#في ثورة حبك

البارت الثالث

البارت الثالث
رواية..في ثورة حبك
بقلمي...نور سمو العراق

💔💔💔💔💔💔💔💔💔💔💔💔

عَلى كتفيكِ الهزيلتين
تحملين ثُقل العَالم
وتبتَسمين ..

دينا 💔
..............................

وكعت البنيه علئ علي وعلي تكوم كدامها...

رغم الموقف عجيب وغريب بس بيه ضحكة شماته علئ علي اله اوصلها الصوفي...

خلي افتهم الموضوع وبعدين اضحك

عمتي عرفته وكفت مثل الحيه كالت بعصبية...شبييييك فلشت الباب علينه

هو رد عليها بعصبية...لا تخليني ابتلي بيج هاااي بنت اخووج وكفونه شركم لا تشوفونه وجوهكم...

عمتي صاحت...دروووح روووح ميتين عليكم احنه

سدت الباب والرجال راح...

وعلي وخر من البنيه بس هو شنو عووود مات بدمه

كعدت البنيه تصرررخ وتبجي وصوتها يجيب التايهه

علي كلها...يمممه هاي منو

هي باوعت عليها كاعده بالكاع وضامه وجهها بديها وتبجي عفست ملامحها بملل...يعني منو اخت هاي التوم مالتها

اني فتحت عيوني مصدومه ومرعوووبه حسيت ضربتني بوكس مو كالت اخت التوم...

علي باوع لعمتي بصدمه كلها...اختي :؟

تقربت منه بخبث كالت...اختك طيبه وملاك اما ذن مو اخواتك ذن تربية امهن ...

هو سكت ورجع باوعلي كال...وشجابها هاي شوفي شبيها ؟

اني خفت اتقرب منها احساس بداخلي موتني رغم هي عند امي من سنين وجان لازم اغار منها وتبدي عندي رحلة انتقام او يمكن اريدها تعيش عيشتي...

بس بداخلي ضجت حيييل حسيتها بخطر ولازم تروح منا ما اريدها تعيش نفس...

اي مثيلتي بكووولشي اريدها بخير...

تقربت منها عمتي كلتلها باستهزاء...شعجب شمرتج امج ليكون تزوجت واحنه ما ندري حتئ اذا متزوجه نجيب هديه ونقوم بالواجب

بهل اللحظه هجمت البنيه التوم مالتي صارت مثل البزونه المفترسه ضلت تضرب بعمتي وهي تغلط عليها...انجبي لا تجيبين اسم امي علئ السانج انتي ساس البله

هي تخبلت ضربتها راشدي وكعتها بالكاع كلتلها...بنت القندره امج مدرستج وجايه والله والله اله اخليج تتمنين الموت وما تلكينه يا زمال...والله اله اذلج

وكفت مينه بكل جبروت بس جان مخربها دموعها ورجفتها ممسيطره علئ نفسها كالت...ما عااااااااش الي يذلني اني،بنت امي واريد واحد يحجي وياي