لا يناسبني

حب

2020/7/13
الحب ما يولد التفاهم
وانما التفاهم يولد الحب...

نزلت من سيارتها وجان تنصدم منه وهو وكاف كدامها
ظلت واكفة وهو اقترب منها

عصام: صباح الخير

هديل: صباح الخيرات.. شو هنا؟

عصام: اشتاقيتلج...

هديل: ديلة تعال ندخل جوة الجو بارد

دخلت وهو مشى وراها
واول ما دخلو للشركة لزم اديها وابتسم وهية بقت تباوع علية مستغربة

عصام: ترة اول البارحة جانت  خطوبتنا
لازم هيج نسوي اقلها كدام العالم

هديل : ترة ما منعتك بس استغربت شوية

فرح من كلامها ودخلو للشركة سوة وهمة مبتسمين
هديل ما جانت ضايجة ولا جانت كلش فرحانة
بس شعور عادي وهية تباوع علية من ورة وشون مهتم بيها

الكل باركلهم ووجانو فرحانين بوجودهم سوة

هديل: اليوم طلبو اي شي من المطعم واكلو والحساب علية

حسام: اي والله شتاقينا للعزايم مالتج..

هديل: تدللون...

كملت شغلها وطبعا عصام كاعد يشتغل وياها ويباوع عليها من جوة لجوة
لحد ما ضاجت وحجت بشقة

هديل: ترة دا اتوتر منك ومن نظراتك، شبيك؟؟

عصام: يعني حرام اباوع

هديل: لا مو حرام بس..
بس مو هيج كلها هسة تكوم تحجي عيلنا

عصام: ترة ممسوين شي غلط.. اريد اشبع منج ترة ورانا سنة مرح نتلاكة

هديل: مااشي.. بقالك 3 ايام وترجع.. شون رح تتحمل

عصام: ما ادري.. الله يصبرني

ابتسمت وردت

هديل:  تجي نطلع اليوم ورة الدوام؟

عصام: ماشي ..

خلص الدوام وكلها طلعت من الشركة بقو بس همة
دخل حسام عليهم

حسام: هدولة.. اني راجع للبيت كلها راحت .. تردين شي؟

هديل: لا سلامتك.. سلم على زهراء

حسام: يوصل، باي..

هديل: باي..

عافهم وطلع..

عصام: هديل بيقنا وحدنا.. امشي خل نطلع ملل هنا

هديل: اوك... وين نروح!

عصام :تجين نروح نتمشى.. الجو بارد وحلو

هديل: يلة

طلعو وظلو يمشون وهمة ساكتين

هديل:  شو ملل؟

عصام: شفتج مستمتعة كلت خل اظل ساكت

هديل: اصلا مليت.. سولف