعمل
ذياد: المشكله لو سبناهم هنصرف منين
اشرف: انت سرحان في ايه ياوائل
وائل: ها لا مافيش بتقولو ايه
ذياد: بدأت اقلق منك انت عملت حاجه مع البنت
وائل: هعمل ايه يعني فكك بتقولو ايه بقي
اشرف: هنعمل ايه في حكاية الخطوبه دي وماحدش يقول نسيبهم دول كنز يابابا
وائل: من جهة كنز فاهما كنز فعلااا
ذياد: والعمل هنتصرف ازاي
وائل: اضحك عليهم بكلمتين ولو قدرتو تاخدو قرشين حلوين منهم خدو وطيرو وغيرو ارقامكم
ذياد: دي البت طلع معاها فيزا بنت الايه
اشرف: خلاص اتصرف معاها زي ما انا هتصرف وانت ياوائل هتعمل ايه
وائل: انا يعتبر خلاص اتصرفت ياله انا همشي ونتقابل بعدين سلام ياشباب
ذياد: اشك ان الواد ده عمل حاجه
اشرف: دي تبقي مصيبه ووقع نفسه فيها
ذياد: ربنا يستر انا همشي بقي
اشرف: انا كمان ماشي ياله سلام
~~~~~~~~~~~~~
روان: فينك ياوائل انا برن عليك مش بترد
وائل: مشغول ياروان هو انا موريش غيرك
روان: تقصد ايه ياوائل فهمني
وائل: حبيبتي مشغول اقصد اقؤل كدا
روان: طيب لازم تيجي انهارده
وائل: ليه لازم يعني في ايه
روان: لما تيجي هتعرف بس ماتغيبش عليا
وائل: ربنا يستر ماشي سلام
"" روان بدأت تخاف وبدأت تتعب وتكلمه كل يوم وتقؤله انا تعبانه وهو يقولها جاي ومابيجيش ويضحك عليها وهيا تموت نفسها من العياط""
"" "بس هل العياط هيرجع الي فات للأسف لأ" ""
وائل: افتحي انا واقف بره ياروان
روان: حاضر
وائل: في ايه بقي عرفيني كل يوم رن رن رن مالك
روان: انا هتفضح ياوائل عشان خاطري خليك معايا
وائل: قلقتيني في ايه اتكلمي علطول
روان: انا حامل ولو اهلي عرفو هيقتلوني
وائل: انتي مجنونه ومااخديش بالك ليه من الاول
روان: يعني ايه هتسبني كدا
وائل: دي مصيبه
روان: انت هتسبني صح
وائل: لا طبعا مااقدرش اسيبك انتي حبيبتي
روان: طيب والعمل دلوقتي عاوزين نتصرف
وائل: فضل يضحك عليها ويقؤلها هخطبك ونتجوز بعد ما تخلصي دراسه متخافيش بقي
روان: ماينفعش نصبر ماينفعش
وائل: انتي بقيتي غم ونكد كدا ليه يابت قؤلتلك ماتقلقيش انا معاكي بطلي زن بقي
روان: انت بتكلمني كدا ليه يعني دي غلطتي
""وائل كل مايروحلها او يكلمها يقؤلها هتجوزك ماتقلقيش انا معاكي لغايه مافيوم" "
وائل: بصي ياروان هقؤلك علي حاجه بس ماتفهميش غلط واسمعي للاخر
روان: قول ياوائل علطول
وائل: انا نفسي في عربيه
روان: وهو ده وقت نفسك في ايه احنا في مصييه
وائل: ولا مصيبه ولا حاجه اشتريلي عربيه وانا اتجوزك
روان: انت بتقول ايه
وائل: بقؤلك ياقمر انتي شكلك هتموتي عليا وبتحبيني اوووي كدا يبقي هاتيلي عربيه وانا اتجوزك اصلي نفسي فيهااا اووووي وبحلم اجيبها من زمان
روان: انت ازاي كدا أومال كنت بتقول انك بتحبني ازاي
وائل: يعني واحده جميله سلمتني نفسها وجسمها وفلوسها وهدايا واكل وشرب ومش عوزاني اكوش
روان: انا مش مصدقه انت يطلع منك كل دا انا حبيتك
وائل: طيب ما انا بقؤلك هاتيلي عربيه وانا اتجوزك اقؤلك ايه تاني مش عاجبك خلاص كل واحد من طريق
روان: ازاي بعد الي حصل مابينا دا انا ادمرت وضيعت
وائل: حد ضربك علي ايدك انتي كل يوم تقولي تعالا تعالا انت وحشني وعاوزه اشوفك وفتحالي شباكك وكمان بتصرفي وعلطول مامتك بتبعتلك فلوس بالهبل طيب تعالي نستفيد سوا انا اتجوزك وانتي اصرفي
روان: لا لا مش معقول انت تكون الشاب الي حبيته
وائل: ايه حبيته حبيته هيا شغلانه حب ايه يابنتي انتي هبله ولا بتستهبلي
روان: ياااااااااه ازاي انا ماكنتش واخده بالي منك قبل كدا ازاي كان فين عقلي انا ادمرت خاااااالص
وائل: خلينا ننفع ونستنفع وافقي انتي بس انك تصرفي من غير ماحد يعرف وانا اتجوزك علطول
روان: حسبنا الله ونعم الوكيل منك لله
وائل: بصي انا ماشي ولما تقرري ابقي كلميني
☝️👆👆☝️
ده الي بيحصل بالظبط ببعد الاب والام عن عيالهم
واهمالهم ليهم فين الاهتمام فين الاخلاق والادب والقيم الي بتعرفو بيهم عيالكم الي الفروض في اهم سن تكونو موجودين معاهم(سن المراهقه) ويكونو عارفين الحلال من الحرام ويقدرو يحافظو علي نفسهم
ده سببه مين بالظبط وياتري ايه الحل بوجهة نظركم ومين غلطان "" مناقشه وانا سبتها مفتوحه عشان تقولو رأيكم وياريت كل بنت قرأت تحافظ علي نفسها وتقرب من دينها كويس وتفرق بين الحلال والحرام""
________________
دمتم بخير
منتظرة رأيكم وتعليقاتكم
ياريت كل واحد يقول رأيه
ولو عجبتكم أنتظرو مني كل جديد
شروق محمد 💐
