ضمير شرف 💔 ( روايات ليبية )

حلقة 7🔥 " من القاتل "

رواية #ضمير_شرف 💔
( خيال ممزوج بلواقع )
للكاتبة : #احمد_عبدالله
الرواية بلهجة الليبية
حلقة  7 🔥 " من القاتل  "
.
يرجي من محامي الضحية يتفضل
سعد : 😏 بسم الله الرحمن الرحيم السلام عليكم
سيدي القاضي انا ليش لدي اي كلام اقوله الان الا بعد سماع شهادة زوجة محمد نوري
شرف : 👁👁😱❌🔥🔥 شني
الكل : 👁👁🔥
محمد: 👁👁🔥
الكل : 👁👁🔥
( طول تلفتت شفت لمحمد )
محمد ؛ (نزل راسه )
شرف : ( تلفتت نشوف في بنت في التلاتين خشت و وقف و اني قعدة مش مصدقة كيف و امتي و وين و ليش محمد ما قاليش )
القاضي : قولي و اللهي العظيم اني نقول الحق
البنت : و اللهي العظيم اني نقول الحق
سعد : قولي كل يلي قلته
البنت : اني زوجة محمد نوري و هذه ورقة الزواج . امينة خيري
و اني جاية نقرا  انه كان مع علاقة مع البنت هذه ندى و كان يكلم في مراة تانية و مش عارفة شن يبي من ندى و شفته بعيني في الليلة يلي ماتت فيها كان برا الحوش و روح مرتبك و مش طبيعي
شرف : 🤦🏻‍♀️🔥👁👁
محمد : كذابة كذاااابببة
القاضي : سكككووتت ، كملي
البنت : اني متاكدة ان محمد قتل البنت
القاضي : وشن يلي ياكذلك انه القاتل
البنت : لاني سامعة بودني يهدرز علي البنت هاذي و كان يمشيلها 😢 و المراة تعرف ان راجلها يخونها او يكلم عليها حد او حتي مرتبك
القاضي : عندك حاجة تبي تقوليها
البنت : لالا هو هذا كل شي
سعد : سأرجع و اقول لك سيدي القاضي ان القضية تم حلها و لكن استاذة شرف هدفها تضليل القضية ، القضية كل التهم باينة و موجهة لمحمد من اول الحادتة و اذا علي ان هدفه السرقة فا لما لم يهرب عندما رائها ميتة و لماذا لم يبلغ الشرطة و لماذا بصماته في كل ادوات الجريمة و اتمني منك سيدي القاضي الاطلاع علي الاوراق السابقة للقضية و تطبيق الحكم
القاضي : حكمة المحكمة حضوريا
شرف : 🔥👁👁🔥
القاضي : باعطاء المحامية شرف نصر الدين يومين فقط و بعدها سيتم تطبيق الحكم بلاعدام لمحمد نوري رفعت الجلسة
شرف : 🤦🏻‍♀️🤦🏻‍♀️🤭🔥😱😢
محمد : حسبي الله و نعم الوكيل حسبي الله و نعم الوكيل
..
( نضت و راسي لوطة و خاطري نبكي مش قادرة حسيت نفسي ان يلي خططتله كله راح )
سعد : 😏
عمر : 😢
..
( خشيت اني و حسين لمحمد قبل ما يحولوه لحبسه )
محمد : هذا يلي بايدك اديره
شرف : انت ليك عين تتكلم يا حيوان ، المفروض قتلي انك متزوج الغلط منك رح تطلع القاتل يا غبي
محمد : حطلعيني صح
شرف : ( شفتله و بقهر ) يا خوفي تطلع القاتل
محمد : اني مكنتش متوقع انها تجي هاذي هاجرتني من بعد الحادت و ما كانتش في توقعاتي ابدا
شرف : يا سيدي هادي يلي مش في توقعاتك رح تلف حبل المشنقة علي رقبتك
محمد : حطلعيني هكي او هكي او بنتك
شرف : ( من غير اي احساس تلفتت و ضربه كف عمري ما ضربته لحد ) للمرة التانية رح نقولها اتعامل معاي بأذن 
هيا حسين ( طلعت من الدار )
محمد : لازم نطلع لازم نطللللعععع
....
