سر هوسي (كرونيك مقتبسة) 💖

31

اما عند المحقق فكان هذا وين فطن و لقا روحو داخل حاجة مغلوقة و باردة كيما الكونجيلاتوغ شعل الضو تاع التيليفون و في طريقو حب يجبد سلاحو بصح مالقاهش و مبعد سمع حس الطوموبيل كي دخل جيمس الطموبيل للغراج حاول يخرج في نفس الوقت كانت "جينيفر" تحاول تفك الرباط من يدها حاولت تقطعو ماقدرتش كان خشين حتى تولهت للبريكا حاولت تجبدها بيدها ماوصلتش فحاولت برجلها حتان طاحت في الأرض هي و الشمعة وهنا دخل "راين" تبسمتلو ابتسامة زائفة

*راين : وشي هاذ الحس

*جينيفر : اا سمحلي ..قست الطابل دونوي برك ( بقى يشوف تاع ماصدقش) اممم كنت نخمم في واش قتلي من قبل كامانش علابالي بمشاعرك اتجاهي من قبل

*راين :المهم انا سوا كنت علابالك ولا لالا كنت ديما مهتم بيك

*جينيفر ( بوجه بريء) : وعلاه ماقتليش من قبل

بقى ساكت يخمم و يتحرك جيهة البيبيوتاك ... و هي خافت يفيقلها بلي كانت تحاول تهز الشمعة ولات تلتي بيه بالهدرة

*جينيفر: جيمس نتا جامي عطيتنا فرصة ( هز الشمعة و مزيا ماتولهش للبريكي) راني قادرة ذرك نشوف شحال راك مهتم بيا و انا كنت عبء عليك

*راين :لالا حنونة ماراكيش عبء عليا ... كيما علابالك الحب لازملو وقت

*جينيفر: صحح عندك الحق

*راين : صحا قوليلي ...وش راكي كشما تحتاجي حاجة ؟

*جينفر : اا ... تقدر دجيبلي حاجة نشربها؟

*راين: اكيد ( مع ابتسامة)

راح "راين " يجيبلها حاجة تشربها و هي قعدت تسنا فيه غير وقتاه يخرج...... هو خرج و هي رجعت تحوس على البريكي و قدرت تجبدها ...بصح قد ما سيات تشعلها ماحبتش .... بعد محاولات بزاف و أخيرا شعل ( و "راين" كان طالع للبيت) وصل و مزيا كان قافل الباب بالمفتاح فخذا وقت باه يحلو بين ما الخيط تفك ( تحرق)

و كي حل الباب مالقاهاش حار مالحقش يحوس عليها حتان غفلاتو من اللور و كسرت عليه الفاز تصرع ... سرقتلو المفتاح و قفلت عليه و هبطت و هو ماطولش وفاق و تقلق و بدا يعيطلها و غير سمعاتو يعيط تعكلت على الدروج و طاحت زاد السطر عليها بصح قاومت و حملت ... و السيد "راين " هبل لفوق و كان راح يكسر البابو بالفعل كسر

و حتىالمحقق كان قدر يسلك روحو و خرج منالكونجيلاتوغ