ضمير شرف 💔 ( روايات ليبية )

حلقة 2🔥 " بنتي "

‎رواية #ضمير_شرف 💔
‎( خيال ممزوج بلواقع )
‎للكاتبة : #احمد_عبدالله
‎الرواية بلهجة الليبية
‎حلقة  2🔥 " بنتي 💔"
.
‎بعد ساعة ( جوني قالولي كاميرا المراقبة مش مبينة شي )❌
‎( أعصابي تفرجت و وجهي ولا احمر و دموعي نزلت )
‎شرف : شن صار شن صار في بنتي وينها كانت هني وينها
‎( بصوت عالي و دموع ) ويييننن بننتتتييي مررررييييييممممم
‎رفعت التليفون : الو عمر مريم انخطفت يا عمرررر انخطفت ياعمررررررر
‎( أعصابي خلاص الوقت يمر و البنت مهناش جي عمر يجري و يحقق و يدور و جاب جماعته يشوفوا في الكاميرات و للاسف مافيش اي حاجة تبين شي )
‎( نبكي و أولياء الأمور يصبروا فيا و للاسف فات الوقت اكتر من اللازم و الناس بدت روح و الدنيا بدت تفضا )
‎( بعتت حسين جي روح بلشغالة و اني رفعوني الشرطة و معاي عمر )
‎عمر : خلاص قتلك بنتك ترجع
‎شرف : 😭 نبي بنتي يا عمر نبي بنتي
‎مقعمزة في الدار و معاي عمر و الدموع ما تبيش توقف ابدا و قلبي يدق دقة مش طبيعية
‎ جي واحد من يلي في الشرطة يسال فيا
‎الشخص : شاكة في حد حاطة عينك علي حد ممكن يديرها انتي محامية و اكيد عندك أعداء هلبا
‎شرف : لا الحق ما عنديش اسم معين بس ممكن لو قعدت و رتبت الاحدات ممكن نجيب اسم ممكن يديرها
‎الشخص : هذا فيديو المسابقة يلي كانت فيها بنتك الفيديو في دقيقة 37 زي يلي وقف و رجع كانه تبرمج لان من دقيقة 37 نقز  الي 41
‎عمر : يعني ممكن يلي ماسك الكاميرات ليه يد بلموضوع
‎شخص : مش بلضرورة فا الاختراق وصل حتي لكاميرات المراقبة و بدأت الكاميرات العدية فا سيهل اختراقها مش زي كاميرات المراقبة العسكرية
‎شرف : يعني مافيش اي دليل ملموس صح
‎الشخص :احني حنتبعوا كل شي و ان شاء الله نوصلوا لحل و اول ما نوصلوا نكلمك
‎و ناض و طلع
.
‎شرف : ( شفت لعمر ) شن قصده يعني بنرجع من غير بنتي
‎عمر : هما توا
‎شرف : هما شنو عمر نبي بنتي 💔🔥 بنتي يا عمر
‎( و دموعي في وجهي )
‎عمر : قتلك رح انرجعهالك
‎(طلعني من الدار و ركبت السيارة و اني نبكي بدموعي بدي يجي الليل الشمس بدت تغيب وصلني الحوش
‎عمر : رح نكلمك كل ما نشوفوا جديد و رح نتبع الحادتة بنفسي
‎شرف : 😢
‎عمر : شرف
‎شرف : 👁👁
‎عمر : مريم رح ترجع
‎شرف : 💔🔥
‎( نزلت من السيارة و خشيت للحوش لقيت الشغالة تبكي علي الصالون كاني نسمع في صوت بنتي في الحوش كاني نحس في خيالها قدامي )
‎جيت للشغالة مسحتلها دموعها و نضت خشيت لداري
‎( قعدت مع نفسي شوي و نبكي و خاطري نعيط بصوت عالي و تفكيري وقف معش عرفت شن موقفي قدام راجلي الاول يلي يدور في سبلة باش ياخدها مني و خايفة هلبا هلبا هلبا علي بنتي راسي بيتفجر 🔥🔥🔥🔥🔥)