( طلعت من مجمع المحاكم و منهارة )
( لقيت عمر يستني فيا )
عمر : شن رايك نوصلك
شرف : شكرا عمر بس حابة نرتاح شوي رح نخطم علي المكتب نحط الاوراق و نطلع للحوش نرتاح
عمر : علي راحتك ( شد ايدي ) ان شاء الله كل شي بيمشي زي ما تبي
شرف : ان شاء الله
.
( ركبت اني و حسين و وصلت للمكتب )
كيف ركبت لقيت باكوا محطوط قدام الباب
شرف : هذا شني
حسين : مش عارف
شرف : جيبه معاك
( مش عارفة ليش اللحظة هديكا توقعت انه من عمر قلت اكيد هدية او حاجة جايبها ليا )
شرف : حطها فوق الطاولة
حسين : اوكي
( وطلع حسين )
شرف : ( رتبت الاوراق كلها و حطيتها في مكانها و جيت باش نفتح الباكوا )
(و يلي شفته كان صدمة 😱😱😱😱🔥🔥🔥💔 ووووووووووههه للالاااااااااللااااا ياربي ياربي )
( اول ما شفت ايد بنتي في الصندوق طحت و عيطت انهرت )
( جي حسين يجري : خيرك خيرك شن فيه
( جي لباكوا و طلع الايد )
شرف : غمضت عيوني و نعيط بكل صوتي ( لااااااااالااااااالااااااا ياربي لااااااااا)
حسين : خيرك شرف هاذي تمتال
.
شرف : 👁👁 شني ( رفعت راسي نحس توا بديت نتنفس )
تره وريني
حسين : و اللهي اهيا ايد تمتال
شرف : ( نضت و لقيت ورقة في الباكوا ) فتحتها
الورقة : بعد يومين حقيقية بتكون ان شاء الله
شرف : طحت علي طولي و قعدت نبكي و منهارة
حسين : فيه حاجة شرف
شرف : لالا كويسة اني بنروح للحوش محتاجة شوية راحة
حسين : حاضر . تبي نوصلك
شرف : لالا شكرا
( نزلت من المكتب و ركبت سيارتي و طلعت علي حوشي )
اول ما خشيت حسيت ببنتي قدامي نسمع في صوتها 🔥🥺🥺 نشوف فيها نحس بيها تقولي يا ماما يا ماما ، تعرفوا احساس لما تكون قدامك شخص غالي عندك بس ما تقدرش تلمسه تكلمه تضمه ، قلبي محروق علي بنتي هلبا هلبا هلبا صبري نفد و معش نتحمل
يارب يارب يارب
.
🔥 اليوم التاني 🔥
عمر : طق
شرف : مني
عمر : اني عمر
شرف : تفضل خش
عمر : جيت نسال عليك بما اني ما شفتكش من وقت الجلسة
شرف : معش تذكري خلاص قلبي محروق هلبا و الغلط منه هو المفروض قال اني محاميته منعرفش انه متزوج اصلا
عمر : وتوا شن بديري
شرف : بنمشي نشوف حوشه و نمشي نهدرز عليها
عمر : و تتوقعي رح تحكيلك حاجة و بدات انك محامية راجلها و هيا اكيد ما تبيشي يطلع
شرف : بنحاول شن الحل و بعدين لازم لغز السيارة الحمرا هذا نعرفه
عمر : اي سيارة
شرف : السيارة يلي قال عليها الولد هذاكا يلي مات
عمر : جعفر تي واحد واخد هروين اكيد يخرف
شرف : و السيارة متع البركيدجوا في شركة فاروق
عمر : اكيد صدفة
شرف : اني حنحاول مش حنخسر شي و بعدين صدفة و مع فاروق هذه صدفة غريبة شوي
( نضت و خديت شنطي )
عمر : وين ماشية
شرف : مش قتلك لمرت محمد
عمر :هي نوصلك
شرف : اوكي
( نزلت و ركبنا السيارة )
عمر : وكيف بتعرفي الحوش
شرف : حسين بعتله رسالة امس و قتله لازم تلقالي مكانها و لقاها
عمر : وين
شرف : تفضل هذا العنوان و سمعت ان من لما نحبس محمد رجعت لحوشها
.
