البارت 34
رواية...في ثورة حبك
بقلمي..نور سمو العراق
💔💔💔💔💔💔💔💔💔💔
انه ..!
شضال بيه وچملتني فراگ .
.............................
ام علي...
جنت كاعده اخبز سويت الغده وكملت طبخت تمن ومركة فاصوليا بس،علي ميحب الفاصوليه عندي سمجه طلعتها وملحتها اشويهه اله بالتنور
كملت خبز وخليت السمجه ...
استغربت مينا تاخرت مينا دائما تجي قبل علي هاي اذا ما ضرب المحاظره الاخيييره...
خابرت عليها ما فتحت خط ...
خفت خابرت علئ،محمد هماتين مفتح خط
دب الرعب باطرافي والقلق زاد عندي...يممه اسم الله بس لا خطفووها...
اتاخرت حييل ...خابرت الخط مالتها اجاني صوت الرجال ابو الخط كال...هااا ام مينا شلونها مينا
بلعت ريكي بخوف...شنوو شلونها غير وياك اني خابرت لان هي اتأخرت ولسه ما اجت
الرجال سكت شويه وبعدها كال...والله يا ام مينا ما اعرف شنو اكولج بس حسب ما سمعت من صديقاتها هي متعرضه الحادث ومدعووومه
هو كال هيج واني حسيت كلبي وكع بين رجليه صرخت برعب واني الطم علئ خدي ...يمممه مينا يمممه ميينا صخام الصخمني عزا العزاني ...
ركضت لبست عباتي وطلعت اركض بالشارع والدموع ترست وجهي ترس
شفت علي اجه من الشارع من شافني اجه يركض عليه والملازم وكعت من ايده كال بخووف بعد ما لزمني...شكووو يمممه شصاير
لطمت وجهي برعب....مينا اختك ميينا ضاربتها سياره وهي دتعبر الشارع بالجامعه
هو باوعلي بخوووف كال...زيين بيا مستشفئ
رديت ببكاء ونحيب...والله ما ادري والله ما ادري
هو بسرعه طلع موبايله وملهووف وخايف اتصل بمحمد اكثر من مره محمد فتح عليه خط
علي كال...هاااا محمد تعرف عن مينا شئ يكولون مدعومه وناقليها للمستشفئ
كمل علي كلامه...اهااا يالله يالله جايين شلونها
بعدها كال..هااا خوووش
لزمته بخووف...هااا يمممه علي وين اختك صدك كلام ابو الخط
رد بهدوء...اي هي ناقليها المستشفئ قريب من الجامعه وبعدها محوليها للجمله العصبيه لان الضربه براسها...
لطمت علئ وجهيي وصرخت برعب ...يمممه يمممه بنتي ماتت يمه صخام الصخمني تعزيتي يلطيفه يمه مينا سووده بوجهي
أنت تقرأ
#في ثورة حبك
ChickLitتؤامان مختلفان من كوولشي تفرقهما الدنيا منذ الصغر وتجمعها عند الكبر كل الواحده منهن حياة خاصه كيف يلتقيان وكيف يخوضان الحياة وهما يفقدان صمام الأمان..«الوالده »