‎( فات الوقت و عدت الساعة و الدموع في عيوني ما تبيش توقف بس مع الساعة 11 في الليل )
‎ و اني كيف حطيت التليفون جت رسالة
‎شرف : 😳
‎( جيت للهاتف )
‎الرسالة : { اذا تبي بنتك ابعدي علي الشرطة و خلي الموضوع بيني و بينك }
‎شرف : شديت التليفون و عودت للرقم
‎الو الو من معاي
‎( اول ما فتحت المكالمة نسمع بصوت بنتي تعيط )
‎شرف : مريم حبيبتي مرررررييييممم
‎👈🏻 حنسمي الشخص يلي يكلم فيها ب رقم 1 👉🏻🔥
‎1 : لو تبي بنتك ترجعلك خلي الموضوع بيني و بينك
‎شرف : بنتي
‎1: قتلك لو تبي بنتك ترجعلك خلي الموضوع بيني و بينك
‎شرف :كيف يعني 💔
‎1: ابعدي الشرطة من الموضوع
‎شرف : اطلب شن تبي و اني تحت امرك
‎1: طلبي الاول تبعدي الشرطة و بعدين ساهل
‎اتجهت لمسجل المكالمات  و قعدت نركب فيه في التليفونً
‎1: سجلي سجلي  بالك تنسي الكلام يلي نقولك فيه
‎شرف : 😱😳 تلفتت يمين يسار قعدت زي المهبولة و ارتبكت هلبا
‎شرف : سمعني صوت بنتي هيا كويسة
‎1: كويسة
‎شرف : ( قاعد صوت عياطها في المكالمة 💔🔥🥺
‎1: زي ما قتلك نشوف فيك اذا تبي بنتك ابعدي الشرطة و خلي الموضوع بيني و بينك
‎... طلعت من الدار نجري
‎1: وين ماشية قعمزي توا
‎شرف : توا نمشي الشرطة
‎1: قعمزي
‎شرف : لالا توا
‎1: قتلك قعمزي و ضرب رصاصة
‎شرف : ( التليفون طاح من يدي عيوني تبحلقت قلبي وقف الدم في جسمي وقت رفعت التليفون و أيدي ترعش )😳😖🔥
‎1: هادي في الهوا بس المرة الجاية في قلب بنتك
‎شرف : باهي مش قتلي ابعدي الشرطة
‎1: ايه بس مش اليوم رح يشكوا 
‎شرف : باهي بنتي كويسة سمعني صوتها كيف حالها رد بالك عليها
‎الو
‎الو
‎الوووووو
‎الوووووو وووووو. اه اه اه
‎( و طحت علي الأرض )
‎( جت الشغالة تجري شربتني أميه و قعدت نستني في طلوع الشمس بلساعة و بلدقيقة )
‎🔥 اليوم التاني 🔥
‎نستنا في الصبح بلساعة و الدقيقة
‎طلع الشمس
‎طلعت من الحوش نجري ركبت سيارتي و طول لقسم الشرطة
‎نجري لين وصلت
‎خشيت لقيتهم مقعمزين كلهم و معاهم حتي عمر
‎عمر : شرف ان شاء الله خير
‎شرف : اني لقيت بنتي
‎( كل يلي في الدار ناضوا )
‎عمر : وين
‎شرف : توا كلموني عمامي في القربولي و قالولي عندهم
‎شخص : خدوها من غير ما يقولولكم
‎شرف : لا هما قالولي بس اني نسيت 😳 . نشكر مجهوداتكم معاي الحق و بارك الله فيكم
‎عمر : حس ان في شرف حاجة غريبة تصرفاتها و حركاتها و تجري
‎صاحب القسم : مبروك و ان شاء الله ما تشوفي شر ممكن توقعي علي الغاء الواقعة
‎شرف : ( عيوني تدمع و خايفة )الله يبارك فيك
‎( تردد في قلبي هل نوقع او لا و لو وقعت حنكون بروحي ندور في بنتي ومرات حتي يكذب عليا )
‎( توكلت علي الله و ووقعت )
‎و طلعت من القسم و اني متقلقة هل يلي درته اني صح او لا
