...// Ravivaar subha 9 baje ke kareeb meri aankh khuli. Kuch toh khaas tha iss subha hai. Pata nahi mujhe toh lag raha tha. Mein nahi janta aisa sirf mere sath hi Hua yan sabkte sath hota hai ki jab koi aapko pasand aane lage toh har cheez achi lagti hai....TINDE BHI.
Nashte mein Maine Tinde banaye aur phir nahane chala gaya (Han mein cooking janta hu..Akele rehna shuru karo har cheez mein expert ho jaoge. PRO TIP)
Uske baad meine phone uthaya aur Anshika ko Good Morning text kiya. Woh offline thi as usual.
Meine socha ki bahut ki nonsense bartaav raha hai kuch dino mein mera Anshika ko leke. Phir meine decide kiya ki kyun na usko friendship band deke full-fledged friend bana lu..Woh SRK kehte hain na ki pyaar ka pehla kadam DOSTI hota hai.
Toh mein badiya se bands khareedne market chala gya aur waha se kuch bands aur friendship cards le aaya.
Ab bas intezaar tha toh kal ka jab mein Anshika ko friendship ke liye approach karne wala tha.
Meine life ke iss stage me bhi pohunchunga Maine kabhie socha bhi nahi Tha...But this is life...Aapko sab kuch milta hai bas wait karo aur have patience.
Kal mein Anshika se friendship karne wala tha aur phir bhagwan ka sath raha toh usko propose bhi jaldi kar dunga
Meine apni life mein ek cheez seekhi hai ki ladkiyan unhe jayada preference deti hain jo unke layak nahi hote..
Ajeeb baat hai na unke friend circle mein aise ladke hote hain jinki soch ladkiyon ko leke kaisi hoti hai woh sab jante hai par unke saamne aise innocent aur ache bante hain jaise dudh ke dhule hon aur ladkiyon ko bhi lagta hai ki nai mere friends toh awesome hain.
Phir aisa hi koi ladka unka istemaal karta aur dil tod jaata hai aur unko sabhie ladko se nafrat ho jaati hai.
Par mein bilkul bhi nahi chahta tha ki Anshika ke sath aisa ho.
Mein usse humesha khush dekhna chahta tha...aur uska dost banke usko protect karna chahta hai.
Mein TV dekh raha tha ki tabhie mere mobile screen pe ek pop aaya news ka.
Jammu university ki taraf se ek notification tha ki kum students ke extra classes ko join karne ki wajah se college fraternity ne decide kiya hai ki COLLEGE FEST ko cancel kar diya jaaye aur kal se university band rahegi.
Yeh news padke maano sadhma sa lag gaya mujhe...
Kya kya socha tha Maine. Ki Anshika se friendship hogi phir propose hoga phir shaadi phir bache phir bachon ki shaadi aur phir pote-poti (grandchildren) ke sath khelna.
Lekin mere saare armaano par paani phir gaya. Pehli baar University band hone ka dukh Hua.
Ab manzar yeh tha ki mein aur Anshika nahi mil skte ...woh apne college chali jayegi aur mein apne college.
Dil tut gaya tha mera.
Kuch samaj nahi aa raha tha ki kya karu.
Pehli baar koi ladki itni pasand aayi toh ab woh mujhse dur hone jaa rahi thi...Kaise jaane deta usko dur...Lekin kar bhi kya sakta tha.
University ne Fest cancel kar diya.
Sab khatam ho gaya....
Lekin mein itni asaani se Anshika se dur kahan hone wala tha...
meine Anshika ko Instagram pe dunda aur mujhe uska profile mil gaya. Luckily profile public tha....
Waha Maine dekha ki usne apne friends ke sath kaafi pictures upload ki thi... aur caption daala tha BFF (Best Friends Forever) obviously Jinme ladke bhi the.
Aur mujhse laga mein special hu....kitna bada ch*tiya tha me.
Mujhe ab thodi si jealously wali feeling bhi aane lagi.... Par kar bhi kya sakta tha aakhir woh uske dost the...Par saalo ki shakal se haramipan tapak raha tha...
Meine Anshika ko follow kiya....aur sofe pe jaake unconsciously baith gaya...Kuch samaj nahi aa raha tha ki kya karu..
Bas phir kya tha kuch der baad yeh decide ki ki aur khud se kaha ..BAHUT HO GAYA....BAHUT HO GAYA YEH LALLU JAISI CH*TIYA LIFE JEENA....
AB WAQT HAI THODA SAVAGE BANNE KA AUR APNI PASAND KO HAASIL KARNE KA....
Woh Shah Rukh Khan ne kaha hai na ki....Koshish kiye bina hi haar maan lo toh aisi mohabbat ....
Ab mein taiyaar tha kitaabi Keede ki life se nikal kar ek shaana banne ko..Aakhir RAJPUT tha...KHOON MEIN GARMI TOH THI HI...BAS AB KUCH KADE KADAM LENE KI DER THI....///n
To Be Continued in The CRUSH- Part 2
THE END
WRITTEN BY
ABHISHEK SINGH RAJPUT