( وصلنا للشقة طقيت )
امينة : مني
شرف : اني المحامية شرف نصر الدين
امينة : تفضلي شن تبي
شرف : باهي من علي الباب هكي
امينة : ايه و اني قلت لعندي في المحكمة مش رح نقول غيره
شرف : اني نبي نسالك بس سوال
امينة : قوليه
شرف : من البنت يلي كانت تكلم فيه
( فتحت الباب و شافتلي )
امينة : قصدك انت صدقتني ان محمد مجرم
شرف : ايه صدقت
امينة ؛ خشي
شرف : شوية و جاية عمر
عمر : اوكي
...(خشيت )
امينة : هذا يلي محيرني و قعدة نبي إجابة فيه
شرف : كيف
امينة : محمد ما كانش رح يدير هكي لو ما المراة هادي زنت عليه
شرف : و هيا صاحبة ندى
امينة : منعرفش و خاطري نعرف بس هاذي القاتلة مش محمد
شرف : ( كنت جايبة صور باش نوريهم ) تعرفي من يلي في الصورة هذا ( صورة علاء )
امينة : لالا منعرفش
شرف : هذا ( صورة جعفر ).
امينة ؛ لا للاسف
شرف : ( نضت ) اوكي شكرا علي اخلاقك العالية و تعاطيك معايا
امينة : و اللهي اني الحق نبي حق البنت يرجع حتي لو راجلي هو القاتل
شرف : بارك الله فيك
( طلعت و اني طالعة كنت جايبة صورة ام ندي ( عفاف بس طاحت مني
( لقيت عمر يستني فيا )
عمر : كملتي
شرف : ايه هيا
🔥 امينة 🔥
لقت الصورة 😱😱😱🔥 هادي هادي
يا محامية قعدت تعيط في الشارع
( بس للاسف شرف طلعت )
( ركبت في السيارة )
شرف : كلامها يدوخ هلبا الحق و ما فهمتش شي للاسف
عمر : شن قتلك
شرف : قتلي ان فيه وحدة تكلم فيه بس مني الدائرة كلها ما فيش بنت ابدا
عمر : مرات برنامج يغير في الصوت
شرف : ايه صح ، استنا مش زي يلي عندك هذا
عمر : ايوه نفسه بزبط ،
شرف : غريبة
عمر : توا وين تبي بزبط
شرف : توا نبي نفتش السيارة الحمراء
عمر : و هذا كيف رح يصير
شرف : هذا السوال ، لو مشيت اني و ياك و خشينا للبركيدجوا رح يعرف اننا جينا و رح يدير اي شي باش يشتتنا
عمر : باهي شن الحل
شرف : الحل ان نخلوا حسين يمشي للشركة علي كانه زبون و يدور علي السيارة الحمراء
عمر : فكرة مية مية
شرف : خلاص امانا برا للمكتب
.
( وصلنا المكتب )
شرف : حسين تعال وراي
( خشيت اني و عمر و حسين ) و بديت نفهم فيه
حسين : حاضر فهمت
شرف : رح نعاود ان بتمشي بسيارتك و بدور عليها بين السيارات تمام
حسين : تمام
شرف : و تخش تسال علي السيارات عادي كانك زبون اوكي
حسين : تمام
...
