ضمير شرف 💔 ( روايات ليبية )

حلقة 1🔥 " بداية الحادتة "

رواية #ضمير_شرف 💔
( خيال ممزوج بلواقع )
للكاتبة : #احمد_عبدالله
الرواية بلهجة الليبية
حلقة  1🔥 "بداية الحادتة "

.
.
#المقدمة
قصتنا تدور في قلب العاصمة الليبية طرابلس
.
تعريف البطلة : المحامية : شرف عز الدين
مواليد 1987 يعني عمرها 33 سنة مطلقة من السياسي ( عبد الرزاق دوردا ) بعد زواج دام عام واحد فقط عندها بنت اسمها ( مريم ) علي اسم ام زوجها السابق
تتميز بشعر اسود و ملامح آسيوية و قوام رشيق و طويلة و ذات شخصية حادة
.
قبل ما نبدأ قصتي خلي نحكيلكم علي شرف شوي
شرف محامية كبيرة هلبا في ليبيا يتيمة بوها مات و هيا في عمر 24 و امها قبل 3 ستين ، مطلقة من سياسي ليبي كبير عبد الرزاق دوردا و جابت منه مريم ،
كانت قبل الثورة ماسكة جمعيات مدايرتها عائشة بنت القذافي و منهم ( واعتصموا لتنمية المراة ) و هذا يلي خلاها تتعرف علي عبد الرزاق ،
حاربوها بعد قبل الثورة  و شدوها بس كانت عندها علاقات من ناس اشتغلت قبل الثورة و بعد الثورة و ساعدوها هلبا
.
👇🏻 نبدأ قصتنا
( في قلب محكمة طرابلس )
   ( جلسة رقم 7 )
شرف : أكملت كلامي سيدي القاضي و الحكم الاخير لك و شكرا
القاضي : حكمت المحكمة حضوريآ بلافراج علي المتهم علي الجباري و إيحالة المتهم صالح الفيتوري الي فضيلة المفتي رفعت الجلسة
شرف : ☺️
( تسفيق الناس في القاعة و نسمع في كلمة حسبي الله و نعم الوكيل من يلي جايين مع المتهم صالح و هتافات من يلي جايين مع علي )
( هاذي القضية كانت قوية عندي لسببن الأولي ان علي الجباري هو ابن خالد الجباري و المعروف ان خالد مليشاوي كبير و ليه اسم و معروف و السبب التاني اني ما كنتش ضامنة ان ولده بري  فا كان عندي تردد اني ناخد القصية لكن لما تاكدت انه بري خديتها بدون اي  تردد )
.
طلعت من القاعة
المحامي سعد : حتي ولد مليشاوي معروف طلعتيه برآء
أمتا نشوفك خاسرة في قضية
شرف : تعرف ليش ما نخسرش
سعد : ليش
شرف :لأني دائما نوقف في صف الحق و عمري ما خديت قضية بسبب الفلوس شوف الناس التانية من وقت ما تخرجوا ما ربحوش قضية ما عدا قضايا الطلاق
سعد : شن قصدك
شرف : قصدي اني عندي ( ضمير )
...
و خليته و مشيت
( نعرفكم هذا سعد محامي زيني و من نفس دفعتي دائما رأسه من راسي في كل قضية حلمه ان يشوفني نخسر قضية منعرفش ليش سعد من عيلة غنية و نجح تقريبا بلواسطة و زي يلي عندي غيرة مني و الله اعلم )
.
طلعت من المحكمة الصحافيين و المصورين لازم يكونوا موجودين ما زودتش معاهم كلام قلت كلمة تخلص كل شي ان الحق بان و انتهي الموضوع
.
طلعت و كيف ماشية لسيارتي نشوف في سيارة سودة درست بحداي و نزل منها خالد الجباري يلي ولده طلع برآء من شوي
.
خالد الجباري : جميلك مش رح ننساه
شرف : هذا شغلي
خالد : هذا شيك بسيط هذية ليك
شرف : للاسف مش رح نقدر ناخده لان خديت حقي و تعبي وصلني و بعدين انت عارف ان ولدك مضلوم و المضلوم رح ينتصر مهما طال الزمن فا اني ما درت شي
خالد : شكرا ليك بس حنعيدهالك مرة تانية مش حننسي جميلك
شرف : ☺️ ان شاء الله معرفة طيبة
..
