#في ثورة حبك

البارت الاول

البارت الاول
رواية...في ثورة حبك
بقلمي...نور سمو العراق..

💔💔💔💔💔💔💔💔💔💔

اعلن ثورة حبك...
في كل اركان الزمان...بفرحة الامل والألحان
وبحبي لك سأزلزل كيان الاحزان
وسأعلن حالة عصيان...
بحبي لك سنيعم العاشقان من الآن
فعشقي لك ستكون حكايه لكل زمان..
وفي ثورة حبك انا الأمان....

.............................

الساعه بالتسعه الصبح بتوقيت بغداد...

كعدت واني اتمغط بتعب مسحت وجهي بملل واني اسمع اخويه يصيح شكد غثه ومكروه...

لميت شعري بتعب..هااا علي كاعده كاعده

صاح بعصبية...ومرض حتئ مرض تعاي امسحي حذائي اريد اطلع خايسات نايمات للضهاري...

عمتي صاحت...شبيك علي شنو خايسات طيبه وملاك بالمدرسه واني تعبانه كل لاختك دكووم تكضيلها شغله

طلعت من الغرفه واني اسمع كلامهم كتلهم...صباح الخير

باوعلي وهو يعارك ذبان خشمه...لا صبح عليج الصبح كومي حضري ملابسي وحذائي اريد اروح للجامعه

كتله..الجامعه واحد يروح الها بسبعه اشو بس انت بتسعه

شمر الحذاء بعصبية وهو يغلط...بت الكلب ولي من وجهي لا ابتلي بيج...

رحت للمطبخ بسرعه واني الدمعه تلالي بطرف عيني انقهرت حييل يكول بنت الكلب هاي اني وهو شالتنه نفس البطن...

بس هو العتب مو عليه لا والله علئ امي وابويه الي عافوني هيج انتم ممتفاهمين شكو تزوجتو وخلفتو...

حضرت اغراضه وشغلاته وتريك وراح...

واني ضليت انضف عمتي راحت البيت عمي قريب علينه..

فتحت البوفيه مالتي طلعت ملابس داريد اسبح وكعت صوره من بين ملابسي رفعتها...

باوعت الها والصوره قديمه ب 1998...

كاعدين اني واختي ولابسين بدلات تقريبا عمرنه ست اشهر

ضليت اتمعن بالصوره صح احنه تؤم بس نتشابه بالمعاني شويه...

والاختلاف بالون البشره هي بييييضه واني سمررررره ...

ضميت الصوره بين الملابس رغم عندي رغبه كبيره بأن امزقها وامحي ذكرها...

غمضت عيوني باسئ واني اتذكر كلام عمتي من جنت أسألها ...امي،ليش اخذت بس مينه وخلتني

جانت تجاوب وهي ترسم ابتسامه خبيثه علئ شفايفها...لان انتي مو حلوه ومينه حلوه فشمرتج عليه وتطلكت....

جان جوابها حيييل قاسي وجنت اختل جوه بطانيتي وابجي علئ مخدتي مستودع احزاني...

صح طفله جنت بس الكلمه تأثر بيه حيييييل...