( ركب حسين و مشي للشركة و للاسف ما لقاش سيارات و لقي السيارات في البركيدجوا كلهم كلهم ما يجوش 6 سيارت )
( كلم شرف طول )
شرف : خسارة خسارة خسارة حس الحيوان ان فيه شي غريب
عمر : وشن العمل توا
شرف : ما فيش عمل و مش عارفة  شن رح اندير 
اهو درس حسين ترا خلي نسمعوا منه
( خش حسين )
عمر : شن صار
شرف : هااا
حسين : دورت علي البركيدجوا سيارة سيارة
شرف : شفت يا عمر اكيد عرف ان فيه حاجة
حسين : ليش معصبة
شرف : كيف يعني
حسيت : اكيد درسها في حوشه
شرف : مش فاهمة
عمر : ايه صح كلام حسين صح
شرف : لخبطوني الحق
حسين : استني اكيد لما شاف انكم حاسين شي من ناحية السيارة حطها في حوشه
شرف : وكيف رح نوصل لحوشه
حسين : هادي سهلة و هاذي خدمتي اني بس المشكلة انك كيف رح تفتشي السيارة
عمر : هادي خدمتي اني
شرف : وروني خدمتكم امانا
عمر : شوية يا جماعة عندي اتصال صغير
شرف : خود راحتك
🔥 الي امينة 🔥
امينة : لازم نكلم المحامية لازم
( طقت الباب )
امينة : مني
......: اني
( فتحت امينة الباب في عيونها غل
انتي انتي انتي يا .... و رح نكلم المحامية و نقوللها
( شدت التليفون و تكتب في الرسالة
توا تشبحي رح نخلي كل الناس تعرف
....: 😏🤫 طلعت المسدس : و ضرباته علي المراة من ضهرها
طبعا ايدها ضغطت علي ارسال
.....
🔥 شرف 🔥
شرف : ( قاعدة تهدرز مع عمر و حسين رن التليفون شافتله لقت رسالة من رقم غريب ) و كاتب : ع عارف ت
( طبعا لما شافت الرسالة قالت اكيد شخص غالط بعتها و نست الموضوع )
حسين : خليني توا نفهمك يا شرف بشوية
شرف : نسمع فيك
حسين : انتي رح تمشي لحوش فاروق
شرف : اني
حسين : ايه
شرف: انت نسيت اني متهمة ولده
حسين : ايه بس لما يعرفوا انك خلاص تاكدتي ان محمد هو القاتل
شرف : لالا فكرة مش كويسة ابدا
عمر : انتي حاولتي الاكبر من هكي ما تحاوليش هادي حاولي
شرف : اوكي و شن بنقول
حسين : بتقولي انك تبي تقابلي علاء تبي تهدرزي عليه و انتي متاكدة ان علاء برئ خلاص
شرف: مش عارفة الحق مترددة
عمر : لالا فكرة كويسة جربي
شرف : خلاص نبي مكان الحوش
حسين : حاضر
..
( لقي حسين مكان الحوش و اصلا هكي او هكي لازم نحاول لان معش عندي الا اليوم و غدوا )
حسين : هي تفضلي العنوان
شرف : بارك الله فيك حسين
عمر : هيا نمشي معاك
شرف: لالا عمر خليك
عمر : براحتك
شرف : ممكن مفتاح سيارتك حسين غير سيارتي قعدت قدام الحوش
عمر : خودي سيارتي
شرف : لالا عمر
عمر : ( ناضت و هو معصب ) شني لا هادي ان قلت خودي يعني خودي
شرف : ماهو مرات
عمر : ما فيش ماهو خودي و خلاص
شرف : حاضر خلاص
( خديت المفتاح نزلت و ركبت و طلعت علي العنوان يلي اعطاهولي )
( وصلت كانت فيلا و قدامها فيه جردينة كبيرة )
درست السيارة بعيد شوي و نزلت
اني كيف بنخش لقيت امن قدام الباب
الامن : تفضلي
شرف : اني شرف نصر الدين المحامية شرف نصر الدين و جاية نقابل استاذ فاروق
الامن : خشي
( طول الامن كلم فاروق قاله عليا )
( نشوف فيه طلع من البلكونة يلي قدام الجردينة )
( رفعت راسي )
فاروق : و شن جيبك انتي اهني
شرف : السلام عليكم اولا اني جاية نقابل علاء نبي نقوله حاجة
فاروق : علاء ولدي القاتل صح
شرف : اني عارفة ان محمد القاتل بس اني حابة نقابل علاء
فاروق : امشي اطلعي برا سترك ربي اني ما نرفعش ايدي علي مراة
شرف : اني جاية بنقوله كلمتين
فاروق : قتلك اطلعي بررراااا
علاء : بوي خليها
شرف : 👁👁
فاروق : 👁👁🔥
علاء : خليها نبي نسمع الكلمتين
فاروق : برا خش امشي لا انت هبلت رسمي بتتكلم مع يلي اتهماتك بلقتل قدام كل الناس
علاء : و اني نبي نسمع الكلمتين
...