ركبت سيارتي و متجهة لمكتبي وصلت المكتب
لقيت حسين واقفلي
شرف : صباح الخير حسين
حسين : صباح النور الورد الياسمين
شرف : الله الله هذا شن يقولوله
حسين : فرحان عندي قضية وآتي فيها كل شي
شرف : ايه قول هكي كلام الحلو اكيد فيه قضية جاي بعدها
حسين: 😂
( هذا حسين مساعد بوي الله يرحمه و الان مساعدي الحق نتفائل بيه شخص ديما يضحك هوا ماسك مكتبي و الشؤون الخاصة بيا و يعتبر دراعي اليمين في كل شي يخص العمل )
..
خشيت المكتب
شرف : شوفلي القضايا يلي تحسها خفيفة اكتر مقررة الشهر الجاي بنسافر
حسين : سياحة
شرف : ايه و الله نغير جو اني و مريومة حبيبتي
حسين : وين الوجهة
شرف : بنمشي المصر نشوف عمامي و عماتي تعرف ليا فترة ما شفتهمش . نتعبك معاي نبي قهوة
..
عمر : خليهم زوز
شرف : 😳 خلعتني
عمر : اسملة عليك
حسين : خلي نمشي ندير ليكم قهوة
عمر : اني من غير سكر حسين
حسين : حاضر
شرف : يتشرط الاخ
عمر : مافيش وينك مغيب انشغلت عليك
شرف : لا هوا الحق انشغلت عليك وين الغيبة
عمر :و اللهي كان عندي شغل الفترة يلي فاتت هلبا
شرف : ايه و نسيتني
عمر : انتي يلي نسيتيني لا رسالة لا مكالمة و بعدين شن حال مريوم
شرف : باهية ديما تسال عليك وين عمي عمر وين عمي عمر و اني نقوللها مشغول و رح يجي
عمر : شن صار في القضية متعي
شرف : اي قضية
عمر : عرفتك نسيتيها و ملوحتها في الدولاب
شرف : حي اقسم بالله كنت مشغولة في قضايا كبيرة الفترة يلي فاتت و نسيتها ذكرني هيا علي شن حقا
عمر : نبي تعويض من الدولة دارو طريق في ارضي
شرف : مع اني ما نخدش في القضايا هادي بس علي خاطرك يا عمر حاضر
عمر : مية مية . هيا اني نستأذن
شرف : استنا اشرب قهوتك
عمر : المرة الجاية ان شاء الله
شرف : اوكي
( نعرفكم توا بعمر هذا عمر صديق و اخ ليا من أيام المدرسة تفارقنا بعد التانوية هو خش كلية عسكرية و اني القانون و لكن صدقتنا مستمرة رغم اختلاف العمل عمر مطلق زيني ويعتبر خوي يلي ما جابتاش امي يدافع عليا و سندي في هذه الدنيا يشتغل الان في وحدة من المعسكرات في طرابلس و يعتبر رعب لهلبا ناس )
عمر ذو ملامح رجولية قاسية / طويل / عضلات خفيفة / لحية خفيفة
....
اخترت القضايا يلي بنبدا فيهم و رجعت الحوش
فتحت الباب
مريم : مممماااممممااا
شرف : مريومة حبيبتي
شن تستني فيا علي الغدي
جايبتلك معاي حاجات تجنن
يا ميمي
ميمي : نعم مدام
شرف : واتي الغدي
ميمي : يس مدام
شرف : خلي نغير و نتغدوا
خودي البورزات و وري مريومة شن جبتلها
..
خشيت غيرت و طلعت و بدينا نتغدوا
مريم : ماما
شرف : يا روح ماما
مريم : نسيتي مشوار غدوا
شرف : اي مشوار
مريم : رحلة الفروسية
شرف : اي به بري انتي و ميمي
مريم : لا يبو الأمهات فيه مسابقة للأمهات
شرف : يا حبيبتي و اللهي اني مشغولة
مريم : 😣😢 ماما كله خدمة خدمة خدمة كلهم جايين معاهم امهاتهم الا اني ليش
( و ناضت من السفرة و خشت لدارها )
ميمي : مدام بري معانا ساعة بلكتير و نرجعوا مش معطلين حرام هيا بانبيو يبي يعلب معاك
شرف : اي صح خلي نمشي نكلمها
..( مشيت لدار خشيت لقيتها متكية في سريرها و تبكي قعدت بحداها )
شرف : مريوم حبيبي
مريم : ها
شرف : كنت نبصر عليك بنمشو غدوا للفروسية
مريم : بلحقا
شرف : بلحقا 😉
( اظبطتني و فرحت هلبا )
( باين عليا الشغل خداني هلبا من بنتي يلي هيا أمانة في رقبتي . مريم مش حاسة بطعم الاب في حياتها بكل فا اني نزيد عليها و نحرمها حتي من امها هلبا عليها )
طلعت جتني مكالمة من حسين
شرف : ايوا حسين
حسين : كنت نبي نقولك ان القضية الجاية لازمها توقيع منك 
شرف : يعني عندي مشوار الصبح للمحكمة
حسين : للاسف نعم لانها خاصة بلمنزاعات لازم تمشي لقسم المنازعات و تقدمي موافقتك
شرف : اوكي عادي شن بندير
.
