....// Toh ab mein bhi apna bag leke bahar ki aur nikal gya toh kuch students apne phone me lage pade the kuch ek dusre se baat kar rahe the aur kuch ne apne hi jundh (groups) banaye hue the. Meri nazar toh sirf Anshika ko dund rahi thi ki tabhi woh mujhe dikhi...Woh waha khadi thi aur apni gadi baar baar dekh rahi thi...sath hi sath apni zulfein bhi sanwar rahi thi. Mein kuch der usko dekhta raha...Aur Maine dekha ki uske baalon ki lat (earlock) uske chehre par aa rahi thi aur woh apne hathon se usko apne kaan ke piche le jaati...Mein bayan bhi nahi kar skta ki kitni khoobsurat lag rahi thi woh aur kya haseen manzar tha. Mein DHEERE DHEERE uske pass jaane laga aur aisa dikha raha tha ki main bas aise hi aage piche ghum raha hu. Mein ab usse 5-6 feet ki doori pe hi khada tha. 5 minute baad usne mujhe bhulaya "Hello! My name is Anshika" usne kaha
Toh Maine v hadbadaate hue (nervously) kaha "Hey! My name is Abhay"
Toh usne kaha "Tumhe pata hai ki ab next class kab hogi...Kyunki mujhe jaldi ghar jaana hai"
Toh Maine kaha "Han abi 2 ghante baad Botanical garden me observational class hogi"
Usne kaha "2 ghante!! Tab toh kaafi der ho jayegi. Ek toh mere college se sirf mein hi hu medical stream se jo extra classes attend kar rahi hu...Upar se itna late classes...Bahut irritating hai"
Toh Maine usse pucha "Agar tumhe extra classes pasand nahi thi toh phir join kyun ki tumne"
Toh usne ek lambi saans li aur kaha "Yarr agar mein ghar par rahungi na toh mere gharwale mujhe irritate kar denge...Par ab yeh university waale irritate kar rahe hain"
Toh Maine usse pucha "Toh kya ab tum jaane wali ho?"
Usne kaha "han ! kal se dekhungi baaki classes...waise bhi mujhe ajeeb sa lag raha hai yaha aise akele padna...I wish mere friends bhi yaha hote"
Mujhe kya padi thi uske friends ki, maine usse kaha "Koi baat nahi mein bhi yaha kisi ko nahi janta...infact Yaha kaafi aise students hai jo ek dusre ko nahi jante kyunki woh alag alag colleges se hain..."
Usne kaha "Han woh toh hai...Thank God ab yaha koi toh hai jise mein jaanti hu"
Uske aisa kehne par meine man mein khushi ki maano ek Lehar daud padi ho...Meine apni excitement ko control karte hue kaha "Waise kal aana hai tumne?"
Usne kaha "Han yrr! aaj rehne deti hu..but kal se toh pakka puri classes attend karni hain...par tum toh aaoge na kal ...nahi toh kal phir se bore ho jaungi mein"
Ab meri khushi charam-sthan pe thi...Ek haseen ladki mujhe yeh keh rahi thi ki agar mein kal na aaya toh woh bore ho jayegi... Meine excitedly usko kaha "Han-Han mera toh pakka hai 100%...mein kabhie chutti nahi maarta" yeh Maine kaha ek safeed juth bade aaraam se...
Toh usne kaha "Thik hai phir ...kal milte hain ...Bye ...Acha tumne apna naam kya bataya???"
Main excited hoke "Abh...Abhay...My name is Abhay Rajput"
Usne kaha "Okay ! Abhay! It's nice to meet you"
Maine kaha "It's nice to meet you too"
Itna kehkar woh chali gayi...Waise ladki bore ho gayi thi kyunki whaa woh kisi ko jaanti nahi thi aur uska koi dost waha tha nahi...Mere liye toh acha hi tha...Ek boys school me padhe ladke ko ek ladki 'nice to meet you' kehti hai usse badi baat uske liye kya hogi...Maine apni baaki ki classes attend ki aur apne quarters chala gya (Han quarters! Meine room rent pe liya hai kyunki mein Srinagar se hu aur jammu study karta tha...kyunki Yaha srinagar me halaat ache nahi rehte zayadatar)
Toh meine apne room me pohunch gaya aur Unn haseen palo ko yaad karne laga...Anshika ka chehra meri aankhon se hat hi nahi raha tha...Uske lambe ghane baal, uske gulabi honth jo mujhe ghayal kar chuke the, uski chaal aur uski muskaan jisne mere dil mein ghar kar liya tha...
Ab bas mein usi ke khayalon mein kho jaana chahta tha...
Maine apna phone uthaya aur facebook open kiya aur fb chalane laga...//
To Be Continued
WRITTEN BY
ABHISHEK SINGH RAJPUT
