رواية #ضمير_شرف 💔
( خيال ممزوج بلواقع )
للكاتبة : #احمد_عبدالله
الرواية بلهجة الليبية
حلقة 6 🔥 " صدمة "
عمر : شرف قولي ليش لا
شرف : هما معانا
عمر : مني
شرف : معانا و خايفة عليك الحق
عمر : عصب هلبا .. شرف انتي بتقولي و حالا
شرف : 🔥 ( دموعي نزلت و لعبرة فيا ) م م مريم
عمر :🔥 خيرها ....،،.:
شرف : مخطوفة يا عمر
عمر : شني
شرف : 😭💔🔥
عمر : و خيرك ما قلتيليش
شرف : هما معانا و حيعرفوا اني قتلك
عمر : كان مفروض تقوليلي
شرف : و حتي لو قتلك شن رح تدير
عمر : و شن طالب الحيوان
شرف : ان المتهم في القضية يطلع براءة
عمر : و لو ما طلعش
شرف : بنتي رح 💔💔💔💔😭
( دموعي نزلت كنت محتاجة اني نبكي قلبي معبي )
عمر : خلاص شرف
شرف : استحشتها يا عمر استحشتها
( و لاول مرة عمر ضمني علي صدره )
عمر : خلاص شرف و اللهي حترجع
شرف : ( بعدت شوي ) اني اسفة
عمر : لالا ما صار شي
( 👁👁 الحقيقة استغربت من ردة فعل عمر ، عمر صديق عمري و عمره ما اضبتني او شدني ، مش عارفة الحق ، مرات نيته صافية ، لالا مستحيل حب مستحيل هذا خوي )
( وصلني الحوش كنت تعبانة هلبا
شرف : ( كيف بنقول اني اسفة )
عمر : انا اسفة
شرف : ☺️
عمر : عارفك حتقوليها لا شكر علي واجب
شرف : تصبح علي الف خير
عمر : وانتي بالف خير ، شرف استني
شرف : نعم
عمر : سيارتك
شرف : 😱
عمر : حنبعت حد يجيبهالك حالا ، اعطيني المفتاح
شرف : اني اسفة
عمر : حيجبهالك و يعطي المفتاح للبواب
شرف : اوكي . المرة هاذي بنقولها اني اسفة بجد
عمر : شن قلنا احني
..
( ركبت خشيت للحوش طحت زي الجتة علي الفراش مش عارفة ليش الدموع ما تبيش تكف عليا و يلي قاهرني ان بوها ليه فترة لا سال و لا حاجة بالك حتي متنا و عارفني ما عندي حد المفروض هو حتي طليقي يكون سند ليا في النهاية بو بنتي بس ما عندي ما انقول ان ربي يسهله وين ما كان )
🔥 اليوم الاخير 🔥
نضت غيرت و لبست و طلعت
وصلت علي المكتب
شرف : صباح الخير
حسين : صصصباااح الننننوورر
شرف : للعلم عارفة انك انت من قال لعمر برا وراها بس تعرف لو ما درتش هكي كنت توا تدور في محامي يشد قضيتي
حسين : ☺️
شرف : ممكن قهوة
حسين : من عيوني
( خشيت المكتب )
لقيت رسالة علي الجهاز من نور و كانت صدمتي كبيرة هلبا هلبا هلبا
...
نور : السلام عليكم شرف ان شاء الله تكوني بخير اوراق الحالة و التحاليل ابدا مش حقيقيات ابدا هو صح الورق طالع مختوم و سليم بس لو ركزتي في نتائج التحاليل تعرفي ان التحاليل مش صح ابدا هذا اول شي و تانيا انا سمعت الصوت و قصدي هذا ما يحتاجش دكتور الولد سليم مية بلمية و مع احترامي ليه مش مريض من الاساس و ياريت تحطي عليه العين لو مش حاطة قبل هكي ، ان شاء الله ربي يوفقك و نتلاقوا في اقرب وقت ...نور
.
