اعتذر عن التأخير بس تفاعل قليل جدا وجنت مقررة اترك القصة بس اكو ناس ما حبيت اضوجهم واخذلهم
2020/3/31
انطت المفاتيح بيد عادل
وصعدو بالسيارة
عادل: وين نروح؟؟
هديل: بكيفك
عادل: سيف عندك مكان معين تحب تزورة
سيف: اطلع لفد مكان بي سوك نفتر بي شوية
هديل: اي لان اريد اشتري غراض
عادل: اوك لعد خلينا نروح للكرادة حتى نشوف صوفي بطريقنا
هديل: اوك
طلعو بطريقهم وحط عادل السيارة بالكراج وطلعو يتمشون
عادل: وين نروح
هديل: المول.. خلينا نشتري الغراض واني ارجع وانتو رجعو وحدكم
عادل: اوك
دخلو للمول وراحو لمحل الالبسة الرجالية
عادل: شنو تشتري؟!
سيف: رح اخذ جينز ودشداشة
عادل:
بدو يكلبون بالملابس ويكدرون وهديل تباوع على عادل وتضحك علية وعلى الملابس الي يختارها
اخر شي اختارتلة جينز بني وتشيرت جوزي
واشترت دشداش نيلية
هديل: شنو رئيكم؟؟
حلوة؟!
عادل: المن هاي؟
هديل: لجدو
عادل: اهاا.. كلش حلوة اخذيها
سيف: ذوقج حلو رح اخذ مثلها لان عجبتني
اخذتها ولفها العامل بعلبة وطلعو
عادل: رح نروح نكعد بهذا الكوفي لحد ما تخلصين مسواكج
هديل: اوك لعد اخذ هاي الجياس وروح
مشت وعين سيف ما نزلت من عليها
وكفت كدام محل للالبسة النسائية ظلت واكفة تباوع على فستان ماروني طويل واكمامة طويلة
دخلت للمحل وهو ظل منتظرها تطلع
عادل: يلة اطلب اكل خلي اروح اجيبة
سيف: اشرب كهوة وبس ما احب اكل هيج وكت
عادل: لعد خليني اروح اجيب عشة وناخذة للبيت واجيب كهوة بطريقي.. انتظرني هنا
سيف: اوك
راح عادل وسيف ظل يباوع على المحل لحد ما طلعت هديل منه وهي ضايجة
وكملت طريقها
راحت لمحل ثاني اشترت فستان عروس وردي قصير لهدى ويا اكسسواراتة واخذت وراها اكسسوارات لباقي البنات واشترت لنفسها فستان زيتوني مال محجبات كلش طويل ومستور واخذت وراها شال وحذاء
لمحت محل مال دشاديش
اخذت منه عكال وشماغ مناسبات وية الدشداشة مال شيخ زهير
أنت تقرأ
لا يناسبني
Romanceلم يكن يشبهني مطلقا انا امرأه عاملة واحب عملي وهو شرطي وفلاح تعجبت.. كيف لعالمينا ان يلتقا بهذه البساطة لا يمكنني ان اتقبله وايضا لا يمكنني ان اتخلى عنه اول قصة لي باللهجة العراقية اتمنى ان تنال اعجابكم ومختلفة جدا عن القصص الي قريتوها لاهل الجنوب *...
