سلام عليكم
قراءه ممتعه
بقيت ويه رانيه نسوي العشه عادي واكفه اساعده لان كلشي ما اعرف عن الطبخ بقينه نسولف مواضيع عامه حد ما خلصنه تحظير بعده صبينه العشه ما كعدت وياهم طلعت بالحديقة اباوع على النجوم شويه وانفتح الباب الشارع جان يجي المكروه يمي كمت من مكاني
كيان : شعندج هنا لو ما حبيتي تاكلين واني ما موجود مو
جمانه : اي لان السفره من دونك مو حلوه هههه انته صدك تحجي او تشاقه وياي هاا
كيان : شوفي لا تمشين هاي السوالف براسي مال الزوجه الي تنتظر زوجه وتاكل وياه فاهمه
جمانه : الله يطولج يا روح اكلك اني ما انتظرك و ولا راح انتظرك فاهم واني ما ميته عليك لو جوعانه جنت اروح اكل بس مو جوعانه وهسه عن اذنك
خليت وطبيت جوه بالمطبخ كعدت على الميز وخليت راسي عليه وغمضت عيوني وبقيت اتخيل حد ما اخذتني النومه بمكاني ما حسيت بشي كعدت
باليل كلش عطشانه باوعت اني بالغرفه ستغربت بقيت افرك براسي جان اباوع بصفي اشوف كيان يمي كرصت روحي حيل عبالي احلم بس لا حقيقه بالعت ريكي وكمت من مكاني
نزلت جوه على طراف اصابيعي حتى محد يكعد رحت للمطبخ ادور على المي ماكو بالثلاجة ما اعرف وين يخلو من العطش شربت من الحنفيه مي حسيت شخص براي بساع انداريت شفته هوه
كيان : تره عدنه مي صالح للشرب
جمانه : عادي ما يحتاج هذا المي أطيب
طلعلي بطل من المجمده ونطاني يا
كيان : مي الحنفيه يسوي أمراض لان مو نظيف والمي احنه انخلي بالمجمده مو بالثلاجه
أخذته منه
جمانه : شكرا لك
كيان : ماكو داعي ليش تمشين مثل الحرامي باليل تدرين ردت اطلع الرشاشه ارميج
جمانه : هاا ترميني ليش يابه بايكه كنز ابوك اني
كيان : لسانج لا طولي
جمانه : اي انشالله اريد اطلع بالحديقة شلون ينفتح الباب
كيان : ليش
جمانه : اريد احجي وياه بابا
كيان : عندج تليفون
جمانه : لا ما عندي بس بابا فوك بالسمه احجي وياه
كيان : اها اي ميخالف
فتح الباب وطلعت بره اجه براي هوه كعدنه على المروحه باوعت على السمه واباوع على نجمتي
كيان : يا واحد بيهم ابوج
جمانه : هذاك الي بحده ضواه قوي
كيان : اها
جمانه : انته عندك شخص فوك هم
كيان : اي