( دخلني و رفعني من وراء الفيلا فيه كراسي قعمزت )
علاء :هو الحق اني يلي نبي نقولك مش انتي
شرف : تفضل
علاء : نبي نقولك هو اني صح ممكن غلطت اني كذبت في موضوع المستشفي الامراض العقلية بس و الله كانت فكرة بوي و خالتي هيا يلي شادة المستشفي  . اني نبي نقولك اني مستحيل نقتل ندى ندي هادي روحي قلبي كل حياتي و الله يشهد عليا اني نحبها حب عمري ما حبيته لحد ، و لو مش مصدقتني تعالي معاي لداري و لا نقولك استني رح نجيبلك حاجة
شرف : 👁👁 ( قعدت مستغربة في كلامه )
تلفتت يمين يسار شفت السيارة مدرسة في جهة بلجردينة
علاء : ( نشوف فيه جاي يجري )
هي تفضلي شوفي الصور اني و ياها
( وبدي يبكي ) و اللهي ما انديرها و هيا كانت تحبني
شوفي الرسايل شوفي شن كاتبة
شرف : ( خديت الورقة و قعدت نقراء )
ندي : حبيبي علاء كل سنة و انت اغلي و اعز شخص ليا نحب نقولك ان شاء الله ما تشوف شر يارب و طول حياتك سعيد يارب ..نحبك يا حبيبي و خوي و امي و بوي و كل حياتي
شرف : ( شفت لعلاء كان يبكي بلعبرة )
علاء : هذا خطها و هاذي رسالة منها في عيد ميلادي لانها كانت مش قادرة تجيب هدية
شرف : ليش حالتها كانت مش كويشة
علاء : ندي كانت مش قادرة تاكل يا استاذة و الله و الله نحبها و موجوع
شرف : 🥺 امانا من كان يدفع عليها في الايجار و المعهد
علاء : 😢
شرف : انت صح
علاء : لان ندي تستاهل و كنت رح ناخذها بس بوي كان معارض علي خاطر المخدارت بس و الله نصحتها بس الله لا يسامح يلي كانوا السبب
شرف : 🥺
علاء ( مسح دموعه ) اسف قعدت نهدرز و نسيت نظيفك
شرف : لالا شكرا ليك بس كنت نتمني الكلام هذا سمعته قبل اليوم تشرفت بيك
( سلمت عليه )
.
( نضت و طلعت من الحوش )
🔥 فاروق
فاروق : مبروك عليك الحبس
( شاف علاء لبوه و فاته )
فاروق : رح تندم يا علاء
.
( طلعت من الحوش و اني نفكر في كلام الولد يلي يبكي و الصور و الهداية و الحق عقلي تشتت هلبا و احساسي انه مش القاتل )
.
