ضمير شرف 💔 ( روايات ليبية )

حلقة 5🔥 " إشارة "

رواية #ضمير_شرف 💔
( خيال ممزوج بلواقع )
للكاتبة : #احمد_عبدالله
الرواية بلهجة الليبية
حلقة  5 🔥 " إشارة "

( رن التليفون )
شرف : 👁👁
الو
الو
الوووووو
1: بنتك مريضة
شرف : 🔥شني
1: قتلك مريضة
شرف : ( بديت نعيط ) سمعني صوتها شن درت في البنت سمعععنننييييي
1: بنتك كويسة بس اليوم تكح هلبا
شرف : 💔 يا وخي بنتي عندها التهاب في الصدر عندي دواها وين نلقاك نعطيهولك
1: قوليلي اسمه كفاية
( قعدت نجري في الدار ندور فيه )
شوف : اسمه ببولران سي
1: اوكي بنتك كويسة معش مزال هلبا المدة قريب التم
شرف : سمعني صوتها
سمعني
سسسمممممععععنننيييي
الو
آلو
الوووووو💔💔💔💔💔حرام عليك حرااااااممممم
🔥 اليوم التاني 🔥
⏱ 8:00 صباحآ
حسين : الو شرف لقيت مكالمة
شرف : نبي معلومات كاملة علي المشتبه بيهم قبل محمد نوري
حسين : حاضر انتي جاية
شرف : عندي مشوار و جاية
( طلعت بلسيارة و اتجهت للسجن )
( و قعمزت في الغرفة و نسمع فيهم جابوه )
شرطي : خش خش
( قعمزه قدامي )
محمد : تفضلي تبي حاجة
شرف : سلامتك ( شفت للشرطي . هو مش من حق المحامي يشقعد مع المتهم بروحهم )
( طلع الشرطي )
شرف : اني جاية اليوم نبي نقولك علي بتقوله في الجلسة الجاية
( وقفت و بديت نلود عليه )
شرف : ( اني كان هدفي السرقة فقط لا غير للحاجة اللازمة للفلوس و هذا بسبب امي مريضة السكر دخلت الشقة شفت الضحية مع شخص ما قدرتش نشوف وجهه فوق السرير لبدت في وحدة من الدوليب و بعدين نسمع في صوت عياط طلعت من الدولاب تفاجئت ان الضحية ميتة حاولت نساعدها و هذا يلي خلي بصاماتي في كل جسمها و طلعت نجري ) مفهوم
محمد : مستاحشة بنتك و لا مرتاحة منها و واخدة راحتك
شرف : 😳🔥
( رجعت للطاولة و بديت انلمد في الورق و بنطلع )
محمد : ما حدس قالك ان رجليك حلوات
( تلفتت و شديته من فنيلته و رفعت صبعي في وجهه )
شرف : ( بيني و بينك تطلع براءة خودها بس بأدب  فاهم )
( و طلعت )
محمد : ما فهمتش
( طلعت من السجن و اني معصبة علي البرود يلي فيه الحيوان هذا ) ( تفكيري كله علي مكالمة امس يا تري يا مريم حالك باهي يا بنتي يارب ما تحرقش قلبي عليها )
..
شرف : الو حسين وتيتلي كل شي
حسين : كل شي واتي
⏱ 10:00 صباحآ
( وصلت نجري للمكتب و قلبي يدق بشكل مش طبيعي )
شرف : اهلين حسين
حسين : اهلين
شرف : وينهم الأخوة الأعزاء
حسين : علاء الزناتي صديق مقرب للضحية و ولد من طبقة نبيلة بوه تاجر سيارات كبير و عنده علاقات مع اهم المليشيات في ليبيا و كان من احد المشتبه بيهم الرئيسيين / اما التاني فهو جعفر توكرا هذا ما عنديش عليه معلومات الا انه عنده سوابق في قسم شرطة طرابلس المركز بتهمة حيازة المخدرات و التحريض علي نشر الفجور في شقته
شرف :و هاذم كيف نلقاهم
حسين : عندي كل و مكانه
( نسمع في صوت عمر جاي )
شرف : خبي خبي الورق بسرعة
عمر : صباح الخير
حسين / شرف : صباح النور
حسين : انديرلكم قهوة
شرف : لالا عندي مشوار اني و عمر
عمر :وين 😳
شرف : هيا
( نزلنا من المكتب )
⏱ الساعة 10:35 صباحآ
شرف :وين سيارتك
عمر : اويناه
شرف : نبي هذا المكان
عمر : مش قلتي امس مش لازم
شرف : لو تعبت نمشي بروحي
عمر : تي عيب . توكلنا علي الله
( وصلنا و مكان كان عبارة علي شركة كبيرة لبيع و استراد السيارات )
عمر : توا السيارة وين بندرسها و البركديجوا زحمة
شرف : اونا قدام السيارة الحمراء
( نزلنا )
عمر : قوليلي شن تبي جاية
شرف :ولد صاحب المكان واحد من المشتبه بيهم
عمر : اها
شخص : اهلن و سهلا كيف نساعدكم
عمر : حابين نقابلوا صاحب المكان لو سمحت
شرف : فاروق الزناتي
شخص : و من نقوله
شرف : المحامية شرف نصر الدين
( قاله في التليفون طلعهم )
شخص : تفضلوا معاي
🔥 خشينا المكتب 🔥
فاروق : تفضلوا أهلا و سهلا
عمر : عمر محمد ضابط تابع ل.....