شرف : 👁👁 هذا شني
حسين : هي تفضلي القهوة
شرف : اشربها انت ، عندي مشوار مهم
حسين : و اللهي ما عاد مداير قهوة تاني
شرف : اسفة حسين
( و اني كيف نازلة لقيت عمر جاي )
عمر : صباح الخير
شرف : صباح النور ، عمر اني قتلك قبل هكي انت عندك شغل فوق راسك شايل الهم معاي ليش
عمر : يعني تبيني بعد ما سمعت ان مريم
شرف : 😱🔥 اسسسسس
عمر : نفوت الموضوع مستحيل رجلي علي رجلك . و بعدين انتي وين ماشية
شرف : ماشية لشركة الزناتي
عمر : هي تعالي
شرف : حسين
حسين : نعم
شرف : تفضل المفتاح
حسين : اوكي
( طلعت اني و عمر للشركة )
اني كيف خشيت للشركة شفت علاء قدامي
شرف : 👁👁🤗 اهلا شن اتعالجت بسرعة هادي
علاء : ( نزل راسه و بدي يدير في الهبال )
عمر : ☺️ حمد الله علي سلامتك
( طلع بوه و طلب اننا نركبوا )
فاروق : صباحكم خير
شرف : صباح النور و حمدالله علي سلامة ولدك
فارق : مني علاء لا قلت خلي نطلعه يغير جو شوي
عمر : و اطلع شخص مهبول
فاروق : ولدي مش مهبول
شرف : انت يلي قلت هكي مش اني
فاروق : واضح ان اسلوبكم تعدي الحدود
شرف : ، علي العموم اني نستادن لان الكلام بدي يكبر و معرفة طيبة
( نضت اني و عمر )ً
فاروق : استني
شرف : 👁👁
فاروق : ممكن شوية من وقتك استاذة شرف
شرف : ايه حاضر ، عمر نلقاك برا
عمر : اوكي
..
فاروق : استاذة شرف ولدي مش القاتل
شرف : حنشوف
فاروق : شن المعني
شرف : يعني بنقول قدام القاضي ان بوه قال ولدي مش القاتل
فاروق : 👁👁🔥
شرف : تشرفت بيك
( و طلعت من المكتب )
( نزلت اني و عمر البركيدجوا متع السيارات تعبا هلبا و السيارة معش تبان )
شرف : هذام كلهم امتي جو
عمر : توا السيارة وين
شرف . انت مش عارف وين درستها
عمر : لا ندكر بحذا سيارة حمراء
شرف : 👁👁 شني
عمر : ايه سيارة حمراء نفس المكان متع المرة يلي فاتت درست فيه
شرف : ترا وينها
( قعدنا ندوروا في البركيدجو و لقينا السيارة الحمراء و سيارتنا )
🔥 فاروق 🔥
فاروق : اني يا حيوان شن قتلك
علاء : ماهو
فاروق : ماهو شني يا حيوان قتلك ما تطلعش من المستشفي
علاء : اني كنت جاي و ماشي
فاروق : اهي شافاتك و حتطلب تكون في الجلسة
علاء : 😭😭 شن يعني
فاروق : يعني مرات تنحبس يا حلو توا ابكي لين تشبع
( وقف علاء علي الروشن )
علاء : يا بوي المحامية تشوف في السيارة الحمراء
فاروق : 😱😱😱😱🔥تره
🔥 شرف 🔥
عمر : شن اديري
شرف : انت نسيت كلمة سيارة حمراء
عمر : ايه
شرف : خلاص اكيد فيها لغز
( حست ان فاروق اكيد يشوف فيا و رح يدير شي في السيارة )
شرف : هيا عمر
( ركبت اني و عمر في السيارة )
شرف : رح نمشي لشقة البنت
عمر : وليش
شرف : لازم ندور كل الشقة لازم نلقا حاجة
عمر : حاضر
🔥 طلعنا للشقة و فتحنا الباب 🔥ً
خشيت الشقة مش عارفة امتا بنعرف القاتل اني عندي فضول
البنت وراها سر مستحيل حاجة تخلي بنت تعيش اهني و تمارس القذارة هادي و هيا حالتها كويسة
خشيت لدراها و بديت نفتش و نطلع في الدواليب و الصور و لقيت صور مع علاء هلبا و هذا ممكن يفيدني في القضية هلبا و رسائل حب بينهم و بين بعض
و قعدت ندور و للاسف معش لقيت شي
.
