...// Ab haal kuch aisa tha ki Anshika ke sath ghum bhi liya tha aur uska personal mobile number bhi mil gaya tha. Khushi aisi maano abi abi ek badi lottery lagi ho.
Meine Anshika ko WhatsApp pe pictures beji par woh uss waqt offline thi. Uss waqt yehi koi raat ke 9:30 baj rahe the. Meine pictures send ki aur uski DP ko dekhne laga. Kya lag rahi thi DP mein. Jitni Pyaari woh DP me lag rahi thi usse kayi guna jayada Pyaari woh hakikat mein thi. Mujhe abi tak vishwaas nahi ho paa raha tha ki itni haseen ladki ke sath aaj mein ghum ke aaya hu.
Mein Anshika ke sath beete har uss pal ko yaad kar raha tha jo humne park mein guzare the. Sach mein anmol lambe the woh.
Zindagi mein itna khaas itna special pehli baar feel Hua aur iski ek hi wajah thi Anshika.
Main ab YouTube pe Telugu movie (Hindi Dubbed) dekhne laga. Ek love story wali picture thi jisme Samantha aur Ram Charan lead mein the. Jab bhi film mein koi pyaar bhara scene aata na jaane kyun mein sharam se laal ho jaata. Yeh jaadu tha Anshika ka.
Mein bas apni aur Anshika ki love story imagine karke khush hone laga ki tabhi mujhe WhatsApp notification aaya. Aur message beja tha Anshika ne.
Usne likha tha "Thank you. Ab yeh pictures mein upload karungi"
Toh Maine usse pucha "Tum facebook use karti ho?"
Toh usne reply kiya "Arey nahi yar!"
Maine Kaha "Nahi ! Toh phir kaha upload karogi?"
Toh usne kaha "Pagal ! Instagram naam suna hai"
Yeh lo. Ab mein dimaag se paidal usko fb pe dund raha tha. Pata ni yeh insta se itna kya lagaav hai logo ko.
Toh Maine likha "Tum use karti ho Instagram?"
Usne jawab diya "Karti hu tabhi toh upload karungi na pagal...Tum ni use karte kya"
Ab bhai aisa hai yeh Instagram mere palle padta nahi account toh tha jisme 10 following 2 loyal followers aur 18 posts thi.
Meine kaha "han obviously...mein use karta hu"
Toh usne kaha "acha! very good...Waise tumne kaha tha ki tumne aaj tak kisi ladki ko propose nahi kiya .. kyun?"
Meine sharmili emoji ke sath kaha "Bas tum jaisi koi mili nahi" aur yeh woh ghatiya jawab tha jiski koi sense nahi thi. Par uss waqt lag rahi thi. Toh kar diya
Ispar uska reply aaya Hansne wali emoji ke sath "Haha! very funny chalo ab sach batao"
Yehi toh dikkat hai arrey meri maa ladkiyon se baat karne mein phat-ti hai meri kaisi samjaau agar itna hi daring hota ladkiyon ko propose karne ka toh mujhe mere hath pe itne zulm na karne padte.
Meine reply diya "Woh kabhie koi ladki pasand hi nahi aayi" Yeh baat sach thi ki muje kabhi koi ladki pasand nahi aayi aur yeh baat bhi utni hi sach thi ki aaj tak kisi ladki ko mein bhi pasand nahi aaya.
Toh usne kaha "acha chalo tell me ...kaisi ladki pasand hai tumhe?"
Maine kaha "kaisi ladki...ummm...jo meri care kare...mujhe pyaar kare...jiska din mujhse shuru ho aur mujhpe khatam"
Toh usne kaha "arrey wah! kya line kahi hai tum husband material ho yar ...matlab gf nahi tumhe wife chahiye phir"
Ab mujhe samaj nahi aaya ki yeh meri bezzati thi yan uski taraf se compliment.
Meine kaha "hmm...mein toh aage ka plan rakhta hu...kisi ko propose karunga toh gf banane ke liye nahi sidha shaadi ke liye"
Toh usne kaha "sidha shaadi....tum na pagal ho ekdum"
Ab iska kya matlab tha mujhe nahi pata. Koi shaq nahi hai ki muj jaisi saare Umar single hi kyun Marte hain...Ladkiyon se baat karne ka style kabhie aaya hi nahi thanks toh boys school.
Aur kuch dimaag mein aa nahi raha tha toh meine puch liya "Tumne nahi kiya kya kabhie"
Usne kaha "Kya???"
Meine kaha "Propose! kabhie kisi ko propose nahi kiya?" Lanat hai mujpe...Koi aisa bolta hai kya kisi ladki ko ....
Toh usne kaha "Yar tum na sach me pagal ho. Ladkiyan kabse se propose Karne lagi. Aur rahi baat meri mein kisi ka proposal accept na karu. Phir saamne se propose karna toh bahut dur ki baat hai"
Uske iss reply se maano pairo tale zameen khisakk gayi meri. Yaani yeh proposal accept karti nahi...Toh meine agar isse propose kar bhi diya toh mera tuta phuta proposal dekhke accept toh dur ki baat kahi sandal se na marne lag jaye...
Usko apni life mein laane ke chances less than 1% the.
Usne kaha "Acha bahut raat ho gayi hai ab mujhe sona hai ..bye good nite" aur usne ek kiss wali emoji beji...
Aur yeh khushi ki lehar....Pehli baar kisi ladki ne kissii di thi. Physical pappi na sahi Digital hi sahi par mili toh.
Ab confidence aane laga tha ki agar Digital kissiyan de rahi hai toh chances hain ki proposal bhi accept kar le.
Bas woh ho gayi offline aur yaha mera dimaag offline ho gaya. Phono ke seene se lagaye mein bas ussi ke baare mein soch raha tha.
Phir 12 bajne wale the aur kal Sunday tha. Toh Maine phono uthaya...Google chrome open kiya...Ek alag incognito mode pe tab open ki aur.....aage toh aapko maalum hi hai ki kya Hua hoga...
Phir mein so aur chote nawaab dono so gaye....
#Han bhai mein bhi sabki taraf swayam-seva karta hu...Aur koi option hai kya...#
To Be Continued
WRITTEN BY
ABHISHEK SINGH RAJPUT
