- ဖြောင်း ဖြောင်း ဖြောင်း -
ကျယ်ကျယ်လောင်လောင်ကြီးထွက်လာသည့်
လက်ခုပ်သံ ကြောင့် ကျောင်းကန်တင်းတစ်ခုလုံးအငြိမ်း
ဖြစ်သွားတယ်။
တခုတည်းကျန်တဲ့ နို့ဘူးကို စပ်ဖြီးဖြီးလုနေကြတဲ့
အထက်တန်းကျောင်းသားကြီး လုဟန် နဲ့ အထက်
တန်းဒုတိယနှစ်ကျောင်းသား ရှောင်းကျန့် တို့ကလည်း
လက်ခုပ်သံပိုင်ရှင်ဆီအကြည့်ရောက်ရပါတယ်။
"ဟေ့ကောင် မင်းဟာလေး "
လုဟန် က ရှောင်းကျန့်ရဲ့ပါးဖောင်းဖောင်းတွေကို
လက်ညိုးနဲ့ထိုးလိုက်ပြီး လက်ခုပ်ထတီးတဲ့ကောင်လေးဆီမေးဆတ်ပြတယ်။ ရှောင်းကျန့်ဆိုတာ မျက်နှာကို
သံပုရာသီးညှစ်ထည့်လိုက်တဲ့အတိုင်းပဲ။
"ကဲ အားလုံးပဲ "
လက်ခုပ်တီးပြီးတာနဲ့ ခပ်တည်တည်ပဲ သူ့ပုတုတုအရပ်
လေးမြင်သာအောင် စားပွဲပေါ်ထရပ်တဲ့ မူလတန်း
နောက်ဆုံးနှစ်ကျောင်းသားကလေးကို အားလုံးကဝိုင်း
ကြည့်ကြရတယ်။
သတ္တဝါလေးက အကောင်သေးပေမဲ့ ပါဝါမသေးတာ
မို့။
စားပွဲပေါ်မတ်တပ်ရပ်နေတဲ့ကောင်လေး အချက်ပြလိုက်
တော့ ကျန်တဲ့ကျောင်းသားပုစိတွေက ကန်တင်းရှိလူ
ကုန်ကို စာရွက်တွေလိုက်ဝေတယ်။
စာရွက်ကိုငုံ့ကြည့်ပြီးတဲ့လူတော်တော်များများက
ဒိုင်းကနဲ ဒိုင်းကနဲ ရှောင်းကျန့်ကိုကြည့်ကြည့်လာတာ
ကြောင့် ရှောင်းကျန့်မှာ ထမင်းဗန်းလေးတောင်နိုင်အောင်မကိုင်နိုင်တော့ဘူး။
အချိန်ကိုက်ပဲ လုဟန်ဆီကို စာရွက်ကရောက်လာတယ်။
အတောမသတ်အောင်ထရယ်တော့ ရှောင်းကျန့်က
မျက်စောင်းခဲတယ်။ စာရွက်မှာ ပါတဲ့ဟာတွေက
- ရှောင်းကျန့်
- အထက်တန်း ဒုတိယနှစ် တန်းခွဲ A
- ဘက်စုံလူရည်ချွန်
- စာအသင်အပြအလွန်ကောင်းပြီးစိတ်ရှည်တတ်သူ
- တလောကလုံးတွင် အကောင်းဆုံး Guide
(သူ့မှ Guideမငှားရင် မင်းတို့ဘယ်သူ့ကိုငှားမလဲ
စောင်ပိန်းတွေ :3 )
အဲ့စာတွေနဲ့အတူ မျက်မှန်ကော်ကိုင်းလေးနဲ့
ရှောင်းကျန့်ပုံလေးပင် အဆစ်ပါလိုက်ပါသေးတယ်။