عفاف : 👏🏻👏🏻👏🏻
( سمعت صوت التصفيق تلفتت )
شرف : 👁👁
عمر : 👁👁
عفاف : نهنيك و نحييك علي كذبك عليا و نهنيك ان رح تطلعي القاتل براء يا شرف نصر الدين
شرف : 👁👁 اني كنت
عفاف : لا عادي فتشي زي ما انتي تبي و خودي كل شي المهم تطلعي المجرم براء
شرف : مرات مش هو القاتل
عفاف : ( تبكي و عيونها حمر ) كيف مش هو كيف حرام عليك تحرقي قلبي حرام عليك انتي ام حسي بيا ، راعي ضميرك ، كيف رح نعيش و قاتل بنتي يرقد و يتزوج و يعيش ،
شرف : 💔😢
عمر : 😢💔
عفاف : لكن ما عندي ما نقول ما عندي ما نقول حسسسبببييي اللله و نعم الوكيل فيك حسسبيببييييي الله و نعم الوكيل فيك
شرف : 😭💔🔥
عفاف : ان شاء الله يلي درتيه في بنتي تلقيه في بنتك
شرف : لالا لا 😱🔥💔💔💔💔💔
( طحت علي رجلها )
شرف : نبوس رجلك لا لا لااااااااااا
( وخرت و طلعت من الشقة )
( طبسلي عمر )
عمر : خلاص شرف
شرف : عندها الحق اني ما نرقدش الليل علي بنتي قلبي محروق عليها .. استحشتها استحشتها
عمر : خلاص خلاص
شرف : 😭😭😭💔💔💔🔥
...
( مسحت دموعي و خذيت الصور و نزلنا من الشقة )
شرف : نبي الحبس
عمر : بتمشيله
شرف : ايه بنقوله كلمتين
عمر : حاضر
.......
🔥 السجن 🔥
وصلنا للحبس
شرف : ممكن عمر تخش معاي
عمر : ايه حاضر بس ليش
شرف : ممكن او لا
عمر : ممكن
( دخلت معاي عمر لان المرة يلي فاتت تجاوز حدوده هلبا )
( خشينا قعمزنا و دخلوه لينا )
محمد : صباح الخير يا حلوين
شرف : 🤢
( قعمز قدامنا و كانت ردود افعاله تافهة زيه لانه تافه لدرجة لا توصف )
شرف : اني اليوم جاياتك و نبي نقولك كلام غدوا نبي نسمعه
محمد : تفضلي
شرف : اولا انت تعرف واحد اسمه علاء
محمد : علاء علاء علاء
شرف : اهيا صورته
محمد : ايه صاحب ندى
شرف : يعني تعرفه
محمد : ايه نعرفه
شرف : نبيك غدوا تقول شفته في الشقة
عمر : شرف شن اديري
شرف : نعرف شن اندير ، سمعتني او لا
محمد : يعني نقول القاتل
شرف : لا قول اني شفته و خلاص المهم انه يكون في دائرة الاتهام و ناخدوا وقت اطول لحل قضيتك
محمد : يعني نقول اني شفته في الشقة
شرف : ايوه لما كنت لابد في الدولاب لاني جيت نسرق في فلوس
محمد: تمام
شرف : حاجة تانية انت تاخد في مخدرات
محمد : لا حاشة
شرف : شوف اني مش حناسبك قول هذا رح يفيدنا في القضية
محمد : ايه ناخد في هروين
شرف : 😱😱😱🤫🤫🤫🤫🤭 لالا رد بالك مش لدرجة هاذي هاذي بروحها اعدام . انت قول اني ناخد في دواء لامي و دخان ليا و كنت محتاج نسرق ، وبعدين لو سالك قوله ناخد في حشيش اوكي ، باش يكون منطقي اكتر
محمد : تمام
