لا يناسبني

زواج

2020/4/25

دخل سيف للديوان بسرعة جان خايف عبالة جدة بي شي
بس جان زهير يضحك وفرحان وسرمد واكف وعيونة بالكاع
زهرة فرحانة وتهلهل
والوجوه كلها تضحك

زهير: يلة يا اميرنا.. اخطب بت عمتك...

صفن على جدة لثواني وهو مستغرب ديحاول يستوعب الي ديسمعه بس فشل بهلشي
سئلة بتردد وعيونة كلها خوف

سيف: شخطب جدي؟

زهير: يوليدي اخطبلنا بت عمتك زينب
لسرمد خلي نزوجة قبل لا يرجع لبغداد

حرك حواجبة واشر لسيف
وسيف افتهم قصدة وضحك ونزل ني بارد علة كلبة

سيف: ماشي يجدي

كعد بصف شيخ زهير ورجل زهرة جان كدامة وضحكتة على طول حلكة

  زهير : تفضل..

سيف: عمي.. انت بمثابة ابوية والله شاهد
واحنا طالبين منك بنتك زينب على سنة الله ورسولة لابنا سرمد وترة هو يحبها من زمان بس جان منتظر يصير عندة مصدر رزق
واتأكد ما رح تغلط اذا وافقت لان سرمد خوش ولد وترباتك وانت اعلم بعد

"اي يوليدي اني موافق
بس الحجي يم زينب
اذا وافقت اني ما اريد منكم لا مهر ولا عرس
اخذوها بهدومها  وهسة اذا تردون"

هلهو البنات وسئلو زينب بنفس الوقت وطلعت موافقة لان سرمد جان يحبها من زمان وكايللها بهلشي
وقررو يكون العقد مال السيد الجمعة يعني بعد اربع ايام والعرس وراه بأسبوعين

بنفس اليوم اجوي شيوخ وناس هواية علمود رجعة سيف وجان لازم يكون موجود وياهم
تغدو سوة وتسامرو وسيف بالة يم العلبة الي بالغرفة

العصر راحو الرجال والشيوخ وبعد ما هلك من التفكير والجايات الي شربها
واثناء صعدتة للدرج صاح علية جعفر
الافت علية وهو زفر نفس ضايج

جعفر: خووية..
صدقانك برة يردون يشوفوك

سيف: ماشي جاي

باوع للدرج وراها نزل

سيف: الظاهر اليوم ما تريد تنفتح

طلعلهم جانو كاعدين بالبستان  خمس اشخاص

سيف: يا هلا يا هلا.. اليوم منورين

رد واحدة منهم

"انت الي منور الديرة
وينك يمعود بالنا يمك ليش هيج تختفي "

سيف: اسف والله بس اجاني شغل وجان لازم ابقى اسبوع زيادة تدري شخصية مطلوبة اني

رد علية الثاني وهمة يضحكون

"بس ما يصير هيج.. اقلها خابرنا طمنا بالنا يمك ونخابر امر السرية مالتك ومينطينا نجدة "

سيف: اصلا ماكو اشارة هناك انت تدري بعد..
تفضلو جوة ليش هنا كاعدين
امشو نشرب جاي.. كهوة..
مشتاقلكم يول ومشتاق لكعداتنة
ذيج الجية ما شفتكم