قالتلي انا ليا تعامل مع العالم ما وراء الطبيعه عامله معاهدات مع الجن و عندي خدام ليا و ممكن احقق ليك اي حاجه بس بشرط اننا نتجوز قاعد مش عارف اتكلم قولتلها بس انا متجوز و عندي اطفال مينفعش نتجوز ملامح و شها اتغير قالتلي هوا انا قولتلك ابعد عنهم احنا هنتجوز و مافيش حد هيعرف ولا انا مش عجباك قولتلها مينفعش الكلام اللي بتقوليه دا انا مش هاخون مراتي و اسيب اطفالي قامت و مشيت بس قالتلي انا مش هخليك تفرح بيهم عدا يوم و التاني واسبوع و مافيش حاجه حصلت كنت خايف منها بس قولت خلاص مافيش حاجه حصلت في يوم قررت اني انا و مراتي و اطفالي نسافر نغير جو ركبنا العربيه كنا مسافرين بليل ماشي في طريق صحراء كنت ماشي علي سرعه 180 ظهر قدامي وحده واقفه في نص الطريق ضغط علي الفرامل جامد و حاولت اتفاداها العربيه اتقلبت بينا مره و التانيه فقدت الوعي معرفش ايه اللي حصل حاسس جسمي متكسر مش عارف اتحرك فتحت عيني لقيت نفسي نايم علي رمل بس كان لونه اسود و بيطلع حراره قدرت اقوم بس مش عارف انا فين فضلت امشي بس مش شايف حاجه بس في حاجه غريبه لون القمر احمر هو انا كدا ميت و دي هتبقي حياتي بعد الموت اسئله كتير و مش لاقي اجابه لحد م لقيت نور بدا يظهر بدات امشي بسرعه لحد ما وصلت ل بيت كان كبير بدات انادي و اخبط لحد ما الباب اتفتح لوحده دخلت كان النور ضعيف مكنش فيه حد كان كبير من جوا فضلت امشي لحد ما لقيت صوت جاي من غرفه فضلت ماشي اتجاه الصوت لحد ما وصلت عند باب الغرفه فتحتها لقيت مريم قاعده فيها اول ما شافتني فضلت تضحك قولتلها انا فين و ايه دا انا ميت ولا عايش قالتلي انت عايش و انت عندي في العالم بتاعي , ازاي انتي عاوزه مني ايه و عملتي ايه في اهلي روحت نحيتها ومسكتها من رقبتها و بخنق فيها كانت بتضحك و بتقولي انت فاكر كدا انك بتموتني يبقي انت غبي بدا ملامح و شها يتغير رجعت لورا و ملامح و شها كانت مرعبه بتقولي انا لحد دلوقتي مكنتش عاوزه ائزيك بس انت اللي خلتني اعمل كدا بدات تتكلم وتقول كلام ب العربي انا مش فاهم حاجه بس بدا يظهر من جوانب الغرفه كائنات صغيره كتيير واصوات ناس بتصرخ حراره الغرفه اللي كنت فيها بدات تعلي في لحظه الكائنات الصغيره دي هجمت عليا حاولت اتحرك مش عارف بدأو يغرزو صوابعهم في جسمي مش قادر اتكلم و حاسس اني هفقد الوعي وقعت علي الارض و مش فاكر حصل ايه غير لما فقت لقيت نفسي في المستشفي و مكنش في حد معايا في الغرفه اللي كنت فيها حاسس ب تنميل في جسمي عاوز اتكلم مش قادر لحد ما دخلت ممرضه و لما شافتني خرجت نادت ع الدكتور جه الدكتور و فضل ينور الكشاف في عيني و يحرك في ايدي وقولتوا انا مش حاسس ب جسمي قالي فترة و هتعدي و هتقوم ب السلامه سألتوا علي زوجتي و اطفالي قالي لما تقوم ب السلامه هتقدر تقابلهم طب هما كويسين قالي كويسين و خرج.
أنت تقرأ
لعنه العمر
Horrorالفضول نهايته غير متوقعه فضولك انك تعرف القصه دي بتتكلم علي ايه او فضولك علي حاجه شوفتها و عاوز تعرف اي دي او فضولك في معرفه حاجه مينفعش انت تعرفها كل دا نهايته غير متوقعه بمعني اصح طول ما انت ماشي ورا فضولك هتبقي نهايتك مأساويه.
