مـنـذ الـصـغـر

البارت السادس عشر

منذ الصغر
للكاتبة زينب العلوان
________________

امنيه، كعدت الصبح عاديه مبيه شي اضحك واحشش هاي انا انسى كلشي او بالاحرى اتناسى حتى ابتسم

اتغدينه وبيبي المحليه البيت وبالمه خوالي وولد خوالي يحلى البيت وينور امي لحد الان منازعه الاسود خابرتني زمزم

زمزم، اككككككلللللج امنننننننيه عرررررس ابن خالي تجين

امنيه، ايي اذا قبلت امي

زمزم، كليلها فدووه اروحلج

امنية، اووك اكللها واردلج خبر فرحت لان كللش احب الاعراس يعني مو شلون مجان ورحت كلت لامي

امي، روحي

امنيه، بس بيمن اروح اريد اكششخ هذا عرس

امي، جنج انه احب الاعراس بس هسه كثرت احزاني مو مال اعراس

امنيه، يمه روحي وياي

امي، كالولي خبله مصدكت ولج مو لابسه اسود شو تمسلتين

امنيه وانا اغم كصتي، ياااا نسيت والله رحت خابرت زمزم وكتلها اروح ونزلت لكيتهم دائما يتجمعون يم محمد وكرار

واتغدينه وصعدت رككض للغرفة لبست ستره مارونيه وبنطرون اسود ضاب ولبست شال بيجي وحذاء كعب بيجي وحطيت مسكارا واحمر خدود

واتوسلت بامي احط حمره واغطي وجهي بالشال وقبلت وحطيت حمره ورديه طوخ تبين الشفه لبست العباه ونزلت

ركاض وبيدي التلفون والحذاء شفتهم بعدهم كاعدين باوعتلهم ووجهت نظري لمهند جا منو ياخذهم للعرس

مهند، اسد راح

امنيه، اها وانتبهت ماموجود ورحت انتظرت بالباب واخابر بزمزم وهي ردت تصيح

زمزم، هااااا ولج شكووو بعدني احط بالحمره

امنيه، امداج انا مخلصه

زمزم، خوووش بس انتظري شويه

امنيه، يعني مااجي مشي

زمزم، اي عفيه تعاي حتى اسد يحش رجليج والله

امنيه، ضحكت وكتلها عابتلج وعابتله وسدت التلفون وره ربع ساعه دگ الهورن ولبست الحذاء وطلعت ركض والعبايه

وراي مشاء الله البنطرون كله طالع صعدت وسلمت وخاله كدام واحنه البنات وره وكعدت اعدل بنفسي ونسيت احط الشال على وجهي

اسد، الشال على الوجهه للكل حتى انتي ايمان

ايمان، خوش

امنيه، همزين ذكرني جاان راحت حجايه امي نسيت روحي حاطه حمره حطيت الشال وصارت عيوني على المرايه

الكدام وشفت بس حلكه ولحيته بس هوه بالمرايه يشوفنه احنه نشوف بس حلكه وصلنه للقاعة جانت اول عرس ادخله بـ قاعة