"Oh Sehun ရှင် အခုချက်ချင်း ကျွန်မဆီမလာရင်
ရှင်နဲ့ကျွန်မ ဒီနေ့ပဲပြတ်ပြီနော်"
"အင်း… ပြတ်တာပေါ့"
"ရှင်!!!မဟုတ်ဘူးလေ Sehun … Sehun ssi"
တဖက်ဖုန်းမှ အမျိုးသမီးငယ်၏စကားပင်မဆုံးသေး၊
Oh Sehunအမည်ရသူသည် ဖုန်းကိုပိတ်ချ
လိုက်ပြီးနောက် အလုပ်စားပွဲပေါ်ပစ်တင်လိုက်သည်။
laptopမျက်နှာပြင်ကိုအာရုံစိုက်ကြည့်ထားပြီး
အလုပ်လုပ်နေခိုက် တမုဟုတ်ချင်းမြည်လာသော
ဖုန်းသံကြောင့်Sehunဖုန်းကိုလှမ်းယူလိုက်ပြန်
သည်။
ဂဏန်းနံပါတ်များသာတန်းစီပေါ်နေသည့်ဖုန်းတလုံးမှ
ခေါ်ဆိုနေသည်ကိုတွေ့လိုက်ရသည်။
လောလောလတ်လတ်ပင် သူနှင့်ပြတ်စဲခဲ့သော
ရည်းစားဟောင်းခေါ်နိုင်သည့်အမျိုးသမီးငယ်ပင်ဖြစ်
လိမ့်မည်။
Sehun ခပ်မြန်မြန်ပင် ထိုနံပါတ်ကို black list
ထဲထည့်လိုက်ပြီး ဖုန်းအားနေရာတကျပြန်ထားလိုက်
သည်။
မျက်နှာချင်းဆိုင်တွင်ထိုင်နေပြီး အလုပ်အတူလုပ်နေ
ကြသည့်Baekhyun နှင့် Chanyeolမှာကား
ထိုအပြုအမူအတွက်အထူးအဆန်းတော့မဖြစ်မိ။
တယောက်မျက်နှာတယောက်ကြည့်ပြီး
သက်ပြင်းပြိုင်တူတော့ချမိကြပါသည်။
"Sehun ! သူကဘာဖြစ်လို့လဲ??"
"ကျွန်တော့်ကို ဟိုသွားခိုင်း ဒီလာခိုင်း နဲ့။
စိတ်ရှုပ်ဖို့ကောင်းလွန်းတယ်"
"မင်းရည်းစားလေကွာ ။ သူလည်းမင်းနဲ့တော့
တွေ့ချင်ဦးမှာပေါ့"
Chanyeolမှစိတ်ပျက်လက်ပျက်အသံဖြင့်ဆိုသည့်အခါ Baekhyunသည် မျက်နှာရိပ်မျက်နှာကဲဖြင့်ဝေ့ကြည့်လိုက်ပြီးဆက်မပြောစေရန်တားလိုက်သည်။
Baekhyunတားသည့်အခါ Chanyeolမှငြိမ်ကျသွားပါသည်။
မတားလို့လည်းမရပါ။ Sehun ရည်းစားတွေထားတာ Baekhyunစနက်လည်းမကင်း။
Oh Sehunကရည်းစားများသည်။ များရခြင်းကလည်း Baekhyunကြောင့်ဖြစ်လေသည်။
Baekhyunက Sehunအစ်ကိုတဝမ်းကွဲဖြစ်သူ
Park Chanyeol၏သူငယ်ချင်း ချစ်သူ။