شرف : شرف نصر الدين محامية
فاروق : تشرفت بيكم
شرف : اني محامية الضحية و كنت حابة اني نحكي شوي مع ولدك علاء ممكن كلامه يساعدنا علي معرفة القاتل
فاروق : لكن اني سامع انك محامية محمد نوري مش الضحية
شرف : 😳
فاروق : علي العموم بلا لف و دوران و باش يكون كلامنا سليم اني ولدي كان في علاقة مع البنت هادي بس للاسف من قبل ما تموت خش لمصحة الأمراض العقلية و تقدري تمشي و تقابليه
شرف : بس اني سامعة ان كان موجود يوم الحادتة
فاروق :وين الدليل
شرف : باهي كيف نقدر نتكلم اني و ياه
فاروق :مستشفي الرازي للأمراض العقلية
شرف : و نقدر نخشله
فاروق : اذا حابة حتي نمشي معاك عادي
شرف : لالا لو احتجتك نكلمك اكتبلي رقمك
( و عطيته تليفوني باش يكتب رقمه )
عمر : بارك الله فيك
( و طلعت من عنده )
عمر : توا وين حابة تمشي
شرف : للمستشفي
عمر :😳 شني اليوم ليش الاستعجال
شرف : مزالي غدوا بس يا عمر
عمر : حاضر
شرف : لو عندك شغل نمشي بروحي اصلا اني تقلت عليك
عمر : ( شد أيدي ) الف مرة نقولك عيب تقوليها
شرف : 😔 شكرا
( ركبت السيارة و طلعنا علي المستشفي )
عمر : نبي نسألك
شرف : تفضل
عمر : وين مريوم قصدي عطلت في حوش جدها
شرف : احم💔 ماهو قلت خلي تغير جو شوي
عمر : للمرة آلاف فيك شي شرف
شرف : اني لا لا
عمر : ترا شوفي لعيوني
شرف : فكنا منه الجو هذا
عمر : 😂 تي باهي خير
شرف : و اللهي ما فيه حاجة
عمر : ان شاء الله بس مش متعاركة انتي و دوردة ( راجلي الاول عبدالرزاق دوردة )
شرف : لالا عبدالرزاق فايتني بطويل تزوج و بني حياته حتي بنته بسنين ما يشوفش فيها او حتي يسمع صوتها
عمر : اعذريه تعرفي اكيد خايف علي روحه و الغربة تلهي
شرف : ربي يسهله
نحكيلكم عليا اني و عبد الرزاق 🔥
عبد الرزاق شخص جميل جدا و ذكي و شخصية و علاقتنا كانت اجمل ما يكون بس للاسف الزواج ما كملش سنة حتي
تعرفو ا ليش
لان الحب يغطي هلبا عيوب و للاسف بعد الجواز طلعت عيوب لا يمكن اني نسمح لنفسي اني نقبلها حتي لو نحبه ، صح توا مرته الجديدة قابلة عيوبه بس الله اعلم مرات قاعدة معاه علي خاطر فلوسه و خلاص لان مستحيل امراة تقبل علي روحها يكون راجلها عينه زايغة و يخون ( الا الخيانة )  الله يسهله و يباركله في صغاره و يحفظلي بنتي
ممكن الشي الوحيد يلي يخليني ما نندمش علي هاذي المرحلة من حياتي اني جبت اجمل بنت في العالم ( مريم )
🔥 نرجعوا لقصتنا اسفة هليتكم معاي
.
(وصلنا للمستشفي )
⏱ 11:48 صباحآ
🔥 إدارة المستشفي 🔥
شرف : السلام عليكم المحامية شرف نصر الدين محامية المتهم
عمر : ضابط تابع ل......
( سهام قويدر مديرة مستشفي الرازي ) : أهلا وسهلا بيكم تفضلوا كيف نقدر نساعدكم
شرف : و اللهي اني جاية اليوم و حابة نقابل مريض موجود في المستشفي كان احد المشتبه بيهم عندي أسئلة نبي إجابته عليهم
سهام : للاسف مش حنقدر نخدمك
عمر :وليش
سهام : هيا هكي
شرف : عفوا .مافيش حاجة اسمها هيا هكي اكيد فيه سبب ممكن نعرفه
سهام : كيف رح تستوجبي شخص مختل عقليا و لا هيا تلفيق تهمة و خلاص
شرف : اولا اني جاية عندي سوال و نبي إجابته
سهام : شن هو امتحان
شرف : لو سمحتي تكلمي بأسلوب افضل من هكي
سهام : تعالي علميني الأسلوب
عمر : قصدي اني بنخشله بنخشله
سهام : شن قصدك تهدد فيا
عمر : اعتبريها زي ما تعتبريها
سهام : و من حضرتك
عمر : ...............