( ركبت السيارة و رجعت للمكتب )
عمر : شن صار معاك
حسين : 😨
شرف : ما صار شي
عمر : لقيتي السيارة
حسين : و خيرك عطلتي
شرف ؛ ممكن بشوية عليا رح نحكي بلتفصيل
( قعمزت )
شرف : اول ما خشيت لزني اكيد بس الولد اصر انه يتكلم معاي
عمر : وبه
شرف : قعد يوري فيا كيف كانت علاقته مع ندى و انه مستحيل يقتلها
عمر : المهم السيارة
شرف : شفتها في جردينة الحوش
عمر : تمام خلي نكلم الولاد اليوم العملية
شرف : اي عملية
حسين : عمر رح يخش للفيلا و يفتش السيارة
شرف : لالا مش لازم الولد برئ
عمر : استغفر الله انتي وين عقلك
شرف : عقلي في راسي بس الولد باين انه مستحيل يديرها
عمر :و صدقتيه طول
شرف : لالا باين
عمر : ما فهمتش البرود يلي عندك بنت مخطوفة و هكي
شرف : 👁👁😱
حسين : شني
لالا شوية بس
قصدك بنتك مخطوفة
شرف : 🤦🏻‍♀️🔥💔
( شفت لعمر من فوق للوطة )
عمر : ماهو
حسين : لا خلاص باين كل شي
لكن بارك الله فيك يا شرف
اني اخر الناس نعرف
بارك الله فيك
( وطلع من المكتب )
عمر : اني اسف
شرف : ( شفتله و اني معصبة ) عادي اصلا اليوم و لا غدوا حيعرف
عمر : بس شرف لازم نمشو للسيارة
شرف : توا قبل كم يوم كان جعفر يخترف و ما فيش منها
عمر : ايه بس لازم نحاولوا و ما تنسيش ان مزال غدوا بس يا شرف
شرف : باهي شن خطتك
عمر : رح انقز من الخلف و نخش للسيارة
شرف : ايه و اني معاك صح
عمر : طبعا لا
شرف : لا لازم نمشي
عمر : بس كيف حتقدري
شرف : لا حنقدر و العملية اني و ياك بس
عمر : براحتك
شرف : بس شن ضمنك ان الفيلا ما فيهاش حراس فليل
عمر : لا اكيد فيها بس مش رح يكونوا هلبا لو كترت 3 ، انتي لما مشيتي كم كانوا
شرف : زوز
عمر : تمام
شرف : باهي و امتا بنمشوا
عمر : مع الساعة واحد
شرف : تمام الساعة كم توا
عمر : الساعة 7 مزال وقت
شرف : ممكن نرقد شوية تعبانة هلبا
عمر : اوكي ، بس بنسال شن الصور هاذم
شرف : هاذم تلاتة صور لعلاء و جعفر و ام ندى باش تشوفهم امينة
عمر : هاذم زوز بس
شرف : تره ، ايه صح 😨 ، عادي اكيد طاحت مني
...
( جت الساعة 11 و بدينا في التنفيذ طبعا نحيت الكعب و لبست سبيدروا و خذيت معاي قوانتي و كاشف صغير )
و طلعت بلسيارة في الليل وصلنا غادي الساعة 12 ونص
شرف : خايفة هلبا
عمر : ما انخافيش ما يصير الا كل خير
شرف : توا بنخشوا
عمر : لا مزال نستنوا شوي
شرف : اوكي
،
عمر : تتوقعي حسين زعل
شرف : يزعل و اصلا كان حيعرف اليوم او غدوا
عمر : و اللهي ما كان قصدي
شرف : عادي انت ما درتش شي غلط زي ما قتلك كان حيعرف و كل الناس حتعرف ان شاء الله بس نربح و ترجعلي و اللهي يا عمر مليت و خايفة هلبا لو صارلها شي حتي دموعي جفت
.
( قعدنا نهدرزوا و فات الوقت ل الساعة 2 نزلت )
جينا خلف الجردينة و قامني عمر نزلت اني الاولي و لحقني هوا
طبعا نشكر ربي ان ما عندهمش كلاب
.
شفت السيارة قدامي
( شفت لعمر و فتحت الكاشف )
( طبعا عمر جايب حاجة كسرت المرش من غير هلبا صوت )
شرف : البس قوانتي
عمر : هاتي
و بديت نتفش في السيارة و فاتحة الضي
عمر : شرف تعالي شوفي
شرف : شن فيه
😱😱😱😱👁👁
شفت موس حلاقة  😱 قمته هذا يلي ندور فيه
( قعدت نفتش و نشوف و لقيت شعر موجود و ريحة دم ) طبعا السيارة متنظفة بس قاعد شوي بصمات الجريمة
شرف : 😱😱 مصدومة مصدومة
( شفت لعمر و ضحكت )
عمر : مش قتلك اني
شرف : شكرا عمر
عمر : هيا نرجعوا
شرف : لا مزال بندور
( قعدت ندور و لمدت كل شعرة موجودة في السيارة باش تفيدني بلتحقيق و قلت لعمر يصور كل شي )
عمر : هيا شرف خلاص
شرف : هيا هيا
( رجعنا و اني نجري عترت درت صوت قامني عمر و ركبت علي الصور و نزلت و لحقني )
( ركبت في السيارة و اني مصدومة و خايفة و مش عارفة هل هذا الحق و اذا حق تمت القصة او لا  )
..
