السلام عليكم
قراءه ممتعه
حبيتك ضعف حب يوسف ليعقوب
وعلى حبك يا روحي كثـير لاموني
إذا يعقوب أعمى وبالقميص يطيب
أنا مـن أسـمع أسـمك ترجع عيـوني
______
بقيت 3 ايام اني لاليلي ليل ولا نهاري نهار بس ابجي من الوجع ما اروح للدوم اجتي امي بس سمعت بالخبر جابه منير واجه بقت تعتب علئ سيف لان اخذني وياه سيف اعتذر منه وباسه من راسه امي سكتت عنه
بقت امي اسبوع لان غدير جايه وياه عده دوام اني اسبوع كامل ما رايحه الباب الكليه وشايفته حتئ كتاب ما فاتحه احس نفسي شوهت صح ماكو اي اثر للحرك بس هذا الاحساس صاير بيه سيف صار يقنع بيه ارجع اداوم واني معانده ما اقبل
اليوم السبت العصر جنت نايمه بفرفتي صعدتلي ساره تكعد بيه مثل الي جايبه علم هزتني هز
جمانه ' اييي شبيج يمعوده والله ستوني نمت
ساره ' ولج كومي هذوله اجوي
جمانه ' منو همه
ساره ' الخطابه عليج
جمانه ' كولولهم رافضه
ساره ' لا ترفضين قبل لا تشوفين الولد
جمانه ' هوه اجلح املح خشمه اكبر من حلكه دخليني انام
ساره ' هههه كومي سيف يكول خل تنزل عيب الناس تنتظرج جوه
جمانه ' اني رافضه من هسه اكول
ساره ' اي بس انتي اكعدي واسكتي لا تحجين والله اذا سويتي مثل ما سويتي ويه سعد تحجين وتكومين سيف يذبحج
جمانه ' اي انشالله
ساره ' تعاي اطلعيلهم هيج
جمانه ' همه مو يردوني علئ طبيعتي هاي طبيعتي
ساره ' هههه ولج تردين يخترع الرجال باع شعرج وملابسج روحي بدلي وعدلي نفسج وخلي مكياج
جمانه ' والله انزل علئ طبيعتي كلشي ما اخلي بس البس دشداشه والشال
ساره ' انتي تردين تفشلينه البسي ثوب طويل وانزلي
جمانه ' ماشي
اخذت ثوب احمر طلع كدامي وطبيت للحمام غسلت وجهي ولبسته طلعت عدلت شعري ولبست الشال ونزلت رحت للمطبخ شفت ساره تحضر بالضيافه انطتني ياه ونطتني معلومات لازم اسويه
ساره ' اول ما طبين تكولين السلام وبعده تودين الضيافه الهم وتكعدين يم سيف وابتسامه علئ وجهج تكون وعيونج يطخن الكاع مو تباعين عليهم ومن يحجون مو تكومين وتكولين رافضه لان اذا سويتيه راح يتفشل سيف من وراج
جمانه " ماشي
طبيت عليهم وسلمت وعيني بالكاع ما رافعتهن قدمت الضيافه الهم وكعدت يم سيف ما باوعت علئ الولد حتئ الابتسامه ما ابتسمت الهم بقيت مدنكه والعب بصابيعي همه صارو يحجون بالموضوع الخطوبه بالاخير طلبو انو انضل بس اني وياه بحدنه بساع رفعت راسي وباوعت علئ سيف بمعنه ما اقبل بس سيف عاندني واخذهم وطلع بقيت بس اني والولد ما باوعت عليه ابدد