سهام : خلاص جيبلي ترخيص
شرف : استغفر الله و أتوب اليه . للعلم انتي هكي اضللي في القضية
سهام : اني قلت كلامي
عمر : متاكدة
سهام : نعم
(طلعت اني و عمر )
شرف :توا شن الحل
عمر : شوي بس و حتشوفي
شرف : اسمع فكني من جو المليشيات مش ناقصة مشاكل و هذا ممكن يقلب كل شي علينا
( خطرت عليا اني نكلم بوه 🤦🏻‍♀️ المفروض من بكري )
شرف : استنا ما ادير شي
( كلمت بوه و عطيته للحيوانة هاذي و وافقت اني نخش بس عمر لا )
( خشيت و جابتلي الحالة كان شاب في العشرينيات من عمره قعمز قدامي في الطاولة و الأخت سهام قالت شي مش حنطلع و بنقعد معاكم سبحان الله )
شرف : كيف حالك يا علاء
( طبعا ما يبيش يرد )
شرف : اوكي علاء تعرف الحالة هاذي
( هز رأسه و بعدها بدي يدير في حركات مش منطقية )
شرف : 🙁
سهام : قتلك اني شخص مريض مش حتحصلي معاه شي
شرف : علاء من قتل ندي
( نزل رأسه لوطة و يقول في كلام مش مفهوم )
سهام : هيا شني مزال
( اففف )
( نضت و اني معصبة )
شرف : بارك الله فيك استاذة سهام بس اعرفي انك ساعدتي علي تضليل القضية و إهانة محامية و اتهامها بتلفيق تهم
سهام : 😏
شرف : لو سمحتي نبي اوراق الحالة
سهام : وليش
شرف : حتي هيا لا معناها الاخ يلي مقعمز اهنئ مش مريض بكل
سهام : لا تفضلي معاي هي
( هيا كيف طلعت و اني استغليت الفرصة نزلت راسي و بديت نكلم فيه بشوية )
شرف : من قتل ندي
( شافلي و نزل رأسه لوطة )
سهام : أستاذة شرف
شرف : 🤦🏻‍♀️🤬 اففف
( طلعت و مشيتلها )
سهام : هاذي كل الأوراق علي الحالة
( خديتهم من ايدها و طلعت من غير سلام و لا كلام )
( مراة ما تتحشمش )
( طلعت لقيت عمر واقف في الباب )
عمر : شن صار معاك
شرف : خلتني ندير حاجة و هيا لاحقتني في كل مكان و اطنش
عمر : يعني ما استفدتي شي
شرف : للان لا بس ممكن نستعين بدكتورة أمراض عقلية
عمر : بتعطيها اوراق الحالة
شرف : و حتي صوتها و كيف جاوبت علي الأسئلة
عمر : سجلتي
شرف : يس . توا هل ترد عليا نور او لا
عمر : من نور
شرف : نور التواتي دكتورة أمراض عقلية بس قداش ليا معش كلمتها و معش شفتها من موتت ولدها و راجلها
( اتصلت المرة الاولي ما شدش و المرة التانية شد )
شرف : الو
نور : الو من معاي
شرف : كيف حالك دكتورة نور
نور : الحمد الله من معاي
شرف : شرف نصر الدين المحامية شرف نصر الدين
نور : شرف كيف حالك
شرف : كويسة . انتي يلي كيف حالك
نور : الحمد الله
شرف : سمعت انك رجعتي للطب
نور : ايه قداش ليا
شرف : و اللهي اني كنت محتاجة منك خدمة الحق
نور : تفضلي
شرف : عندي اوراق لحالة و نبيك تشوفيهملي و تشخصيهملي
نور : ايه به من عيوني
شرف : باهي أمتا نتلاقوا
نور : و اللهي اني اليوم مش فاضية بس شن رايك غدوا
شرف : غدوا
نور : انتي مستعجلة
شرف : تبي الحق ايه و نبيها ضروري لان الجلسة متعي بعد غدوا
نور : خلاص نتلاقوا اليوم
شرف : ان شاء الله بارك الله فيك باهي يوم
نور : سلمك  . تعاليلي بحدا جردينة فندق الكبير
شرف : امتا
نور : بعد شوي لأني رح نطلع من الشغل نخطم عليك
شرف : اًوكي نتلاقوا شكرا مرة تانية
نور : لا شكر علي واجب