الامن 1 : سمعت الصوت
الامن 2 : ايه سمعته ، جاي من الجهة هديكا
الامن 1 : تره نمشي نشوف
الامن 2 : اي اكيد فار او حاجة
الامن 1 : لالا بنمشي
( مشي شاف السيارة مرشها مكسور )
( جي يجري )
الامن 1: انت يا بهيم سيارة استاذ علاء مكسور مرشها
الامن : اي وحدة
الامن 1 : الحمراء
الامن 2 : وبه
الامن 1 : اي نقولك مكسور المرش
الامن : اكيد واحد جاي بيخنب فا ما لقاش حاجة حاجة يخنبها و بعدين السيارة خاربة فاتها
الامن 1 : وكان خش الحوش نقول لاستاذ فاروق
الامن 2 : لالا ندورو في جناب الفيلا و خلاص خليها الصبح .
...
وصلني عمر الحوش
شرف : قبل ما ننزل رح نشكرك ( اضبته ) انت زي خوي ، بلحقا عمر شكرا ليك ،و انا اسفة اني كذبتك  يا عمر
عمر : 😻
شرف : قتلك اني نفكر الحاجات هاذي نرفعهم للمحكمة قبل ما يحس حد من غدوا
عمر : كيف ما تبي
شرف : اوكي ، تصبح علي خير
عمر : وانتي من اهله تشاينا
.
ركبت لشقتي و فرحانة من كتر الفرحة شفت مريم قدامي
مريوم حترجعي تاني معاي يا قلبي و ياروحي انتي يا جرحي يلي ما حدش حاسة الا اني
حطيت الحاجات و خشيت بنغير
شفت للمراية
شرف : وين خراسي 😱😱😱
( خراس ودني اليمين مهناش تذكرت  اكيد لما عترت في الجردينة )
...
🔥 الصبح 🔥
( علي سفرة فطور حوش فاروق )
فاروق : منال جيبي العصير التاني هذا مش حلو بكل
منال : حاضر هي
علاء : صباح الخير
فارق : صباح النور
خش الامن الزوز بيسلموا التوكة
الامن : هي احني مروحين تامرنا بشي
فاروق : سلامتكم
الامن : حقا كنت بنقولك امس سمعنا صوت في ارجاء الحوش و لما دورنا طلع طلعت سيارة استاذ علاء مكسور مرشها
فاروق : 👁👁 نعم
علاء : ( طول شبح لبوه )
فاروق : ( ناض من علي السفرة و معصب و خيركم ما قلتوش من الليل )
الامن : قلنا خليها الصبح
فاروق : ( ضربهم كف لصق وجههم علي بعض ) حيوانات
.
( طلع يجري للسيارة و وراه ولده )
( حس انه عفس علي شي )
( طبس راسه لوطة )
( لقي خراص شرف )
فاروق : ( تلفت لولده و شافله بكل قسوة و ضربه كف لين طاح )
🔥 مش قتلك رح تندم 🔥
يا حيوانات
الامن : ن ن ن نعم
فاروق : احرقولي السيارة هاذي
علاء : 😱😢
فاروق : شد الخراس و هو معصب : اما شرف فا خليها ليا 🔥......يتبع
رايكم في الحلقة وبعدها الحلقة ما قبل الاخيرة و لاول مرة بنقولها القاتل بيطلع اخر حلقة 🔥 و اذكروا الكلمة هاذي كويس ؟
و يلي شاكين فيه ما يديرهاش 🤫🙈 و اي حد خليتك تشك فيه مش القاتل لان القاتل خارج دائرة الاتهام ؟
.
رايكم و تفاعلوا بليز للعلم نتعب هلبا لدرجة اني نمسح في الحلقة اكتر من مرة حرام عليكم هذا كله باش الاحدات تتوصل مع بعضها ❤️❤️❤️