‎اني كيف بنرفع التليفون بنكلم الشخص جي عمر
‎( لمس ضهري )
‎شرف : 😳 ااا
‎خلعتني
‎عمر : جاي نقولك حمد الله علي سلامة بنتك
‎شرف : 😳 الله يسلمك
‎عمر : بس مش غريبة يأخذوها من غير ما يقولولك
‎( رن التليفون )
‎شرف : عمر اني لازم نمشي و طلعت نجري و هو يشرين و مقدرتش انرد
‎طلعت من القسم و بعدت شوي و عودتله
‎1: ساعة باش تتصلي
‎شرف: اني اسفة ما كنتش نقدر نكلمك داخل القسم
‎1: المرة الجاية التأخير يخسرك بنتك
‎شوف : 💔 اني درت يلي قتلي عليه
‎الو
‎الو
‎الو
‎1: خيرك مستعجلة هكي اولا برافو عليك
‎شرف : 😳
‎1: كملتي الطلب الأول شاطرة
‎لما توصلي الحوش نكمل الطلب التاني
‎شرف : نبي نسمع صوت بنتي وين بنتي
‎1: مش توا
‎( و سكر )
‎شرف : الو
‎الو الو
‎وووووووووووووووههههه 😢❌
‎( عمر كان يشوف فيا من روشن القسم و شاف ملامح وجهي كيف نعيط و نبكي و حس ان فيه حاجة غريبة )
‎....وصلت الحوش نجري و خشيت للدار و اتصلت بيه ....
‎1: خيرك مستعجلة غيري و ديري حمام و بعدين نهدرزوا
‎شرف : 😳 بتقول و لا لا
‎1: تي باهي حنقول
‎شرف : اطلب يلي تبيه من مئة لألف
‎1: بس اني مانبيش فلوس
‎شرف : 😳 إمانا شن تبي
‎1: واحد سارق بنت اشطر محامية في البلاد ليش ترا فكري
‎شرف : قول ❌🥺
‎1: عندي شخص محبوس في قضية اغتصاب و قتل  و الحق يعز عليا و حكموا عليه بلاعدام و مزال علي الجلسة الاخيرة 5 أيام بس لو تبي تشوفي بنتك طبقي يلي قتلك عليه
‎شرف : و شن يلي قتلي عليه
‎1: اطلعيه براءة
‎شرف : 😳 بس بس
‎1: مافيش بس و لو حابة ترجعي تكلمي الشرطة ما عنديش اي مانع اني نشوف في كل تحركاتك المهم رقم القضية 8334 و ما اضيعيش وقت مزال 5 أيام و لو ما طلعش نوعدك يا بنت نصر الدين ان بنتك بحححح ❌
‎شرف : ( قلبي وقف الصوت نحس فيه ضعيف نفكر في بنتي كيف مدايرا توا
‎1: 5 ايام بس
‎شرف : باهي ممكن نسمع صوت بنتي
‎1: طبقي في اسرع وقت
‎( سكر الخط )
‎شرف : الو
‎الو
‎الوووووووًًووووووووووووووووو
‎( قعدت نعيط بهستيرية و نكسر في الحاجات يلي في الدار قلبي محروق علي بنتي خشت الشغالة قعدت تونس فيا )
‎( معش عرفت شن ندير لازم نوافق )
‎( رفعت التليفون و كلمت حسين )
‎شرف : الو حسين
‎حسين : الو ان شاء الله خير
‎شرف : حسين الغي كل القضايا يلي عندي و وتي ملف جديد عندنا قضية جديدة
‎حسين : توا بس كيف
‎شرف : دير يلي قتلك عليه و رقم القضية 🔥 8334🔥
😭💔
‎..............يتبع
‎و اللهي كنت بندير احدات اكتر في الحلقة بس حبيت انها تكون مقدمة تانية للرواية و ختامها هكي يكون
‎هكي رتبت احدات الرواية
.
‎الحلقات الجاية طويلة و كلها احدات و الرواية تقريبا يا 10 يا اقل من 10
‎سامحوني 💋
‎رايكم