تم النهار و بدي يوم جديد
( نضت الصبح بكري لبست و قلت نطلع للمحكمة بسرعة و نرجع )
شرف : ميمي
ميمي : نعم مدام
شرف : نمشي شوية نجيب ورقة مهمة من المحكمة و نجي طول ما نعطلش انتي شوية و نوضي مريومة ديريلها حمام و فطريها و لبسيها التوتة الصفرة اوكي
ميمي : حاضر مدام
..
طلعت كانت الدنيا مضلمة قاعدة قلت ما وصلت ما فتحت المحكمة
وصلت خشيت لقسم المنازعات المدنية
شرف : صباح الخير سناء
سناء : صباح النور
شرف : طالبين موافقتي لقضية منازعات موكليني ليها
سناء : كم رقم القضية
شرف : 34788 من أسبوع مقدمة عندكم ناقص الموافقة
سناء : ايه أهي لقيتها
( وقعت و خديت الملف و طلعت و مستعجلة )
شرف : الو حسين خديت الورقة نخطم عليك تاخدها
حسين : نستني فيك
( خطمت علي مكتبي و حطيتها و طلعت و مستعجلة )
وصلت لقيت مريم وآتية و معصبة شوي
مريم : هيا ماما
شرف : هيا يا روح ماما
( ركبنا للسيارة و معانا ميمي ( الشغالة ) )
شرف : شن تبو نفتحلكم اغاني
مريم : انساي
شرف : شني
مريم : آنساي
شرف : شني هاذي
ميمي : اغنية جديدة مدام
شرف : عندك انتي
ميمي : ايه مدام
شرف : هاك الوصلة حطيها
( حطت الاغنية و بدينا نسمعوا و مريم و ميمي يرقصوا و اني نرقص معاهم و وصلنا للفروسية )
شرف : هيا انزلي
( نزلنا قعدت نسلم علي الابلات و قعمزنا و نشوف في مريم تلعب قدامي و بعدين قالوا أولياء الأمور يخشوا الملعب و يقعمزوا في التريبونة و الصغار بيجروا في وسط الملعب ( سباق جري )
قعمزت اني و ميمي و بدو يلعبوا و اني نشجع في مريم
و هيا تشوفلي و تضحك
و بدي السباق و بدت تجري
شرف : 🥺
وصلت التانية في السباق
شرف : 😱🎉🎊😍😍🔥 ايوا ميرو
و بدت الزحمة في الملعب
نزلت نجري من التريبونة اني و ميمي بس لما وصلت
مريم مهناش ❓
شرف : مريم مريم مريم مممرررررررييييييممممم
زحمة هلبا و معش نشوف في حد و ندور
و ميمي تدور و للان ما هناش
( أعصابي قعدة مسيطرة و نقول اكيد موجودة وين بتمشي )
جو الأمن يجروا و يدوروا فاتت نص ساعة
( أعصابي بدت تتوتر شوي )
الاولياء الأمور قعدوا معاي و يدوروا
و شرطة الفروسية تدور في الكاميرات
بعد ساعة ( جوني قالولي كاميرا المراقبة مش مبينة شي )❌
( أعصابي تفرجت و وجهي ولا احمر و دموعي نزلت )
شرف : شن صار شن صار في بنتي وينها كانت هني وينها
( بصوت عالي و دموع ) ويييننن بننتتتييي مررررييييييممممم
رفعت التليفون : الو عمر مريم انخطفت يا عمرررر انخطفت ياعمررررررر ......يتبع
.
رأيكم بكل صراحة ❤️