لا يناسبني

حياة

2020/6/15

عشت بين الاه والونة ولازم كلبي لا يوكف باي لحظة وتنمحي دكاتها
وجريت حسرات اكثر من دقايق حياتي الي عشتها

ليش تتلاكة طرقنا واحنا مو مناسبين لبعض
ليش هالتعقيد بهذا العالم الي مو دائم لا النا ولا لغيرنا
مجرد نريد نعيش بسلام ولو نص العمر
بس هاي الحياة  تتعمد تظلمنا وتأذينا رغم انو احنا ما مسوين شيء

حسيت نفسي كاعد على كرسي كهربائي وانتلت من راحت وعافتني
حسبت خطواتها من طلعت من الصحن جنها خطوات اهل الميت من يعوفو ويرحون بعد ما يدفنو
وانداريت على الحسين

ظل يباوع على عليها وهية تروح وتتلاشى مثل الحلم
حس انو راحت للابد هالمرة وماكو رجعة
لان اذا جانت تحبة و رافضتة كونة اقل منها... .
هسة رح ترفضة لان مستحيل تكون زوجة ثانية حتى لو عاف خطيبتة
وبعد ما طلعت من صحن الحسين اندار على الضريح الي جان بظهرة مباشرة
دخل وكعد بالكاع وراسة منتجي على الحايط ويجر نفس تعبان مثل شايب
لا بيدة يلحكها ولا كلبة يطاوعة ويبقى لحد ما حبس نفسة بالكوة وبقى

سيف: يا حسين... هم حبيت بيوم من الايام وشيعتك ما تدري؟
زين اني حبيتها بالحلال وردتها بالحلال
ليش.. ليش مدا اكدر اعيش بدونها وبدون اسمها وصورتها
ليش مدا اكدر اتخطاها واعوفها واعيش حياتي حالي حال الناس
اخخخخ  ... اني الي جنت اضحك عالوادم من تكول نحب وما نكدر نفارك
طلعت اني ما اكدر اكثر منهم
طلعت اضعف منهم كلهم
اربع سنين.. اربع سنين واني احسد الموتى
تاليتها هيج تصير حالتي

بينما جان كاعد يباوع على ضريح الحسين مر من يمة شخص
التفت لكاه الشيخ الي اخذلة استخارة قبل سنتين
كام وركض ورا بسرعة

سيف: شيخنا.. شيخنا...

التفت الشيخ وظل صافن علية يريد يتذكرة

سيف:  سلام عليكم شلونك؟
شيخنا ما تذكرتني؟

"وعليكم السلامة ورحمة الله.. شايفك بس مدا اكدر اذكر زين "

سيف: جيتك قبل سنتين وسويتلي استخارة... وظلينا نسوالف

"تذكرتك..  انت العاشك  الي جنت تحب وحدة وجيت تسوي استخارة حتى تتقدملها"

سيف: اي..

راحو وكعدة بمكتب الشيخ وقدملة تمر

"اي يوليدي... وشسويت سولفلي "

نزل راسة خجلان منه

سيف: اني اسف... ما سمعت كلامك وما مشيت بالي الله اختارة الي وتاليتها تاذيت اكثر من الاول

" ليش يبني.. مو كتلك لا تتقدملها هسة .. استخارتك وياها مو زينة بذاك الوكت
وكتلك تريث  "

سيف: كلبي ما طاوعني... ما اكدر اتخيل تواجدها وية شخص ثاني ... حسيتها رح تروح من ايدي اذا ارخي حبالي... وصار الي صار

"وتاليتها شصار؟"

سيف: راحت....بدال ما اسوي عكدة واضبها... فتحت الحبال بكل غباء..
عافتني وتخلت عني وعن حبي الها  بسهولة
واني اليوم عقدت على وحدة ثانية

"ابني.. انت تعرف كلش زين انو ما يصير تاخذ وحدة اعلى منك. انت الي رح تتاذة.. وكلامي من تجارب الحياة
اما اذا تريد تروح للشرع فاني سويتلك استخارة مرتين و جانت مو  تريث وانت جنت موجود وشاهد"

سيف: الرسول مو اتزوج خديجة وهية اعلى منه
مو جانت غنية وهو ميسور؟
ليش اني ما يصير اخذ الي احبها حتى لو اعلى مني

" هذا الرسول صلى الله علية واله وسلم
وخديجة انفقت على الاسلام وصارت بنفس المستوى هية والرسول من تزوجو
البنية الي انت ردتها ما تريد تصير بمستواك تريد تبقى اعلى منك والشي الي اني اشوفة غلط انك معارض هالشي باسم العادات والتقاليد
والشرع ما يعترف بالتقاليد
البنية على حسب ما اتذكر من كلامك انها ملتزمة دينيا واخلاقيا
وممتازة بشغلها
وواذا نريد نجي على الرسول وخديجة
فخديجة استمرت بالعمل بعد زواجها من الرسول
ما اثرت علية بالعكس ساعدتة وجانت بضهرة
ليش تريد تمنع شخص من شيء يحبة
انت ذاتك مدا تكدر تمنع نفسك من حبها لان تعذبت بي
شلون تريدها تتخلى عن شي هية تحبة  وتعبت بي وتعذبت حتى توصلة   "

سيف: بس شلون اسمح لنفسي اخليها تشتغل واني موجود

" الله من كال "( وقل اعملوا فسيرى الله عملكم ورسوله والمؤمنون") ما خصص الاية بس للرجال
وانما للعامة
والعامة تشمل النساء والرجال "

سيف: يعني اتقبلها؟

" انت عقدت اليوم على بنية ثانية
اذا الي حبيتها ظلمتك.. فانت لا تظلم نفسك ولا تظلم زوجتك
شوف جوانب زوجتك وحاول تحبها
شوف الزين قبل الشين على حجاية اهلنا
ما اكلك انساها.. لان ما رح تطلع من كلبك ولا من عقلك بسهولة
بس حاول انك تتأقلم بعدم تواجدها
وما دام حبك طاهر فصدك الله ما يعوفك بدون تعويض
يمكن الله حطك يم زوجة تقدرك وتفرحك وتخدمك  اكثر من الي حبيتها
فكر بعقلك ومستقبلك قبل ما تفكر بكلبك ورغباتك "

هديل......

ظلت كاعد بالسيارة تفكر بالي صار وياها وحديثها ويا

هديل : لازم اتوقف
صارلي سنتين اني اكول لازم ولازم
بس هالمرة رح اجبر نفسي على نسيانة

2020/6/15

صح قصير بس احسن من التاخير
❤️