شرف : وبعدين لو طلبوا تحليل رح نجيبلك تحليل مرخص المهم هل الهروين يلي تاخد فيه ما يبانش
محمد : تمام
شرف : تقدر تتفضل
( طلعت اني و عمر من الحبس )
عمر : هذا شن يلي درتيه
شرف : يلي هو شني
عمر : كيف تتهمي شخص بري بانه القاتل
شرف : و من قالك انه برئ
عمر : ومن قالك انه القاتل
شرف : اني رح نحطه في دائرة الاتهام فقط باش نقدر ناخد وقت اطول لحل القضية
عمر : بس
شرف : عمر بليز هذا شغلي و اني ادرا بيه و نعرف شن ندير و شن ما نديرش
( ركبنا السيارة و وصلت للمكتب لاني محتاجة اني انراجع كل شي اني و حسين )
شرف : شكرا عمر
عمر : نتلاقوا غدوا في المحكمة
شرف : حتكون موجود
عمر : اكيد
شرف : و اللهي قلبي خلاص بس ان شاء الله خير
عمر : ان شاء الله ربي معاك
شرف : مع السلامة
...
( ركبت للمكتب )
حسين : اهلا كيف بنسكر و بنوصل السيارة
شرف : لا عندي شغل
حسين : ايه صح راجعتي الاوراق
شرف : توا بنقعمز انراجعهم
حسين : نجي معاك
شرف : ايه تعالا
...
شرف : اول حاجة بنبدا بالمقدمة و بنعرض ملف الطب الشرعي و ينشرح علي طريقة القتل و اكيد العلاقات متع البنت
و بنختم ب علاقة علاء و ملفه الصحي الملفق و ادعائه انه مريض و حيقول المتهم اني شفت علاء و ناخد وقت لحين ما نشوف السيارة الحمراء شن قصتها
حسين : كويس
شرف : توا قعمز و كانك القاضي
( قعدت كل اليوم و اني نجرب و نتكلم و نبتكر في كلام و ان شاء الله ربي معاي غدوا )
🔥 اليوم الاخير في الاتفاق 🔥
لبست و حطيت اوراقي و طلعت اني و حسين و وصلنا للمحكمة
( طبعا القنوات لين تدوخ قدام المحكمة )
( نشوف في عمر جاي )
شرف : عمر صباح الخير
عمر : صباح النور نستني فيك في القاعة
شرف : ان شاء الله
( شفت فاروق جاي يحضر في الجلسة )
( تلفتت شفت عفاف الشبلي و المحامي عز )
( استغربت اول مرة و بعدين قلت عادي اصلا هو يدور في شباك لخسارتي و خلاص )
( وقف عليا و عفاف شافتلي و خشت )
شرف : سعد شن جيبك
سعد : و من قالك اني نشتغل زبال
شرف : لا عارفاتك محامي بس القاضية هادي مش ليك
و بعدين من امتي وليت محامي عام و تشتغل من غير اتعاب
سعد : من لما انتي وليتي تشتغلي من غير اتعاب
شرف ؛ تشرفت اني شفتك
سعد : نفس الشعور لما شفتك
( خشيت القاعة متوترة الحق و بدات لاني اني الاولي لان موكلي هو المتهم الرئيسي في الجريمة )
القاضي : محامي المتهم يتفضل بلحضور
حسين : المقطع الاول رد بالك تتلخبطي)
( نضت و نحس في المسافة بين الكرسي و منارة القاضي بعيد )
( وصلت )
شرف : ( السلام عليكم سيدي القاضي قبل ان ابدا حديتي اليوم تفضل كل هذه الاوراق و ساشرح عليها كلها باذن الله
