سر هوسي (كرونيك مقتبسة) 💖

33

هربت "جينيفر" و خرجت البرا و دخلت للغابة و كانت دات معاها تيليفون تحوس على الريزو باه تعيط لكاش واحد يسلكها .... بصح "راين " لحقها للغابة و بقا يعيطلها و هي غير سمعاتو بلي قرب حاولت تزيد في الفيتاس نتاع مشيتها مع رجلها المريضة حتان زلقت فعيطت ...و "راين " سمع عيطتها و عرف وشمن جيهة راهي - و مام المحقق خرج للغابة –

"جينيفر" كي حست بلي قربلها بزاف عرفت بلي ماتقرش تهرب منو خمت و هزت حجرة كبيرة شوي و رماتها للجهة لوخرا باه يحسبها راحت من ثم و يبدل طريقو بقى يقدم بالشوي و هي هزت حطبة خشينة و نوات تضربو لراسو بصح هو فاقلها و قدر ينحيهالها و رماها و راح قدامها واقف و هاز السلاح و هي في الارض عيات تتحرك

*راين : وعلاه مصرة تكوني هك ... وعلاه ماترضايش بالسعادة لي راح نمدهالك و خلاص ( و وجه السلاح عليها)

*جينيفر '(خلعانة): لالا ...تعيش ماديرهاش ...ماتقتلنيش

كان قريب يلض على السلاح حبسو المحقق تضاربو بيناتهم حبت "جينيفر " تعاون المحقق مي ماعرفتش كيفاه حتان لقات السلاح مرمي هزاتو - كان "راين " راح يقتل المحقق لأنو ماخلاهمش يعيشو حياتهم- مافهمتش كيفاه طلقت رصاصة عليه و جاتو في كتافو ..زادت الثانية جات في الأرض ناض لعندها يمش و يشوف في عنيها و هي تسمرت في بلاصتها زمان و مبعد طلقت عليه و المرة هاذي قتلاتو و موراها بعد دخلت في هيستيريا رعب و بكا و راحت عند المحقق

*جينيفر: راك ملييح ؟؟؟
*كارل: اييه ...( ناض و نحالها المسدس و حضنها و قالها ) خلاااص مكان والوو ماتخافيش ( وهي دورت وجهها باه ماتشوفش في الجثة زادت في البكا)

- بعد 3 أشهر –

المحقق لم كامل الألعاب لي كان يشريهم كل عام لبنتو الميتة و قرر يتبرع بيهمم للأيتام

و بين ماكان يخرج في الكراطن برا دارو

*جينيفر : محقق؟؟

كارل: اووو شوفي لروحك ( كانت تمشي على رجلها خيرمن الأول و قالها هك تاع راكي تحسنتي ) ... وش راكيي ؟؟

*جينيفر: لاباس خيرمن الأول هههه

*كارل: راني نشوف ماوليتيش تستعملي العصا باه تمشي ( و عنقها)

*جينيفر : راك مسافر ؟؟

*كارل : اييه لـ"سكوتسديل" نريح راسي شوي ونلعب الغولف يعنيي

*جينيفر : هههه امم باين راح ديفولي على روحك

*كارل: اني شايف بلي طولت( كي كان حزنان على بنتو و جامي خرج)

*جينيفر : ماعليه مزال الوقت

*كارل: ونتي وش خبارك راح ترجعي تسافري مام نتي ؟

*جينيفر : اييه .. حبيت برك نودعك قبل مانروح ... و باه نشكرك

*كارل : العفو هذا واجبي ...ايي قريب نسيت ( جبد ورقة من جيبو ) رحت لمكتبك القديم و مديرك عطاني هاذ الرسالة كنت راح نجيبهالك كي كنت في المستشفى بصح الممرضة قاتلي بلي خرجتي

حكمت الورقة و لقات مكتوب عليها" إلى عزيزتي جينيفر" اباتسمت و شكراتو بعد ماعنقاتو و قالها " اتهلاي في روحك" ركبت سيارتها و قرات الرسالة " جينيفر علابالي بلي من التفاهة نكتب رسالة كيما هك و انا علابالي بلي رانا قريب نجوزو حياتنا كامل مع بعض بصح حبيتك تعرفي يصرا وش يصرا يبقى الوقت لي فوتناه كيف كيف هو أسعد ذكريات نقدر نتمناها لروحي.. نحبك ميش على جال شخصيتك برك ..على جال شخصيتي وأنا معاك .. راح نبقى نحبك طول حياتي ...."جيمس"

ايييي وي ماغلطتش كي قلتلكم في الأول بلي الثقة سلاح خطير و ماشي كامل الناس تستاهل تعطوها ثقتكم الكاملة للأسف رانا نعيشو و نشوفو بلي أقرب الناس هوما الأولين لي يطعنو في الظهر المهم بسكويتاتي شكرا على القراءة نتمنى تكون عجبتكم القصة خليولي رايكم باسكو يهمني بزاف . و قولولي اذا نزيد ندبلجلكم أفلام على شكل كرونيك ولا نن