اولا سابدا بملف الطب الشرعي : ملف الطب الشرعي تغير تغيير جذري قبل ايام و تم التعديل عليه بشكل كبير و تم تعديل خانة 5 في القرار و هي ان الحالة لم تكن في حالة اغتصاب بل في علاقة جنسية كاملة و عندما دققنا في مكان الجريمة راينا ان القاتل بدا جريمته في صالون الصالة و هذا يؤكد لنا ان الضحية و القاتل علي معرفة جيدة ببعض ، كما عرفنا ان الضحية تعيش حياة بائسة جدا و هذا يضهر في المكان التي تعيش فيه الضحية و ايضا الضحية لديها علاقات مع شباب كتيرة و من اهمهم علاء فاروق الصديق المقرب للضحية
فاروق : 👁👁🔥
شرف : علاء فاروق صديق مقرب جدا من الضحية و هذا امامك الصور ، علاء للاسف مريض عقلي و هو الان في مستشفي الامراض العقلية يقال انه دخلها قبل الحادتة بأشهر و لكن الملف يقول غير ذالك ابدا
فاروق : 👁👁🔥
عفاف : 👁👁🔥
شرف : عندما اخدت اوراق حالة علاء اكتشف انها مزورة و ليست حقيقية ابدا و هذا كلام دكتور كبير في ليبيا من دون ذكر اسماء و اذا يوجد شكوك اود ان يتم تقديم الملف الصحي علي دكتور من قبل اللجنة و اخد رائيه و هذا يتير الشكوك ما الذي يجعل علاء يدعي المرض اذا هو ليش القاتل
( بدي محمد يعيض في المحكمة )
محمد : اني شفته قبل ما نخش
القاضي : سكككوووتتت . اتكلم بشوية يا محمد
محمد : واني خاش بنخنب فلوس من الشقة لاني كنت محتاج فلوس لامي لدواها و ليا فا دخلت و لما سمعت صور لبدت في واحد من الدواليب و شفت علاء و ندى مع بعض
و اللهي ما قتلتها و اللهي
القاضي : سسكككوتتت
شرف : اريد منك سيدي القاضي ان احصل علي مهلة استطيع فيها ان اجد دليل قاطع علي علاء يدل بانه هو القاتل
اكملت كلامي سيدي القاضي و الحكم الاخير لك
القاضي : تفضلي
يرجي من محامي الضحية يتفضل
سعد : 😏 بسم الله الرحمن الرحيم السلام عليكم
سيدي القاضي انا ليش لدي اي كلام اقوله الان الا بعد سماع شهادة زوجة محمد نوري
شرف : 👁👁😱❌🔥🔥 شني
الكل : 👁👁🔥
محمد: 👁👁🔥
الكل : 👁👁🔥
( طول تلفتت شفت لمحمد ) ...........يتبع
اسف علي التاخير
نبي رايكم في الحلقة و شن تتوقعوا يصير ؟ تلخبطوا صح عارف هذا هو اساس الرواية انك تتلخبط و معش تعرف من القاتل
أنت تقرأ
ضمير شرف 💔 ( روايات ليبية )
Roman d'amourللكاتب : احمد عبدالله ، تدور الاحدات حول المحامية ( شرف نصر الدين ) انجح محامية في ليبيا لم تخسر قضية ابدا و لكن بين ليلة و ضحاها تتعرض بنتها للخطف من قبل شخص مجهول الهوية و المفاجاء انه لم يطلب فدية بل سيطلب شي اخر ؟ فهل تجد بنتها ؟و من سيساعدها ؟...
